1 EEHAMBA 2:7 - Ombibeli Iyapuki

⁷ Ndelenee ovana ovamati vaBarsillai, Omugilead, u noku va fila onghenda, vo ve nokukala vomongudu oyo tai li poshililo shoye, osheshi naavo yo ve uya okukwafa nge ame eshi nda ya onhapo omumwanyoko Absalom.

1 EEHAMBA 2:7 Referans Kwoze

2 SAMUEL 9:7

Ndele David ta ti kuye: “Ino tila, osheshi oshili ame ohandi ke ku fila onghenda omolwaxo Jonatan, ndele ame ohandi ke ku alulila omapya aeshe axokulu Saul. Ndele ove mwene oto ka lya alushe poshililo shange.”

2 SAMUEL 9:10

Ndele ove u noku mu longela epya, ove mwene novana voye ovamati novapika voye. Ndele u noku li teya, opo omona womwene woye a kale e nomungome wokulya. Ndelenee Mefiboset, omona womwene woye ota ka lya alushe omungome poshililo shange.” Ndele Siba okwa li e novamati omulongo navatano novapika omilongo mbali.

LUKAS 12:37

Ovanelao ovapiya ava Omwene wavo te va hange ve li oupafi nge te uya, oshili handi mu lombwele, Ye ote lidjaleke, ndele te va lombwele va kale omutumba note va yakula.

OMAYELETUMBULO 27:10

Ino liteeka kaume koye nakaume kaxo, ndele ino ya mo meumbo lomumwanyoko mefiku lomupya woye. Omushiinda wopopepi omuwa e dule omumwanyoko e li kokule.

2 SAMUEL 19:28

Osheshi eumbo lange alishe la kala pomwene wange ohamba ngaashi ovalumenhu va yandjwa mefyo. Nande ngaha, omupiya woye ove we mu tula mongudu yaava hava li koshililo shoye. Hano ame ondi noufemba washike vali, opo ndi pule sha kohamba?”

GENESIS 40:14

Ndelenee dimbulukwe nge ngeenge ove wa kala nawa, u file nge onghenda u hepaulule nge kuFarao ndele pitife nge meumbo eli.

ESRA 2:61

Ndele movana vovapristeli omwa li: ovana vaHabaja, ovana vaHakkos, ovana vaBarsillai, ou a hombola umwe womovana oukadona vaBarsillai, Omugilead, ndele a ifanwa pamadina avo.

JEREMIA 52:33

Ndele Jehoiakin okwa dulwa oikutu yaye yomodolongo. Nomafiku aeshe okwa kala ha li eendja moipafi yaye, fimbo e nomwenyo.

2 EEHAMBA 25:29

Nokwa itavelwa okulidula oikutu younghwate. Ndele ta li omungome koshipala shohamba omafiku aeshe okukalamwenyo kwaye.

2 EEHAMBA 25:30

Nokwa pewa kohamba eendja paemhumbwe defiku keshe, eendja de mu tokolelwa omafiku aye aeshe.