1 EEHAMBA 2:2 - Ombibeli Iyapuki

² “Ame ohandi ka ya nondjila younyuni aushe; kala wa pama, omulumenhwelela,

1 EEHAMBA 2:2 Referans Kwoze

JOSUA 23:14

Ndele taleni, ame ohandi i paife nondjila yoonakukala aveshe kombada yedu. Ndelenee nye mu nokushiiva nomutima weni aushe nomwenyo weni aushe nokutya, kape na nande ondjovo imwe yomeendjovo adishe diwa Omwene Kalunga keni e mu lombwela tai kala inai wanifwa. Adishe de mu wanifilwa, kape na nande imwe inai wanifwa.

OVAEFESO 6:10

Ndele natango, ovamwatate, lipamekeni mOmwene nomeenghono domepangelonghono laye.

1 OVAKORINTO 16:13

Kaleni oupafi, mwa pama meitavelo, ovalumenhwelela, mwa pamenena.

OVAHEBERI 9:27

Nongaashi ovanhu va ufilwa ve nokufya lumwe aluke nokomesho etokolo,

DEUTERONOMION 31:23

Ndele Ye okwa lombwela Josua yaNun ndele ta ti: “Kala wa pama ndele nyatipala, osheshi ove oto ka twala ovana vaIsrael moshilongo nde shi va udanekela nokwaana; ndele Ame ohandi ka kala pamwe nanye.”

2 TIMOTEUS 2:1

Oove hano, omumwange, likolelela mefilonghenda eli li li muKristus Jesus;

1 TIMOTEUS 4:12

Inapa kala nande umwe ta dini ounyasha woye. Ndele kala omuhopaelelwa wovaitaveli meendjovo nomokweenda, mohole, momhepo, meitavelo nomoukoshoki.

OMUUDIFI 12:13

Efina loinima aishe twe i uda oleli: Tila Kalunga u diinine oipango yaye. Osheshi omunhu keshe osho e nokuninga.

OMAPSALOME 89:48

Openi mbela pe na ou, ta kala nomwenyo ndele ita mono efyo, ye a xupife omwenyo waye mepangelo loshovafi? Sela

JOB 30:23

Osheshi ndi shi shii: Ove wa hala okutwala nge mefyo nokongulu muyo aveshe ava ve nomwenyo tava ongala.

JOB 16:22

Osheshi omido dange odo di li po natango odinini, opo nee handi i, ndele itandi aluka vali.

1 OMAFIMBO 28:20

Ndele David okwa lombwela omona waye Salomo: “Kala wa pama wa nyatipala, ndele shi xulifa. Ino tila, ino mbadapala! Osheshi Omwene Kalunga, Kalunga kange ta ka kala naave. Ye ite ku efa ndele ite ku ekeleshi, fiyo wa xulifa oilonga aishe yongulu yOmwene.

1 EEHAMBA 3:7

Hano paife, Omwene Kalunga kange, owa ninga omupiya woye ohamba ponhele yatate David. Ndelenee aame omunyasha, inandi shiiva okupita mo ile okuuya mo.

2 SAMUEL 10:12

Kala wa pama, ndele atushe tu kaleni twa nyatipala omolwoshiwana shetu nomolwoilando yaKalunga ketu. Omwene na ninge osho tashi mu wapalele momesho aye.”

2 SAMUEL 12:23

Ndelenee paife oka fya. Omolwashike ndi kale nokulidilika? Ame handi dulu mbela oku ka alula vali? Ame ohandi i kuko, ndelenee ko itaka aluka kwaame.”

1 OMAFIMBO 22:13

Opo nee to ka kala omunelao ngeenge to diinine shili eenghedimhango nomalombwelo aa Omwene e a lombwela Moses molwOvaisraeli. Kala wa pama u nonyati! Ino tila ndele ino mbadapala!

1 OMAFIMBO 22:16

Hano oshingoldo noshisiliveli noshikushu noshivela, oinima ei ihapu kai shii kuyelekwa. Fikama u ka longe, nOmwene na kale naave!”

1 OMAFIMBO 28:10

Tala hano, Omwene e ku hoolola, u tunge ongulu yotembeli. Kala wa pama, u i xulife.”