1 EEHAMBA 13:5 - Ombibeli Iyapuki

⁵ Noaltari ya tenda pokati, nomute ou wa li koaltari wa tikila poshi padidiliko loshikumwifa, omulumenhu waKalunga e li udifa pandjovo yOmwene.

1 EEHAMBA 13:5 Referans Kwoze

MARKUS 16:20

Ndele vo ova ya, ndele ova udifila akushe, ndele Omwene Jesus okwa li ta longo pamwe navo, ndele ta pameke eendjovo nomadidiliko tae di shikula.

1 EEHAMBA 22:35

Ndele efiku olo olwoodi la ninga linene, onghee hano ohamba ya kala ofika metemba layo loita nokutaalela Ovaarami. Onguloshi oyo oya fya. Nohonde yomoshiveta ya xungukila metemba.

1 EEHAMBA 22:28

Mikaia okwa nyamukula: “Ngeenge to aluka ino mona oshiponga, otashi ti Omwene ina popya mwaame.” Nokwa tya vali: “Keshe umwe na ude eshi nda popya!”

1 EEHAMBA 13:3

Nefiku tuu olo okwa udifa edidiliko loshikumwifa ndele ta ti: “Edidiliko loshikumwifa, Omwene e li popya oleli: ‘Tala, oaltari otai ka tenda omufya nomute ou u li kuyo tau tikile poshi.’ ”

DEUTERONOMION 18:22

Tala, u kale u shi shii: omuxunganeki ngeenge ta popi medina lOmwene ndele eendjovo tadi wanifwa, do itadi ka twa, hano eendjovo odo, Omwene ine di popya. Omuxunganeki okwe di popya nokuhe nohoni, ino mu tila.

1 EEHAMBA 13:4

Ohamba Jerobeam eshi a uda ondjovo yomulumenhu waKalunga, oyo e i lombwela oaltari yomuBetel, yo oya nana eke layo koaltari ndele tai ti: “Mu kwateni!” Opo nee okwooko kwayo ye mu ulika okwa kukuta yo ya nyengwa oku ku alula.

1 EEHAMBA 13:6

Opo nee ohamba ya hovela okulombwela omulumenhu waKalunga, tai ti: “Handukululifa Omwene, Kalunga koye, u indilile nge onghenda, opo ndi dule okwaalula okwooko kwange.” Nomulumenhu waKalunga okwa handukululifa Omwene, nohamba ya dula okwaalula okwooko kwayo ndele kwa li ngaashi shito.

1 EEHAMBA 17:16

Oufila moshiyuma inau pwa mo, nomaadi moshanga inaa pwa mo, opandjovo yOmwene, e i lombwela Elia.

AMOS 3:14

nokutya, Ame mefiku olo handi handukile omatauluko aIsrael, ohandi handukile yo eealtari domuBetel, opo eembinga doaltari tadi ka teywa po ndele tadi wile poshi.