1 EEHAMBA 10:9 - Ombibeli Iyapuki

⁹ Omwene Kalunga koye na hambelelwe, eshi e ku hokwa nokwe ku kaleka omutumba kolukalwapangelo laIsrael! Omwene eshi e hole Israel fiyo alushe, Ye okwe ku ninga ohamba u longe ouyuki naasho sha yuka.”

1 EEHAMBA 10:9 Referans Kwoze

OMAPSALOME 72:2

yo i pangele ovanhu voye nouyuki, noi yukifile omapongo oye.

1 EEHAMBA 5:7

Hiram eshi a uda eendjovo daSalomo, okwa hafa shili ndele ta ti: “Omwene na hambelelwe, ou a pa David omona omunaendunge, ta pangele oshiwana eshi shinene.”

2 SAMUEL 8:15

Ndele David okwa pangela Israel alishe, nokwa ningila oshiwana shaye ashishe osho sha yuka nosha wapala.

JESAJA 42:1

Tala, omupiya wange, ou handi mu yambidida, omuhoololwa wange, ou omwenyo wange we mu hokwa. Ame onda tula Omhepo yange muye, oye ta ka tandavelifa ouyuki moiwana.

2 OMAFIMBO 2:11

Ndele Hiram, ohamba yaTirus, okwa tonga monhumwafo oyo e i tumina Salomo: “Omwene eshi e hole oshiwana shaye, Ye e ku ninga ohamba yasho.”

OMAPSALOME 22:8

“Okwe lineekela Omwene, Oye ne mu xupife, Ye e mu kufe ko; osheshi Ye e mu hokwa, vati.”

OMAPSALOME 18:19

Okwa kufa nge pofina, ndele ta twala nge poluhaela pa yela sheke, okwa nakula nge mo, molwaashi a hokwa nge.

1 OMAFIMBO 17:22

Ndele Ove we lilongekidila oshiwana Israel shi ninge oshiwana shoye fiyo alushe. Ndele Ove, Omwene, wa ninga Kalunga kavo.

2 SAMUEL 23:3

Kalunga kaIsrael okwa tya, Emanya laIsrael la lombwela nge: “Omupangeli wovanhu, omuyuki, ou ta pangele metilokalunga,

JESAJA 62:4

Ove ito ifanwa vali Omuhengwa, nedu leni itali ifanwa vali Ofuka yOngaho; ndelenee oto ifanwa Omuholike wange, nedu loye Omuhombolwa, osheshi Omwene e ku hole, nedu loye tali ka hombolwa.

JESAJA 9:7

Epangelo laye tali ningi linene, nombili itai xulu po okolukalwapangelo laDavid nomouhamba waye, opo Ye e u kanghameke noku u pameka netokolo nouyuki okefiku eli nofiyo alushe. Ouladi waKalunga, Omwene womatanga ovakwaita otau ke shi ninga.

DEUTERONOMION 7:8

Ndelenee Omwene eshi e mu hole nokwa li a hala okudiinina eano Ye e li anenene ooxo, onghee hano Omwene e mu pitifa mo neke li neenghono meumbo loupika, meke laFarao, ohamba yaEgipiti.

2 SAMUEL 5:12

Osho ngaha hano David e shi dimbulukwa nokutya Omwene e mu pameka ohamba yOvaisraeli, nouhamba waye wa tumbala omolwoshiwana shaye Israel.

1 EEHAMBA 3:28

Ndele Ovaisraeli aveshe va uda nhumbi ohamba ya tokola eendjovo odo, ndele va tila ohamba. Osheshi va mona nokutya, muye omu neendunge daKalunga okutokola pauyuki.

JESAJA 9:6

Osheshi okaana ke tu dalelwa, Omona omumati e tu yandjelwa, nepangelo oli li komapepe aye, ndele ta ifanwa: Omukumwifa-Omupukululi, Kalunga Omunaenghono, Tate yaalushe, Ohamba yombili.

JEREMIA 31:3

Omwene okwe lihololela nge kokule. Heeno, onda kala ndi ku hole nohole yaalushe. Onghee nde ku shilila kwaame nouwanghenda.

MALAKIA 1:2

Ame nda li ndi mu hole, Omwene ta ti. Ndelenee nye tamu pula: Ohole yoye ya holoka peni? Esau ke fi omumwaxe waJakob? Omwene ta ti. Ndelenee nda li ndi hole Jakob,