1 EEHAMBA 1:3 - Ombibeli Iyapuki

³ Ndele ova konga moshilongo ashishe shaIsrael okakadona kawa, ndele va mona ko Abisag, Omushunemi, ndele ve ka eta kohamba.

1 EEHAMBA 1:3 Referans Kwoze

JOSUA 19:18

ndele oshitukulwalongo shavo sha ama kuJisreel naKesullot naSunem,

ESTER 2:4

Nokakadona oko taka pandwa kohamba, naka ninge omumbada wohamba ponhele yomumbada Vasti.” Ondjovo ei ya wapalela ohamba, nosho ya ninga.

ESTER 2:2

Opo nee ovapiya vohamba, ovo ve i yakula tava ti: “Ohamba nai kongelwe oukadona ounyasha ve nondjelo iwa.

2 EEHAMBA 4:8

Ndele efiku limwe Elisa okwa ya kuSunem, ndele oko kwa li omwalikadi umwe oshipuna, okwe mu ifana e mu pakele po omungome. Ndele keshe tuu efiku a enda po, ye okwa ya mo a ka lye.

1 SAMUEL 28:4

Opo nee Ovafilisti va ongala ndele ve uya moshilongo ndele va onga onhanda muSunem. Ndele Saul okwa ongela Ovaisraeli aveshe ndele va onga onhanda kuGilboa.

2 EEHAMBA 4:25

Ye okwa ya ndele te uya komulumenhu waKalunga komhunda yaKarmel. Omulumenhu waKalunga eshi e mu monena kokule, ta ti komupiya waye Gehasi: “Tala, omwalikadi Omushunemi ota di kwinya.”

1 EEHAMBA 1:2

Novapiya vaye ve mu lombwela: “Omwene wetu ohamba nai kongelwe okakadona, ka kale pohamba, ke i hakule. Ko ngeenge taka nangala mekolo loye, ohamba opo tai udu epupyu.”

1 EEHAMBA 1:4

Nokakadona aka oka li kawa unene, noka kalela ohamba ke i yakule, ndelenee ohamba inai nangala nako.