Usea 9:10 - Fanawbuid tagsibaliwas Fakayabian

¹⁰ Dius nabalus te, “Ngay taw Israel, ebi gina au gfili ay ngay mangaguyang laman ku ngay taw, maksvn nu guseganan au. Kata au sik taw taguseganan nu nalag sik tanum wat ubas nu natugbung si sik talun at yud e taw, ay mannga nu nalag taguna fag rawvg si sik tanuman fun igus. Dewa katanya, nalao wam sas Baal-Peur, ay nafalganan ay ngay sadili sa kafag fagsegan at mauri, ay nu katanya, ansik mauri am kata kafag fagsegan ay fakesugun.

Usea 9:10 Referans Kwoze

Usea 4:14

Dewa katanya, kwa ban gfaurianan ay ngay baguina ay ay nugang fag ngay mangena, dewa nafakamulun takatanya, aroro am fag ngay mangama, nanamataladan yangay am takamatugtug fag ngay mangena, sis fagnansegan fag bale, gina am gfon ngay fanggalangun. Nu katanya, gfaurianan kban ayu aroro wam nasaful at matuyan.

Eremyas 11:13

Ngay taw Uda, ay ngay fagsegan at kayuan kayu yangay ay furuan. Ay nu seyu sis furuan Erusalem at ngay fagaweanan, kayu yangay nya ay nawat fagirugan laman ay fagfonan ngay fanggalangun laman sas Baal fag fagsegan at maksvn nu mauri.’

Mikas 7:1

Mikas nalong te, “Afanyuan au! Kata au sik taw takalunus ay tagrvbvy wat ubas at rawvg, ay fun kayu igus at ngay rawvg at sawad, dewa katanya, kwe nalag nusdi sadik rawvg.

Usea 2:15

Nu nfoli ban mi, gdog au namafoli sa anya at ngay tanuman, ay datag Akur, nangawat au sik sakbawan tagfon fagsegun. Ay kanya ban gbalus angku kata at nafakamulun ebi, gina au gfalfas anya siginans talun Igiptu.”

Esekyel 20:8

“Dewa katanya, kanya fag ngay taw nafamabo ay wa nadungugan angku. Kanya fagayu wa natalyuyan talun Igiptu at ngay fagsegan at maksvn nu mauri. Nu katanya, nalong au te, namadasug au sa anya fagayu ku fandotama sis talun Igiptu.

Amus 4:5

Ay nangirug am tinapay at ke famabia laman sik fanggalangun famauseganan. Agvd, nanfamatungudun wam takatanya, anggan ay fanggalangun yud fabulunan, aroro katanya wan ay fakaylatun gfakamulun. Au, Fun Dius Yawi taglong tuy.

Usea 11:1

Dius nalong te, “Kesug au Israel ebi gina kanya sik masisian yay. Nafangayan au anya te, ku sisian ay nafaduksun kwan anya siginans talun Igiptu.

Eremyas 31:2

Ay galaga kban at kinsawad fag ngay taw kaduge kanya fagayu glao sas talun at yud e taw. Ay kafoli kban laman namon au fagmanabayanun sa sangay taw Israel.”

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Isayas 28:4

Kanya fag furuan sisad datag, sit masine fag daga, ay dewa katanya, at kasinean kalyam way ban kata sik barugwak takalangke. Kanya ban kata sik tanum igus taguna at rawvg, ay nusnga sinu ban tagdalan sanya ay nalag kafag rawvg namul wan ay kon.

Alubad. 81:12

Nu katanya, nafabayan kwan ayu, ay nafaning wam ay sadili fakaylatun, aroro kamaogatun am.

1 Fun 16:31

Saman ya nu gfaning Erubuam, Nebat at baguama, at ugali, kanya andadwa ya sas Esebel, Etbaal at baguina. Etbaal talun Sidun at fun. Siginan ginanya, Akab gseg ay gfauseganan Baal.

Tagfangguna 6:32

Siginan ginanya, ngay taw nafangayan Gidyun te, “Erubaal,” at masuad te, “Fabayani wan Baal tagfalangfe at sadili,” aroro Gidyun narufa wan Baal at fagirugan.

Deuterunumyu 32:17

Ay nafon fanggalangun sat mauri fag ngay falad, ay sat yud matuyan fag ngay fagsegan, at fagyudun toglag ay at bagu yay kasik fagsegan, ay at ngay mangaguyang at fagyudun gseg.

Deuterunumyu 32:10

Yawi nalag anya fagayu sis talun at yud e taw, sas talun at yud bangan e gtugbung ngay fananum. Ay kanya nalaga kanya fag ngay taw kata sik taw nu gdiri at mata.

Deuterunumyu 4:3

Nalag am Yawi at nafakamulun sis Baal-Peur, Yawi nafabul ngay taw Israel at naseg Baal fag fagsegan.

Tap 15:39

Ay at ngay famaringbing gfamatang fagayu ku ngay suguan sa ayu laman gfaning tuam fia ay bundi lang am fakaylatun fag fakamulun wayam fakamulun.

Ruma 6:21

Nataw ay nabul siginan ay nafakamulun ebi ay fakaplaun katsi? Takatanya fag ugali at fungfung fakabulun way.

Alubad. 115:8

At nawat kafag ngay fagsegan ay fagayu tagseg, umkata kafag ngay fagsegan.

Eremyas 3:24

Siginan nu sisian ami nasaful wami te, fagayu em mangaguyang at nainlufuyan sa way lang em fagsegan at mapla, anggan em ngay fagbaugun ay em ngay sisian.

Eremyas 24:2

Sit sadi fag sabi, melo, masine, malesanan, ay bagu yay grabas. Ay sit faduak sabi, madanan way ay wa kaon ya.

Usea 4:18

Kanya fagayu gina galangu, namataladan ngay mangena. Ay at ngay tagfangguna maksvn nu kaylat gfakamulun at mapla fag ngay fakamulun.

Tap 18:13

Am wan tagagbilug sat ngay rawvg siginans taguna fag gutluan sis gamasun. Nusnga sinu siginan am talanan masine maon kafag ngay afud.

2 Fun 17:11

Kanya fagayu nairug ngay famaebebanglu sa sangay bale fagnansegan si tangabat fag ngay buknga, kata Yawi at naiyan fag ngay gaban taw at nafakamulun. Kanya fagayu nafakamulun nusnge wain at mauri tagfadotama Yawi.

Sulumun at Alubad 3:6

Sinu manga kanya fag ngay taw ngayu takadasug siginan at yud e taw fag talun kata sik anus daul? Ay kanya fagayu e buba ngayuk dalan famaebebanglu at mabyat nu kabayad.

Eremyas 3:25

Yawi em Dius, nanuksuan ami emu, aroro maksvn nu kapla ami emu, aroro ami ay anggan em ngay mangaguyang nafamabo ami emu.”

Usea 13:5

Nalaga au ayu gina am sis talun yud e taw, sit matat fag daga.