Usea 8:2 - Fanawbuid tagsibaliwas Fakayabian

² Kanya fagayu guro sa angku te, ‘Gtuyan ami te, o wan Israel at Dius.’

Usea 8:2 Referans Kwoze

Titu 1:16

ay glong te, “Toglag wami Dius.” Dewa katanya, we famatuyan sit fakamulun, ay maksvn nu mauri ay kamabo ay fagayu at fakamulun we masine.

Mateu 7:21

“Bunwa ban fagayu taglong sa angku te, ‘Ku Fun, ku Fun,’ at kumful sas Dius at fagfagtainanan, kayu way ban tagfaning ku Mama sas banwa at fakaylatun.

1 Uan 2:4

Nusnga sinu taglong te, “Toglag au Dius,” dewa katanya nu dway gfaning Dius at longan, kanya kamuag way, ay we si anya at matuyan.

Lukas 13:25

“Ay kanya fag tagagbilug bale nu nlindug ay nu nadingding wan at sakbawan, am si way am slod bale, ay katuk am sis sakbawan ay guro te, ‘Em Fun, luangi, fasakboi emi.’ Ay kanya gbalus ayu te, ‘Kwa toglag ayu ay kwa saful te, daginan am.’

Mateu 25:11

“Ay arodi at lima andasug yangay ay guro te, ‘Em fun, em fun, luangi, fasakboi emi.’

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Eremyas 7:4

Lag am gafanud ngay taw at longan te, “We kadasug at malimu aroro Yawi at bale si wa antam.”

2 Fun 10:29

Dewa katanya, kanya wa natalyuyan at asalanan, nafaning way Erubuam, Nebat at baguama at nafakamulun, at nafae asalanan ngay taw Israel. Kanya fagayu gseg fagsegan fag ngay baka at mawatan siginans gintu tagsis Betel ay Dan.

2 Fun 10:16

Yeu nalong te, “Aloi angku laman lumag o te, matuyan au sas Yawi.” Ay Yeunadab nanangalo anya.

Usea 5:15

Sanya ginan, kafoli kwa ban sa ku bale kanya fagayu nu naubun wan at ngay asalanan. Ay gina ban gidapan, kanya fagayu nangakbang sa angku.”

Usea 8:3

Dewa katanya, kanya fagayu nafaning nusnga setaw at matuyan, nu katanya, at ngay fawayan namafalo anya.