Biblia Todo Logo
Bib sou entènèt

- Piblisite -




Usea 7:13 - Fanawbuid tagsibaliwas Fakayabian

13 Kanya fagayu sik afanyuan fag ngay taw aroro anyayu siginan angku. Ay namamin kban anya fagayu aroro nafamabo angku. Kaylat koma ggubuk anya fagayu, dewa katanya, wa matuyan at ngay nalong sa angku.

Gade chapit la Kopi




Usea 7:13
42 Referans Kwoze  

Nung way e gsisian man ban, gbul kwa ban anya fagayu ay kabalu ban am. Afanyuan ban am nu naubun au ayu.


Dius nalong yay te, “Ngay taw Israel malayun nu kamuagan ay nu gfalingun angku. Ay ngay taw Uda anyayu wan siginan angku, Dius at matuyan ay at yud e malong.”


Ay sanya ginan nalag au sik bio nu glayug sis kiwang, ay nadungug au nu guro te, “Gina ban at tulu yak tagbarita nauyup at budyung, kadasug ban at maksvn fag malimu sa sangay taw tagbanwan sas fagdaul daga.”


Nu glong tam te, wa tam e asalanan, gfangayan tam Dius te, takamuag, ay wa si antam at longan.


“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak ay wo kaylat.


Nafalfas koma ayu siginan nu gafagsuguanan am sis talun Igiptu. Nafili au Muisis, ay Arun, ay Miryam laman gfangguna ayu.


Nu katanya, ngay tagfakamulun maksvn nu kalimu, aroro siginan Unas at nalong te, nasuksuan au Yawi. Ay kanya fagayu nalong te, “Wain am fagnafakamulunun takatanya?”


Dewa katanya, kanya nananuksuan Yawi, at algan sas talun Tarsis. Kanya ndasug sas furuan Upa ay nalag sik sakayan lino tagsas Tarsis. Unas nafon at famayad ay nasakay magamut ngay tagfakamulun sis sakayan lino ay tiba yak tagsakay.


Dewa katanya, dewa au gfataglayun guro ngay taw Israel, kaugat way nu kayayu angku. Kanya fagayu gfon fanggalangun ay girug ngay famaebebanglu sat fagsegan Baal.


Usea nalong te, “Ku Dius gaiyan ngay taw Israel aroro wa gfaning anya. Nu katanya, kanya fagayu gsaruayan waban sa tibak talun.


Kanya fagayu gfauseganan at fun ay at ngay tagfangguna siginan at ngay fagmauriun ay at fakamuagun.


Kaylat koma gfafia ngay taw Israel, aroro ku nalag si anya fagmauriun way lang. Kanya fagayu gfandaya, ay gsakbo sa sangay bale laman nanfangkamul, ay nanfamalabag sa sangay dalan.


Ay ku ngay tupa nalyam sa sangay fungsu ay sa sangay buksul tangabat. Ay narapyagan sas fagdaul daga ay we nanrvbvy ya.’


“Ay gamatangan wayam manga te, Fun Dius at fakamulun wa matuyan. Ngay taw Israel, amatangani! O ku fakamulun at yud matuyan ay mannga ay fakamulun?


“Nataw at masuad tuy fag faydayuanan sis Israel te, ‘At ngay fagtainan kon wat ubas at rawvg at mayat, ay at sisian ban kayat way’?


“ ‘Au, Fun Dius Yawi, glong au te, afanyuan o! Aroro saman ya am nafakamulun mauri,


Wami e fagmatuyanun ya, ay afanyuan way mi lang, aroro anke asalanan ami.


Wa masine ay fakamulun. Nafababaun am naet sa angku laman nangakbang au sa ay Dius Yawi ay gdarangin laman sa ayu ay nafatuyanan am te, gfakamulun ban am fagayu at nalong sa ayu.


Ay Yawi nabalus te, “Matuyan, anyayu am siginan angku. Nafaning am ay sadili fakaylatun. Nu katanya, kwa kaylat ya ayu. Ay kwa ban kalyam ya ay ngay fagmauriun, ay namaurianan au ayu.”


Yawi nalong te, “Matuyan kanya fagayu ku ngay taw, ay ku ngay sisian at yud nafamabo angku.” Nu katanya, Yawi nafalangfe anya fagayu.


Nafamabo tam ay anyayu Yawi, ay wa tam nafaning tam Dius. Ankuri tam ay nafalingun tibak taw. Ay maksvn nu gamatangan tam te, setain nu mafamuag tam.


Israel, katatuy Yawi, at nawat emu, at fagyalongun sa emu: “Dangay o kalimu aroro namalangfe au emu. Nauro au am ngayan, ay au wan am tagagbilug.


Dewa o mamomuy ay alay, lag kalimu aroro au wan taggubuk emu. Au Yawi taglong takatanya. Au wan am tagfalangfe, Israel at Dius at yud e malong.


Afanyuan, fagayu am at nanget gubuk sas talun Igiptu. Gsarig am sat matarung fag ngay kabayu, ay at tangayu fag faguyudan fangawayan, ay at magaras fag ngay tagsaful gsakay sis kabayu. Dewa katanya, wam gseg Yawi, Israel at Dius at yud e Malong, ay wam nanget gubuk sa anya.


Kanya nafalangfe at ngay taw siginan at ngay fawayan.


Kanya fagayu glong sat Mabalyanan fag Dius te, ‘Fabayani way lang emi. Nataw ro am fagmafakamulunun sa emi?’


“Kafag ngay taw am ngay fagsuguan ay am ngay taw am nafalangfe siginan am fagmabalyananun ay am fagmabitsugun.


Amatangani te, ebi sik ngay fagsuguan yangay am sis talun Igiptu, dewa katanya, ay Dius Yawi nafalfas tua ayu. Kanya wan at masuad ku fagnafonun ayu tuy fag suguan katsi.


Ay gaiyan kwan ayu siginan ku daga salubangan kata ku nafakamulun sa ay ngay kalongan fag ngay taw Israel.’


Ngay taw Israel tagbanwan sanya glong te, “Nafabulun oma mi nafafia talun Babilunya, dewa katanya, kanya wa kafia ya. Nu katanya, gfabayan watam anya, ay guli watam sa tam mesa talun, aroro at ngay asalanan andasug wan sas banwa. Nu katanya, Yawi ban gfaurianan wan anya.


Ay am fag ngay taw at maramraman, madot am, ay kamuag.


Yawi nalong te, “Afanyuan ku ngay sisian takamabo. Kanya gfalganan sik ngay algan deyud gfadiuganan angku, ay nanangasadi sa tibak taw dewa yud au e longan. Takatanya at fakamulun gfayu way at asalanan.


Kanya fagayu glo wan sas talun Igiptu laman nanget gubuk sat fun, ay wa get gubuk sa angku.


Nafamabo am angku siginan nu gsisian am siginan ay yud mangena. Nu katanya, namabul au ayu ay nanrasras ay ngay gamasun, gina ban am maful sabaliwa Magdanun nu Bagu Kasure.


Swiv nou:

Piblisite


Piblisite