Usea 5:5 - Fanawbuid tagsibaliwas Fakayabian

⁵ Ay fakamatungudunun gfatuyan te, masine nu gafaurianan am. Ngay taw Israel, umfaurianan am, anggan am ngay taw Uda, aroro sa ay ngay asalanan.

Usea 5:5 Referans Kwoze

Usea 7:10

At ngay fakamabatunun gfatuyan te, kanya ban fagayu nangafaurianan. Dewa katanya, kanya fagayu dewa nafaurianan, ya kafoli ay kakbang sa angku, at Dius Yawi.

Amus 5:2

Israel kata sik baguina at kintaygilid at yud manangalindug ya. Kanya mataygilid way lang sit talun ay we namangkad ya.

Lukas 19:22

“At tagfayafun nalong anya te, ‘At mauri fag fagsuguan, namaurianan kban emu kata am nafamanlonganan. Nasaful oma o te, sik taw au malimu, aroro gbul au deyud au at nafon, ay ggutlu au, deyud au at natanum.

Mateu 23:31

Nu katanya way ay longan, glong wam te, ‘Takamabul ami fag ngay taw at ngay kasugfunanan.’

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Usea 8:14

Ngay taw Israel nalyam at takawat. Ngay taw Israel ay ngay taw Uda nawat at ngay bale ayu daul, ay at mogat fag ngay furuan ayu daul. Dewa katanya, nangirug kban kafag ngay furuan ay anggan at mogat fag ngay afud.”

Usea 5:14

Aroro kata kban sik liun laman namabo Israel ay Uda. Namabul kban anya fagayu, ay namuba sa tibak talun ay wa ban e mafalangfe anya.

Usea 4:5

Ay kadasug ban sik buknga laman namaurianan au ayu fag ngay tagfon fanggalangun ay fag ngay taglong. Ay gfaurianan kyangay ban anggan ay mina fag talun Israel.

Eremyas 14:7

Ngay taw nalong te, “Yawi, nafamabo ami gugat emu ay nasalan. Dewa ami sak gafaurianan aroro sa em ngay asalanan, kin, fakamuluni wan laman ngay taw gfauseganan tua emu.

Isayas 59:12

Aroro maksvn wan tam asalanan sis Dius at daga salubangan, ay kanya wan fag ngay asalanan fagsafulan te, gafaurianan tam. Anud! Saful oma tam te, gfakamulun way tam at mauri.

Isayas 44:9

We tungkul ngay taw takawat ngay fagsegan, ay wa yangay e tungkul at fakesugun fag ngay fagsegan. Nusnga sinu tagseg takatanya fag ngay fagsegan kata nu yud glag ay nu yud e fagsafulun, ay umke fakaplaun way.

Isayas 3:9

Ay katoglag sit ngay kamatan te, e ngay asalanan. Ay kanya fagayu wa kapla gfakamulun at mauri kata ngay taw Suduma nu yud gsuksuk at ngay fakamulun at mauri. Ida! Kanya fagayu afanyuan way lang! Kanya yay fag ngay taw at nafadasug faurianan sat sadili.

Fangatulun 30:13

E ngay taw kamatungudun, ay kanya nu gamatangan sat sadili, gtungud tua at iba.

Fangatulun 24:16

Aroro sik taw at matuyan dewa antaygilid fitu ginan, matuyan wan gdog yay kabangkad, ay nusnga setaw fag fagidapun mafataygilid at mauri fag ngay taw.

Fangatulun 14:32

At mauri fag ngay taw gafaurianan, aroro siginan at fagmauriun, dewa katanya, at matuyan fag taw e fagsarirungan tua gina gakabulun.

Fangatulun 11:21

Sik taw at mauri umfaurianan, dewa katanya, tagbanwan sat matuyan, di gafaurianan.

Fangatulun 11:5

At matuyan ay at yud e malong fag ugali, tagfae fagmanabayanun nu gbanwan, dewa katanya, at mauri fag ugali, at fungfung sa ways faurianan.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Isayas 3:8

Matuyan, Uda ay furuan Erusalem umrasras wan, aroro ngay taw tagbanwan sanya nafamabo Yawi, siginan nu gfakamulun ay nu glong at mauri. Ay kanya fagayu dewa sis Yawi daga salubangan glong at mauri sa anya.

Usea 14:2

Afolii wan sas Yawi ay longi sa anya te, ‘Falyami wan em ngay asalanan, ay aylati emi kata am fagmasineun, laman mafauseganan ami emu.