Usea 5:4 - Fanawbuid tagsibaliwas Fakayabian

⁴ Ay mauri fag ngay fakamulun gsalag ayu laman wam kafoli sa angku. Aroro sik falad gfamatangan ayu laman gseg am tibak fagsegan, ay wam gtoglag te, au Yawi.

Usea 5:4 Referans Kwoze

Usea 4:12

Kanya gfamatang way ayu laman nanseg am sa sangay fagsegan at mawatan siginans kayu, ay gafanud am te, kanya ro fag ngay fagsegan gbalus tua ayu. Ay at mauri fag falad gfaylatan ay gtaban ayu, laman nanseg am kafag ngay fagsegan, nu katanya, natalyuyan am angku, kata sik takamatugtug fag mangena.

Uan 16:3

Kafag ngay taw ban namakamulun takatanya, aroro wa toglag tam Mama ay wa yangay toglag angku.

Uan 8:55

Ay wam natoglag anya. Ay au gtoglag ktua anya. Nu glong kway ro te, kwa gtoglag anya, sik takamuag kyangay kata ayu. Ay duan, gtoglag ktua anya ay gfaning ktua at longan.

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Usea 4:1

Ngay taw Israel, dungugani, Yawi gfayud ayu: “Fagayu am tagbanwan ste, wam matuyan, ay wam kesug ay wam gtoglag ya angku.

Eremyas 50:38

Ay fagayu at fagnamulan mamam ankatat wan! Aroro sis talun Babilunya mapnu wan ngay fagsegan, tagfalyam ngay taw at amatanganan siginan nu gfalimu anya fagayu.

Eremyas 24:7

Namon kban sa anya fagayu sik amatanganan laman gtoglag tua angku te, au Yawi. Ay gtuyan kban anya fagayu te, ku ngay taw, ay kanya ban fagayu gtuyan te, au wan at Dius, aroro kanya ban fagayu kafoli wan sa angku sas fagdaul at amatanganan.

Eremyas 9:24

Nusnga sinu fag taw takaylat nanfamatungudun, nu kamatungudun sa yakman baliwa nu gtoglag angku. Aroro au, Yawi at mafangesug, at mafakamulun kasakan ay at matuyan sas fagdaul daga. Katanya tua ku fakaylatun. Au, Yawi, taglong tuy.”

Eremyas 9:6

Fagayu at fakamulun kamuag way lang, nu katanya, wa kaylat ya gtoglag angku.”

Alubad. 78:8

nu katanya, kanya ban fagayu di kata at ngay mangaguyang at nafamabo, ay at nafamaogatun, ay at yud e fagafanudun ay at yud matuyan sas Dius.

Alubad. 9:10

Ay ngay taw tagsaful emu gafanud tua, aroro di o gaiyan nusnga sinu tagrvbvy emu.

1 Samwel 2:12

Eli at baguama fagdua mauri ay wa gfaning Yawi.

Usea 4:14

Dewa katanya, kwa ban gfaurianan ay ngay baguina ay ay nugang fag ngay mangena, dewa nafakamulun takatanya, aroro am fag ngay mangama, nanamataladan yangay am takamatugtug fag ngay mangena, sis fagnansegan fag bale, gina am gfon ngay fanggalangun. Nu katanya, gfaurianan kban ayu aroro wam nasaful at matuyan.

Usea 7:11

Kanya fagayu kata way sik labikung tagfangafalingunan ay at yud e fagsafulun. Kanya fagayu nananget oma gubuk sa sangay taw Igiptu ay sa sangay taw Asirya.

Usea 13:13

Andasug sa ayu sik anini kata sik mangena tagafasalugun, ay kata wayam sik ngenge at yud e fagsafulun. Nu ndasug nu gfasalug fag buknga, wa gduksun siginan at mina at ungdan.

Usea 4:11

ay naseg tibak fagsegan. Ngay taw Israel, at bagu ay at dan fag fanlangu gfauri ay ngay amatanganan.

Usea 8:11

Ngay taw Israel dewa nawat ngayuk fagirugan laman fagnangirugan at famalyam asalanan fag ngay fanggalangun, sanya yangay nu gfakamulun at mauri.