Usea 5:14 - Fanawbuid tagsibaliwas Fakayabian

¹⁴ Aroro kata kban sik liun laman namabo Israel ay Uda. Namabul kban anya fagayu, ay namuba sa tibak talun ay wa ban e mafalangfe anya.

Usea 5:14 Referans Kwoze

Mikas 5:8

Dewa katanya, kanya ban fagayu gfae fagmauriun yangay sa sangay talun, ay madot ban kata sik liun nu nangagat ngay mela sasad araw, ay ngay tupa sis fagfafangonan. Ay liun nu e fagnangagatun way, gtulbu ay gyukfu ay wa gfalfas ya.

Alubad. 7:2

Bunway o, we makatu gfalangfe angku, aroro ku ngay fawayan kata sik ngay liun kaylat namasadsamanan at nagamat at ngay afud bilug.

Alubad. 50:22

Fagayu am at yud gamatang Dius, dungugani, aroro nu dway am gdungugan, namamin kban ayu, ay wa ban e gfalangfe ya ayu.

Amus 2:14

Nu katanya, dewa at masakit glagyu, wa malagyu ya, ay at magaras fag ngay taw ummomuy, ay at ngay tagfawayan wa mafalangfe at sadili.

Isayas 5:29

Kanya fagayu nu guro gina gfawayan malimu kata sik liun nu gsubang. Ay gtaban at ngay nagamat, ay we namalfas ya.

Takabalu 3:10

Ay kanya kata sik mela at malimu tagfandaya laman nanggamat angku.

Ub 10:16

Gina au gakabangkadun, kaylat o nanggamat angku kata sik liun nu gfanaya laman ggamat at fagnangonun, ay namaurianan o angku siginan am fagmabalyananun.

Ub 10:7

Nasaful wo te, kwe asalanan. Dewa katanya, we mafaago angku siginan am daluap.

Deuterunumyu 28:31

E gfilas ban ay ngay baka si ay daga salubangan, ay bunwa ban am takon. Ay gfabulun ban gbul siginan ayu ay ngay asnu, ay wa ban gfafoli ya sa ayu. Ay ngay fawayan ban gago wan siginan ayu ay ngay tupa, ay wa ban e nanggubuk ya ayu namul.

Eremyas 25:38

Yawi kata sik liun at nalfas siginan at luib laman nanrvbvy at fagnangonun. Mabalu way lang ban si ay talun, aroro ay ngay fawayan at nafakamulun ay aroro maksvn Yawi nu kadotama.

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Deuterunumyu 32:39

Damai au way lang ay Dius! We tibak dius sas day angku. Au at mafabul ay au yangay at mafaleleg, ay au wan at mafae fakarukan ay au yangay at mafafia. Ay we malagyu siginan angku.

Usea 2:12

Nanrasras kwan at ngay tanuman wat ubas ay ngay fun kayu igus ngay mangama at famayad sa anya. Namafaut kwan kafag tanuman, ay takon ban at ngay rawvg, ngay mangilafang way lang tagsis talun.

Usea 13:6

Ay nafafangon koma ayu yakmay am napsug, ay nu nkapsug wam kamatungudun wayam ay nalyam am angku.