Usea 2:19 - Fanawbuid tagsibaliwas Fakayabian

¹⁹ Gtuyan kban te, am wan ku mangena kabavn. Ay namakamulun kban sa ayu at matuyan ay at kasakan. Ay kesug kban ayu ay kafanyu.

Usea 2:19 Referans Kwoze

2 Kurintu. 11:2

Gafanawa au ayu kata Dius nu gafanawa ayu, aroro kata am sik diaga ku nafatuyanan sa sik mangama, ay kanya fag mangama we tiba nu bunway tam Fun Isus.

At Nafasure 21:2

Ay nalag au at bagu fag furuan daul Erusalem at yud e malong nu kadaga siginans banwa siginans Dius. Kanya fag furuan kata sik mangena at nangadadwa, at mafalganan wan namablang at fainduganan.

Isayas 54:14

Ay umkaksvn tua ban o aroro am ngay taw ban at ugali matuyan tua. Ay am ngay fawayan ban lumagyu emu, nu katanya di ban am e fakalimuun ya, ay kanya ban fagayu wa manangakbang ya sa emu laman namalimu.

Alubad. 85:10

Fagmafangesugun ay fagmatuyanun masadi; fagmanabayanun ay fagyudun e malong masadi yangay.

Ruma 7:4

Ku ngay faduksay, katanya yangay am. Siginan tam Fun Isus at nabulanan, anbul wam sabaliwas Muisis at Faugali, ay ansadi tuam sas Isus, kanya at nadog naleleg siginans at fagmabulanan. Fakatanyaun, laman e tungkul tuam sas Dius.

Uan 3:29

Sa sik fainduganan, kanya wan at ke fagmasineun nangadadwa sat fabubayan. Ay nu gakadadwaun wan, at fainduganan at fagadgalangan gfanya anya, ay nu nadungug at aringang, maksvn nu guseganan. Katanya kyangay, maksvn nu guseganan au.

Esekyel 39:29

Kwa ban gfabayan kanya fag ngay taw siginan nu gfadasug au ku Falad sa anya fagayu. Au, Fun Dius Yawi taglong tuy.”

Isayas 1:27

Aroro sit kamatuyanan, furuan ban Erusalem, umlangfe, ay fagayu ban at nafababaun ay naubun at ngay asalanan umsik matuyan.

Uel 3:20

Dewa katanya, Uda ban ay Erusalem umsik mabayan fag fagbanwanan kabavn.

Isayas 54:5

Ay at nawat emu kata wa nu am mangama. Au, Yawi at Mabalyanan sas fagayu. Au wan Israel at Dius at yud e Malong, am Tagfalangfe. Ku ngayan te, Fagdaul daga at Dius.

Eremyas 4:2

ay nu gfatuyan tuo fia sa angku, ay gugali at matuyan, ggubuk ban o sa sangay talun at taw 2 laman kanya fagayu gfauseganan yangay angku.”

Isayas 54:6

Erusalem, kata o sik baguina at bagu kadadwa, gwayway o ay kabalu aroro am mangama naubun emu. Ay katsi, au, Fun Dius, guro au emu te, ‘Gewan, magamut tua ta.’

Esekyel 16:8

“ ‘Ay gina au nadog nadalan emu, nalag au te, baguina wo. Nu katanya, nafae lanbung au emu, ay nafatuyanan au te, kesug au emu. Ay nawat au sik nasadian sa emu te, au wan tagagbilug emu. Au, Fun Dius Yawi, taglong tuy.

Usea 14:4

Dius nabalus te, “Gfalyam kban ku ngay taw at fakamaboun ay maksvn nu kesug au anya sas fagdaul ku amatanganan. Aroro nalyam wan ku dotama sa anya fagayu.