Usea 2:13 - Fanawbuid tagsibaliwas Fakayabian

¹³ Gfaurianan au anya aroro kanya nairug ngay famaebebanglu sas Baal fag ngay fagsegan, ay nasulun bauyung ay fanumyu, ay nanangalo at ngay mangama, ay nalyam wan angku. Au, Yawi, taglong tuy.

Usea 2:13 Referans Kwoze

Usea 13:6

Ay nafafangon koma ayu yakmay am napsug, ay nu nkapsug wam kamatungudun wayam ay nalyam am angku.

Tagfangguna 3:7

Ngay taw Israel nafakamulun at mauri sis Yawi at daga salubangan, ay nalyam nu gseg at Dius Yawi, ay naseg Baal ay Asera.

Usea 13:1

Ebi taguna, gina Efraim at gaban nu garingang, tibak taw Israel gtadtaruyan kalimu famalag te, gsuyu Efraim at gaban. Dewa katanya, kanya fag ngay taw anke asalanan aroro gseg Baal, nu katanya, kanya fagayu anbul.

Usea 11:2

Dewa katanya, dewa au gfataglayun guro ngay taw Israel, kaugat way nu kayayu angku. Kanya fagayu gfon fanggalangun ay girug ngay famaebebanglu sat fagsegan Baal.

Eremyas 7:9

Gfangkamul am, kamabul, kamatugtug, kamuagan nu gfatuyan, girug am famaebebanglu laman sas Baal, ay gseg am tibak fagsegan ay fagyudun toglag.

Usea 9:7

Ngay taw Israel, andasug wan nu gafaurianan am fag menit, ay kafag menit namasure ban ay nafakamulun. Sumaful wam te, andasug wa ngaro kafag menit, ay glong am te, ‘Kanya fag taglong kata nu yud mamatanganan.’ Makatu wayam glong takatanya, aroro ngayu wan ay ngay asalanan ay kadotama am angku.

Usea 8:14

Ngay taw Israel nalyam at takawat. Ngay taw Israel ay ngay taw Uda nawat at ngay bale ayu daul, ay at mogat fag ngay furuan ayu daul. Dewa katanya, nangirug kban kafag ngay furuan ay anggan at mogat fag ngay afud.”

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Usea 4:13

Ay glao am sa sangay tungud fungsu ay sa sangay buksul ay sa sangay daga kayu at marabung laman namon am ay fagirugun fag ngay fanggalangun. Nu katanya, ay ngay baguina nanamataladan ngay mangama, ay ay nugang fag ngay mangena kamatugtug.

Usea 2:7

Ay kanya ban dewa namafalo kafag ngay mangama, wa masud. Ay dewa yay nanrvbvy anya fagayu, wa glag. Sanya ginan, kanya glong te, ‘Kafoli kway sa ku mangama aroro gina au magamut si anya, amanabayan yap tua ku kayaunanan.’

Esekyel 23:35

“Ay aroro nalyam o ay naiyan o angku, au, Fun Dius Yawi, glong au te, gidapan ban o aroro am ugali mauri ay nafamatugtug o sa tibak mangama.”

Esekyel 22:12

Ay tibak taw get famayad laman gfabul, ay tiba gfafamut nu get sat fagfabedanan ay tibak taw anramraman aroro gfangalabian salapi. Kanya fag ngay taw wa gamatang ya angku. Au, Fun Dius Yawi, taglong tuy.

Esekyel 16:17

Nagbilug yangay o ku nafon emu fag ngay famasine at mawatan siginans salapi ay gintu, laman fangawat ngay mangama fag ngay fagsegan, am naseg. Nu katanya, kata wa nu nafamatugtug o.

Eremyas 18:15

Dewa katanya, ku ngay taw nalyam wan angku. Kanya fagayu girug famaebebanglu laman sa tibak ngay fagsegan. Ay kanya fagayu naubun wan at masine ay at matuyan fag dalan, ay nalao way sat yud matuyan, nu inda nu kalub.

Eremyas 11:13

Ngay taw Uda, ay ngay fagsegan at kayuan kayu yangay ay furuan. Ay nu seyu sis furuan Erusalem at ngay fagaweanan, kayu yangay nya ay nawat fagirugan laman ay fagfonan ngay fanggalangun laman sas Baal fag fagsegan at maksvn nu mauri.’

Eremyas 2:32

O sik baguina kalyam at ngay dalag taganyang ay at fangadadwa fag lanbung? Ku ngay taw oma am, dewa katanya ngaduge wan nu yud am gamatang ya angku.

Isayas 17:10

Ngay taw Israel, umfasludan ban sa ayu takatanya, aroro nalyam am Dius tagfalangfe ayu, ay fagsarirungan fag gang. Nu katanya, ay fananum dewa at mafilian fia, kata way sik ubas siginan tibak talun,

Alubad. 106:21

Kanya fagayu nalyam wan at tagfalangfe fag Dius, at nafakamulun fag ngay madulo sis talun Igiptu, sas Kam at kasugfunanan at talun, ay anggan gina sis day Dagat Maraska.

Alubad. 106:13

Dewa katanya, kanya fagayu masakit nalyam Dius at ngay nafakamulun, ay wa nafanya ya at ngay foyungan.

Alubad. 78:11

Ay kanya fagayu wa namatang Dius at nafakamulun fag ngay madulo.

Ub 8:13

Katanya yay sik taw at natalyuyan Dius, wa ban e fagsegun ya.

2 Fun 21:3

Kanya nafadog yay nafawat ngay bale fagnansegan sa tangabat fag ngay buknga at mama Esekyas at naiklas. Kanya nawat yangay ngay fagirugan laman sas Baal, ay nawat turuk fagtoglagan Asera fag fagsegan mangena, kata Akab, Israel at fun, at nawat. Ay kanya naseg fagayu nusnge wain tagsis banwa.

2 Fun 10:28

Nu katanya, Yeu nasalag wan nu gseg Baal sis talun Israel.

2 Fun 1:2

Sik menit, sis furuan Samarya, Aasya antong siginan tiba tungud fag salug at ke balaba ay naslu. Nu katanya, kanya nasugu ngay tagfosuk longan sas Baal-Sebub, furuan Ekrun at fagsegan, laman nanginto te, o kafia yay ban at aslu.

1 Samwel 12:9

Dewa katanya, kafag ngay taw nafamabo at Dius Yawi. Nu katanya, Yawi nafabayan kafag ngay taw nu gababawan sa sangay taw Filistia ay sas talun Muab at fun, ay sas Sisera, fun Kasur at fun tagfawayan.

Tagfangguna 10:6

Ngay taw Israel nadog yay nafakamulun at mauri sas Yawi at daga salubangan. Kanya fagayu natalyuyan Yawi ay naseg Baal ay Asturet fag ngay fagsegan, ay ngay taw Aram, taw Sidun, taw Muab, taw Amun, ay taw Filistia at ngay fagsegan.

Deuterunumyu 32:18

Kanya fagayu wa gamatang ya at tagfalangfe fag Dius, at fagnansarigan fag gang at nawat anya fagayu.

Deuterunumyu 6:12

Tuyani te, wa ban am kalyam Yawi, at nafaduksun ayu siginans talun Igiptu nu inda nu gafagsuguanan am.

Nu Galin 32:34

Ay loi wan, ay namangguna o kafag ngay taw sa ku nalong emu fag talun, ay ku tagbarita gumuna ayu. Dewa katanya, gina ban andasug sik buknga, gfaurianan au nusnga sinu at nafakamulun mauri.”

Esekyel 16:12

fanumyu sim dungus, sulman ay sangbo.

Eremyas 7:34

Ay ginanya ban gfaragang kwan nu e guseganan sis furuan Erusalem at ngay fagaweanan. Ay si bans Uda wa yangay e kadungug ya at ngay bagu kadadwa nu guseganan, ay kanya ban fag talun umsik mabaluanan.”

Takabalu 1:4

Dalan tagsas furuan Erusalem maksvn fag fakabaluun, aroro we kadasug ya laman nangaful galay fagmafulun. Ay we taw ya si sangay sakbawan furuan. Ay fagayu tagfon fanggalangun gidapan, anggan ngay baguina maksvn nu kabalu. Maksvn sis Erusalem nu mabalu.

Takabalu 5:14

Ngay fagtainan wa nanmalunggung ya sa sangay sakbawan furuan laman namon famalun, ay at ngay baguama wa namawang ya ngay fagfawangun.

Amus 8:10

Ay abat ngate ban am guseganan ginam maful, gwayway way ban am, ay abat ngate ban am guseganan galubad, kabalu wayam. Ay namalanbungan kban ayu saku, ay gsugu au ayu te, ufoi ay ngay buk, laman gfalag am ay fakabaluun, kata sik ngay fagtainan tagwayway aroro at sisian tagsesadi anbul. Ay dewa katanya, amaidap yap ban taguyan fag faurianan.”