Usea 14:9 - Fanawbuid tagsibaliwas Fakayabian

⁹ Am at ke fagsafulun, asafuli ay atogdungugi takatanya fagayu. Kasakan tua Yawi at ngay balyawvtan, ay at matuyan fag ngay taw gfaning tua, dewa katanya, kanya mauri way sa sangay taw takamabo.

Usea 14:9 Referans Kwoze

Fangatulun 10:29

At matuyan fag taw, nu gfaning tua Yawi at faugali, kanya wan tagdiri anya, dewa katanya, at yud gfaning, umfaurianan way.

Alubad. 107:43

Ngay taw at ke fagsafulun gamatangan tua nangus gugat takatanya fagayu, ay gamatangan tua nangus gugat te, Dius mafangesug.

Uan 8:47

Dius at ngay sisian gdungugan tua at longan. Am, bunwa am Dius at ngay sisian, nu katanya wam kaylat gdungugan.”

Daniel 12:10

Ngayu bank taw tagsaful at matuyan tagfasine at ngay leleg, ay kanya ban fagayu sumaful ku ngay longan. Dewa katanya, at mauri ban fag ngay taw gfataglayun nu gfakamulun at mauri ay wa ban sumaful ku ngay longan.

Sefanias 3:5

Dewa katanya, Yawi at fagmasineun si tua gugat at furuan. Yawi gfakamulun at matuyan, ay gfasure at fagmatuyanun kayu balabag, ay katanya tua gugat. Dewa katanya, tagfakamulun at mauri we apla ya.”

Eremyas 9:12

Ay nainto au sas Yawi te, “Sinu ro manga at ke fagsafulun gtogdungug am ngay longan? Ay sinu fag taw am fagfoyungan sabaliwa am longan laman kanya gfoyung yangay sa sangay taw? Wain faginrasrasun tuy fag talun ay faginkataun sik talun at yud e taw at yud e nandalan ya?”

Deuterunumyu 32:4

Kanya ku fagsarigan fag gang, ay at fakamulun matuyan, ay fagayu at balyawvtan mafanud. Sia wan at matuyan fag Dius ay di gfakamulun at mauri; kanya matuyan tua ay di e fagfili.

Uan 18:37

Ay Pilatu nalong anya te, “Nu katanya, sik fun o?” Ay Isus nabalus te, “O wan at nalong te, sik fun au. Kanya wan ku faginsalugun ay ku fagindasugun ste swa daga, laman namoyung au at matuyan. Nusnga sinu fag taw takaylat fagmatuyanun, kanya wan tagdungugan ku aringang.”

Isayas 26:7

Ay at matuyan fag ngay taw at dalan madatag tua, ay o wan, Dius at Matuyan at nafadatag.

Alubad. 119:128

Galo ktua fagayu am ngay fagaloan, ay kauri au at mauri fag ugali.

Alubad. 119:75

Yawi, nasaful au te, am ngay faugali matuyan, ay aroro matuyan o, nafaurianan o angku laman sumaful au at matuyan.

Fakasigadan 18:25

Gafanud au te, di ro wo nangus gfaurianan at matuyan fag ngay taw gasfuan at mauri fag ngay taw. Ay di ro nangus gsudsudan nu gdama o anya fagayu. O wan tagsaful fagayu taw te, o e asalanan, nu katanya, fakamuluni kata am algan.”

Ruma 7:12

Muisis at Faugali anggan at ngay suguan we malong, ay matuyan ay masine.

Uan 15:24

Nu dyaman au nafakamulun at yud e mafafakamulun fag ngay madulo si sangay taw at daga salubangan, kanya ro fagayu we asalanan. Dewa katanya, kanya fagayu nalag oma ku nafakamulun ay kauri way angku ay ku Mama.

Uan 9:39

Ay Isus glong anya te, “Ku fagindasugun ste swa daga laman nanginsaful au fagayu taw te, o e asalanan, laman at ngay yud glag, glag tua ban, ay at ngay taglag wa ban glag.”

Lukas 7:23

Mauseganan tua sik taw nu ddi gaduanun sa angku.”

Lukas 2:34

Ay Simyun nafadante dadwa ay nalong sas Maria te, “Nafalganan tuy fag sisian laman ban ngayuk taw umsik afanyuan ay ngayu yangay ban ktaw umsik mafanud. Ay kanya ban sik fakasafulan tagsiginans Dius, ay ngayu ban ktaw glong mauri sabaliwa anya.

Mateu 11:19

Ay au, Taw at Baguama, gina au ndasug, gfangon ktua ay ginum. Ay ngay taw glong te, ‘Ida, kanya fag taw sik tagfangkumon way ay annanad glanguan, ay gfagadgalangan ngay tagbul famayad laman sas fun, ay anggan tagasalanan.’ Dewa katanya, gtuyan tam te, Dius at fagmamatanganun matuyan siginan at ngay fakamulun.”

Esekyel 18:25

“Ay gamatangan wayam manga te, Fun Dius at fakamulun wa matuyan. Ngay taw Israel, amatangani! O ku fakamulun at yud matuyan ay mannga ay fakamulun?

Isayas 1:28

Dewa katanya, ngay takamabo ay ngay tagasalanan gsud ban gafaurianan, ay at kinyayu siginans Yawi umkamin ban.

Fangatulun 4:18

At matuyan fag taw at ugali, kata tua menit nu bagu kasure, ay kaduge kabat, kaugat yay nu gyamag.

Alubad. 84:7

Ay kanya fagayu kaduge glao, kafamut at fagmabitsugun yakmay andasug sas Dius at daga salubangan sas Siun.

Alubad. 84:5

Mauseganan ngay taw at kinke fagmabitsugun siginan emu ay takaylat tua gugat glao sam bale.

Ub 17:9

At matuyan fag ngay taw gugali tua gugat at masine, ay at yud e asalanan fag taw umkaksvn.

Fakamulun 13:10

“Satanas o at sisian ay kabavn gsalag o gugat at matuyan. Fagayu am fakamulun gfandaya o ay kamuag. Ay kabavn gsalag o tam Fun at ngay balyawvtan nusnga setaw at matuyan.

At Nafasure 15:3

Ay kanya fagayu galubad Dius at fagsuguan, Muisis ay Tupa Riangan at alubad te, “Dius em Fun at mabalyanan sas fagayu, am ngay fakamulun mabalyanan ay madulo, am ugali matuyan ay mafanud, o wan fagayu talun at Fun.

Fangatulun 16:21

At ke fagsafulun fag taw, katoglag tua te, e fagsafulun, ay nu masine tua at aringang, ngay taw umke fagsafulun siginan anya.

Isayas 17:8

Ay gubun ban at nawat fag ngay fagirugan. Ay gubun yangay ban ngay turuk fagtoglagan Asera fag fagsegan, ay anggan at fagirugan famaebebanglu at ngay nawat ebi ataw.

Eremyas 29:12

Nu katanya, guro tua ban am ay gdarangin sa angku, ay gdungugan ktua ban ayu.

Esekyel 11:18

Ay nu nfoli ban am sanya, falyami wan tagsanya fag ngay fagsegan at maksvn nu mauri.

Esekyel 36:25

Namaramsig kban sa ayu at masine fag mamam laman umfegus am, siginan fagayu ay fagmauriun ay nu gseg am sa tibak fagsegan.

Sakaryas 10:6

Namabitsug au ngay taw Uda, ay namalangfe Israel at ngay kasugfunanan. Aroro anfanyu au anya fagayu ay namafoli au sat fagbanwanan. Au wan Yawi kanya fag ngay taw at Dius. Nu katanya, gbalus au at ngay darangin. Ay kanya fagayu kata yay gina au yud naiyan.