Usea 14:7 - Fanawbuid tagsibaliwas Fakayabian

⁷ Kanya fagayu gdog namanwan sanya fag ngay fun kayu at lanbung Kanya umkayu kata ngay tanum nu marabung, kanya ban umkayu kata fare, ay kata wat ubas nu gbarugwak. Ay kanya ban fagayu kadungug kata sik fanlangu tagsiginans Lebanun.

Usea 14:7 Referans Kwoze

Alubad. 91:1

Tiba Tungud fag Dius at mabalyanan, gfae fagbanwanan tua nusnga sinu tagsarig sa anya.

Uan 11:25

Isus glong te, “Au wan tagfadog gfaleleg ay leleg. Nusnga sinu tagafanud sa angku, dewa nbul gdog yay ban gleleg.

Sakaryas 8:12

Manabayan tua ban nu gfananumun am, ay grawvg tua ban ay ngay wat ubas, ay ngayu tua ban ay gutluan ay e damug tua ban siginans kiwang. Namon kban takatanya sa ayu, am at kinsawad, laman ay fagagbilugun.

Usea 14:5

Ay gfon au at masine sa sangay taw Israel; kata au damug sa anya. Ay kabuskad kata at masine fag barugwak, ay kata sik tagbia fag fun kayu tangabasad nu glalid.

Usea 6:2

Ay kata nu nbul watam, ay kanya yangay at mafaleleg antam, laman mabanwan tam sit daga salubangan.

Usea 2:22

ngay bvtang, ngay wat ubas, ay ngay fun ulibu laman sa sangay taw Esreel.

Isayas 61:11

Aroro nu setain ngay fananum nu gtugbung sis daga, katanya yangay Yawi tam Fun nu gfasure fagmasineun ay famauseganan sas fagayu talun.

Sulumun at Alubad 6:11

Nalao au sas tanuman kayu tangayu at rawvg, laman nanlag au ngay tanum at bagu gtugbung. Gyasafulun au te, o ngay ubas gtugbung wan, o ay ngay fun kayu gbarugwak wan.

Sulumun at Alubad 2:3

Nu namasudsudan sa tibak ngay baguama, ku fakesugun fag mangama kata sik fun kayu bolu tagsis wabilug ngay kayu tagsisad araw. Kaylat au nanmalunggung sat lanbung, ay at rawvg matamis.

Alubad. 138:7

Dewa ngayu ku fagidapun, gdiri tuo angku sa ku ngay fawayan at dotama, ay siginan am fagmabalyananun, gfalangfe tuo angku.

Alubad. 85:6

O nunda ban wo gfafoli ya em fagmabitsugun, laman mafauseganan ami emu?

Uan 12:24

Matuyan nu glong au ayu te, sik bvtang nu dyay e natanum ay anbul, kanya sik bvtang yay gugat. Ay kanya nu nbul wan, gtugbung ay ngayu ban nu grawvg.

Usea 2:21

Ay ginanya ban fag menit, gbalus au ay ngay darangin. Au, Yawi, taglong tuy. Ay ginanya ban gfarak au laman gfatugbung ngay fananumun,

Sulumun at Alubad 4:11

Ku bubay ban, am lislis matamis kata deut. Ay am leplep kata at maylat fia fag susu bilug. Am lanbung mabebanglu kata ngay fun kayu ayu daul tagsis Lebanun.