Usea 13:9 - Fanawbuid tagsibaliwas Fakayabian

⁹ Gfamin au ayu ngay taw Israel, aroro au wan at nafalangfe ayu, ay dewa katanya, gfawayan wayam angku.

Usea 13:9 Referans Kwoze

Eremyas 2:17

Ngay taw Israel, am yay at nafaurianan ayu, aroro natalyuyan am angku, au ay Dius Yawi at naufud ayu gina am glao.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Deuterunumyu 33:26

We gfasud taw Israel at Dius. Siginan at fagmabalyananun, kanya gsakay sis tungud linyabu laman ggubuk ayu.

Usea 14:1

Usea nalong te, “Am fag ngay taw Israel, afolii wan sa ay Dius Yawi. Nafaurianan am aroro say asalanan.

Eremyas 5:25

Siginan ay nafakamulun at mauri, fagayu nusnge wain anyayu siginan ayu. Ay ay ngay asalanan gsalag nu mabul am ngay famonun.

Malakyas 1:9

Malakyas nalong te, “Am fag ngay tagfon fanggalangun, eti sas Dius laman kanya kafanyu antam. Ay nu katanya way ay ngay fanggalangun, Dius wa guseganan ayu. Katanya Yawi at Mabalyanan at longan.”

Usea 13:4

Au ay Dius Yawi at nafalfas ayu siginans talun Igiptu. Wam e fagtoglagun ya tibak Dius at mafalangfe ayu, nu bunway au way lang.

Isayas 3:11

Dewa katanya, longi sat mauri fag ngay taw te, “Ida! Afanyuan wayam, aroro umdasug ban sa ayu faurianan. Namasud sa ayu kata ay nafakamulun sa ay iba.”

Isayas 3:9

Ay katoglag sit ngay kamatan te, e ngay asalanan. Ay kanya fagayu wa kapla gfakamulun at mauri kata ngay taw Suduma nu yud gsuksuk at ngay fakamulun at mauri. Ida! Kanya fagayu afanyuan way lang! Kanya yay fag ngay taw at nafadasug faurianan sat sadili.

Fangatulun 8:36

Dewa katanya, nusnga sinu fag taw at yud nafaning ku ngay foyungan, gfaurianan way at sadili. Ay fagayu takauri angku, grvbvy way fakabulun.”

Fangatulun 6:32

Tagfanugtug sat ibama at bubay, we fagsafulun, ay gfauri ya at sadili,

Alubad. 146:5

Dewa katanya, mauseganan tua sik taw at taggubuk nu Akub tua at fagsegan fag Dius, ay at fagsegun nu siginan tuas Yawi,

Alubad. 46:1

Dius wan tam fagsarirungan ay tam fagmabitsugun. Kanya mafalganan gugat ggubuk antam sis buknga fagidapun.

Alubad. 33:20

Gafanud tam sas Yawi, aroro kanya tam taggubuk ay tam tagdiri.

Deuterunumyu 33:29

Ngay taw Israel, mauseganan tuam! We gfasud ayu, aroro ay Yawi nafalangfe ayu, Yawi wan ay tagdiri ay ay taggubuk, Yawi yangay tagfawayan laman sa ayu. Ay ngay fawayan ban galafangan sabaliwa ayu, ay gsiad ban am at ngay guyuy.”

Eremyas 4:18

Ay ngay ugali ay ay fakamulun maksvn nu mauri, kanya wan at fagindasugun sa ayu faurianan. Maksvn nu maidap at kindasug sa ayu fag faurianan! At kaksvnan kata nu natalfus sa ay ngay amatanganan.”

Malakyas 1:12

Dewa katanya, gfauri am ku ngayan siginan nu glong am te, fagirugan masuya wan, ay anggan tagsanya fag ngay fanggalangun.

Malakyas 1:13

Ay glong yangay am te, ‘Kalufuy wami gfon fanggalangun.’ Ay fagayu am gfauri am ku fagirugan. Ay fanggalangun fag ngay fagbaugun ay nafangkamul way, ay tagalbi ay at ke fakasaitun. O nu glong ro am kaylat au takatanya?

2 Krunika 28:23

Ay kanya nafon at ngay fanggalangun sa sangay taw Damasku at nababo anya at ngay fagsegan. Aroro kanya gamatangan te, “Aram at ngay fun at ngay fagsegan ggubuk tua anya fagayu. Nu katanya, gfon kyangay ku ngay fanggalangun sa kafag ngay fagsegan laman ggubuk yangay angku.” Dewa katanya, kanya wan at nafaurianan anya ay ngay taw Israel.

Usea 7:14

Kanya fagayu wa matuyan dewa get gubuk sa angku. Kanya fagayu gwayway gina sit ngay igyan, ay gfaidapan at ngay sadili kaduge get fakonun ay fanginum sat ngay fagsegan.

Usea 7:15

Nafoyung koma anya fagayu sabaliwa nu kaksvn, dewa katanya, at algan at mauri way gugat sa angku.