Usea 11:1 - Fanawbuid tagsibaliwas Fakayabian

¹ Dius nalong te, “Kesug au Israel ebi gina kanya sik masisian yay. Nafangayan au anya te, ku sisian ay nafaduksun kwan anya siginans talun Igiptu.

Usea 11:1 Referans Kwoze

Mateu 2:15

Ay talanan gbanwan yay sanya yakmay fun Erudes anbul, laman gfafasludan tam Fun at longan ebi ataw siginan at taglong te, “Nauro au ku baguama siginans talun Igiptu.”

Nu Galin 4:22

Sanya ginan, longi sa anya te, ‘Katatuy Yawi at longan: Ngay taw Israel wan ku sisian taguna.

Usea 13:4

Au ay Dius Yawi at nafalfas ayu siginans talun Igiptu. Wam e fagtoglagun ya tibak Dius at mafalangfe ayu, nu bunway au way lang.

Usea 2:15

Nu nfoli ban mi, gdog au namafoli sa anya at ngay tanuman, ay datag Akur, nangawat au sik sakbawan tagfon fagsegun. Ay kanya ban gbalus angku kata at nafakamulun ebi, gina au gfalfas anya siginans talun Igiptu.”

Eremyas 2:2

“Loi sas furuan Erusalem ay nanlong o sa sangay taw te, ‘Namatang au ebi ay fagmatuyanun ay nu kesug am angku kata sik baguina at bagu kadadwa. Nafaning tuam angku dewa am sis talun at yud e taw sat yud batang e gtanum fag daga.

Malakyas 1:2

Yawi nalong te, “Kesug au ayu. Nu katanya, wain ay fagintoun yay te, ‘Tain nu kesug o emi?’ O nunda wam nasaful te, Isaw ay Akub dewa duksay, ku fakesugun Akub tua,

Usea 12:13

Siginans Muisis fag taglong, nafalfas au ayu siginans talun Igiptu ay naulit.

Esekyel 16:6

“ ‘Dewa katanya, gina au gdalan sanya, nalag au emu nu gfatfat o ayu sirut sim sadili taguk, ay gina o gidapan sanya, nalong au sa emu te, gleleg tua ban o.

Deuterunumyu 7:7

Yawi nafili ay nesug ayu, bunwa te, ayu yap am tibak talun at taw, aroro yam kayu anya fagayu.

Usea 12:9

Nu katanya, au wan ay Dius Yawi at nafalfas ayu siginan talun Igiptu ay nu katanya glong au te, gdog kban gfabanwan ayu sa sangay fayag at nafalindug galay buknga fag fagmafulun sabaliwa nu Kawat ngay Fayag.

Nu Galin 4:23

Igiptu at fun, gsugu au emu te, aylati wan kanya fagayu nu glao laman nanseg angku, dewa katanya, wo naylat. Nu katanya, namabul au am sisian tiba kaka.’ ”

Alubad. 129:1

Ngay taw Israel, longi te, “Siginan nu mabaguama ami, em ngay fawayan gfaidapan emi.

Eremyas 12:7

Yawi glong te, “Natalyuyan kwan ku ngay taw, ku nafili fag talun, ay nafon kwa sat ngay fawayan.

Usea 10:15

Katanya yangay ban takadasug sa ayu ngay taw Betel, aroro maksvn ay fagmauriun. Ay gina gakamenitun wan, matuyan taw Israel at fun umbul wan.”

Nu Galin 19:4

‘Nalag wam ku nafakamulun sa sangay taw Igiptu, ay nu gtabanan au ayu sa angku, kata sik bio nu gbuba at ngay riangan sit fakfak.

Deuterunumyu 33:3

Anud, Yawi kesug at ngay taw. Kanya galaga at nafili fag ngay taw. Nu katanya, kanya fagayu gfaning ay gfafasludan at ngay suguan.

Isayas 43:4

Ay namon au tibak talun at ngay taw laman fangungbus emu, laman famaungbus am leleg, aroro o wan at mafanud ay at masine sa angku, ay kesug au emu.

Esekyel 16:22

Sas fagayu am nafakamulun at mauri ay nu gfagbilug o am sadili, wo namatangan ya nu setain nu galaga au emu, gina o mabaguina, ay gina o malulasan ay gina o glelegan ayu sirut sim sadili taguk.