Usea 10:2 - Fanawbuid tagsibaliwas Fakayabian

² Ay kanya fagayu kamuag wan, ay katsi kanya fagayu gafaurianan aroro sat ngay asalanan. Dius nanrasras at ngay fagirugan fanggalangun ay at fagsegan fag ngay gang.

Usea 10:2 Referans Kwoze

Mikas 5:13

Ay wa ban am nanseg ya ngay fagsegan ay anggan ay nawat fag ngay gang tagfamatang ayu, aroro kanya ban fagayu nanrufa kwan.

1 Fun 18:21

Ay Elyas ankakbang sa sangay taw ay nalong te, “Seduge ya ban nu gaduanun am te, Yawi wan Dius? Nu Yawi wan at matuyan fag Dius, faningi anya, ay nu Baal wan at matuyan fag Dius, faningi wa anya.” Ay kafag ngay taw wa gbalus ya.

Santiagu 4:4

Wam mangaro matuyan sas Dius. O nunda wam nasaful te, nu gfagadgalangan wayam ste swa daga, gfawayan wayam Dius? Nusnga sinu tagfagadgalangan fagdaul daga, kanya gfawayan Dius.

Santiagu 1:8

Aroro tagawabilugan at amatanganan gaduanun way nusnga setaw at fakamulun.

Sefanias 1:5

Namamin kyangay anggan ngay taw tagsas tungud bale laman nanseg menit ay magdanun ay ngay galeme. Namamin kyangay ngay taw takamuagan glong te, ‘Gfaning ami emu,’ ay aroro mangaro gseg way Mulek fag fagsegan.

Lukas 16:13

Sik taw wa mafasfuan gfaning duak fun. Aroro kauri ro at sadi, ay kesug at sadi. Ay gfaning at sadi, ay kamabo sat sadi. Wam mafasfuan mafafaning Dius ay sas ramraman.”

Mateu 6:24

“Sik taw wa mafasfuan gfaning duak fun. Aroro kauri ro at sadi, ay kesug at sadi. Ay gfaning at sadi, ay kamabo sat sadi. Wam mafasfuan mafafaning Dius ay sas ramraman.

Usea 13:16

Gfaurianan au ngay taw Samarya, aroro sat fakamaboun angku at Dius. Kanya ban fagayu umbul sas awayan. E gfafalang ban at ngay sisian sas daga yakmay anbul, ay e gfilas ngay tagfafion at ungdan.”

Usea 7:8

Ngay taw Israel nanangagamut sa tibak furuan. Kanya fagayu we masuad, kata way sik fagfatamaun tinapay at mayangfis ay at yud nabiling ya.

Eremyas 43:13

Kanya ban grufa wan ngay fagsegan at turuk sis furuan Bet-Semes sis talun Igiptu, ay girug wan sanya fag ngay fagsegan at ngay bale.’ ”

Isayas 44:18

Kafag ngay taw wa nasaful at fakamulun. Natabun at ngay mata ay wa glag. Ay natabun yangay at ngay amatanganan ay wa gtogdungug.

1 Samwel 5:4

Dewa katanya, balabag di, kafag ngay taw nu glag, at fagsegan gdog malub sis Fagsuadan Nasadian at daga salubangan. Ay at alfuyu ay at take fagdua anrabas wan, ay grapyagan sis sakbawan baliwa ay at sawad at bilug way lang.

1 Uan 2:15

Lag kesug fagdaul daga, anggan at ugali. Sik taw nu kesug fagdaul daga, wa kesug tam Mama.

Usea 3:4

At masuad, ngaduge bank buknga ngay taw Israel nu yud e fun ay nu yud e ngay tagfangguna, ay nu yud gfon ngay fanggalangun, ay famamatang fag gang, ay at mafilian fag lanbung at fagagbilugun gina nanginsaful, ay nu yud e ngay fagsegan ya.

Usea 12:11

Dewa katanya, ngay taw Gilyad gfataglayun yay gugat at ngay fagmauriun, ay kata way nu yud e masuad. Ngay taw Gilgal gfon ngay tama baka sat ngay fagsegan, ay nu katanya, gfarasras au at ngay fagirugan fanggalangun, ay umkata ban sik nafaful fag ngay gang gina naali at gamasun.

Nu Galin 23:24

Lag ban am nanseg ay namaning at ngay fagsegan kata kafag ngay taw at fakamulun. Falyami at ngay fagsegan ay rufai tagfamatang fag ngay gang.

Lebitiku 26:30

Nanrasras kwan ay ngay fagnansegan ay ay fagirugan famaebebanglu fag fanggalangun tagsi sangay buksul. Gukas kban ay ngay bilug sa ay ngay tungud fagsegan at yud gleleg, ay gaiyan kban ayu.

Fangatulun 11:18

At mauri fag taw wa magbilug at matuyan fag fanggalangun, dewa katanya, at matuyan fag taw, mul tua at matuyan fag fanggalangun.

Esekyel 14:5

Namakamulun kban takatanya laman ban umfoli yay fagayu taw Israel at kinyayu angku, siginan nu gseg tibak fagsegan.’