Unas 4:8 - Fanawbuid tagsibaliwas Fakayabian

⁸ Ay menit nu nsure, Dius nafadasug sik masugba fag tagmara siginans fakamenitan. Ay maksvn nu maroy, at kaksvnan, Unas arvs anranug. Kanya kaylat wan nu kabul, ay nalong te, “Fabuli wan angku nu gamut ro nu gleleg au.”

Unas 4:8 Referans Kwoze

Unas 4:3

Yawi, fabuli wan angku, aroro kaylat kwan nu gfabul o angku nu gamut nu gleleg au.”

Esekyel 19:12

Dewa katanya, aroro siginan sik maksvn fag dotama, nagulad kanya fag tanum ay anfuan sas daga. Ay at ngay rawvg an-gong, aroro sik tagmara masugba tagsiginans fakamenitan nauyup, ay at mogat fag sanga an-gong yangay, ay antong.

Alubad. 121:6

Nu katanya, menit at sugba, ay magdanun at yamag, wa mafauri emu.

At Nafasure 7:16

Kanya fag ngay taw wa ban kalunus ya ay wa ban kadanum ya, ay menit ban at sugba ay nusnga setaw fag masugba wa ban mafaidapan ya anya fagayu,

At Nafasure 3:19

Gfoyung au ay gatul fagayu ku fakesugun fag ngay taw. Nu katanya, ugatani ubuni ay talyuyani ay asalanan.

Isayas 49:10

Kanya ban fagayu di kalunus ay di kadanum. Ay kanya ban fagayu di ban karoy siginan at magong fag talun ay menit at sugba. Nantaban kban anya fagayu sa sangay bulbug, aroro kafanyu au.

Unas 1:17

Ay Yawi nafalganan sik albon daul laman nanngvp Unas. Ay Unas nu sisad basad albon, tuluk menit ay tuluk yabi.

Unas 1:4

Ay kanya fag sakayan lino nu siwa sad fagngabasadan dagat, Yawi nafadasug sik maksvn fag tagmara, ay at kaksvnan nu gfulug kafag sakayan lino gakarasrasun wan.

Sulumun at Alubad 1:6

Lag am gfalingun angku dewa au malayung, aroro antimrang au sis baksak. Ku ngay faduksay mangama andotama angku, ay nafafakamulun angku sas tanuman wat ubas. Nu katanya, nafabayan au ku sadili.

Alubad. 39:9

Gragangan kway lang, kwa garingang ya, aroro ku fagidapun am naylatan wan.

Ub 2:10

Ay Ub gbalus te, “Am ngay longan kata way sik mauri fag mangena at ngay longan. O nunda ban at masine way lang fagayu tam fakaylatun siginans Dius, o ay nunda ban bunwa anggan tua fagidapun?” Ub dewa nadalan takatanya fagayu, kanya di nasalanan ay di nafayud Dius.

1 Samwel 3:18

Ay Samwel nafoyung sas Eli Yawi at ngay nalong, ay we nasuksuk. Ay Eli nalong te, “Kanya wan Yawi; at namakamulun ban fia nusnga setaw at masine sit amatanganan.”

Lebitiku 10:3

Nu katanya, Muisis nalong sas Arun te, “Katanya Yawi at longan at masuad te, ‘Nusnga sinu fag tagfon fanggalangun at nangakbang sa angku masine nu gsaful te, dakdi e malong, ay masine fagayu taw nu gfauseganan tua angku.’ ” Ay Arun wa naringang.

Mateu 20:12

Glong te, ‘At ngay kindasug taguyan fag tagfakamulun sik kadugayan way sirut nu gfakamulun, ay ami nu gfakamulun ami, dewa masugba, fagngaba tuak menit. Ay gsudsudan way am famayad sa emi fagayu.’

1 Fun 19:4

Ay kanya nu glao sas talun at yud e taw sadik menit. Kanya natungkud ay namalunggung si sik daga fun kayu, ay nadarangin laman kabul wan. Kanya nalong te, “Yawi, maksvn wan nu gidapan au! Buli wa ku leleg. Kwa ngap e fagsamanun ku ngay mangaguyang.”

Usea 13:15

Dewa am kata sik sigbo tagtugbung, gfadasug kban at masugba fag tagmara siginans fakamenitan, ay siginans talun at yud e taw, laman ay ngay bulbug ay anggan ay ngay bubun umlanggang. Ngay tagfangkamul ban gbul ay ngay ramraman.

Unas 4:9

Dius nalong sas Unas te, “O maksvn nu kadotama o at kindasug sanya fag tanum?” Ay Unas gbalus te, “Sabv, maksvn nu kadotama au, fabuli wan angku.”

Fakasigadan 41:6

Ay sanya ginan, ansure yangay fituk raug yud e bilug at kinkitut aroro siginan at masugba fag tagmara tagsiginans fakamenitan.

Ub 7:15

Nu katanya, kaylat kwan nu e gturis ku liug; kaylat kwan kabul, nu gamut gleleg kyay gugat gidapan.

Takamoyung 7:9

Lag am gfangauri aroro takatanya at yud way e fagsafulun at ugali.