Unas 3:5 - Fanawbuid tagsibaliwas Fakayabian

⁵ Ay sanya fag ngay taw anke fagafanudun tua sas Dius. Nu katanya, fagayu taw at maramraman, ay anggan at yud e fagmakatuun, e buknga nu yud gfangon laman gdarangin, ay nasulun saku laman gfalag te, gubun at ngay asalanan.

Unas 3:5 Referans Kwoze

Lukas 11:32

“Ay ebi fag ngay taw Ninibe gdog yangay ban gleleg gasfuan ayu gina ban fanginsafulan asalanan fag menit, ay glong ban te, mauri am. Aroro ngay taw Ninibe naubun tua at ngay asalanan gina nadungug Unas at foyungan. Ay amatangani, at kindasug katsi gtungud yays Unas, ay dewa katanya, wam gubun ay ngay asalanan.

Mateu 12:41

Ay ebi fag ngay taw Ninibe gdog yangay ban gleleg gasfuan ayu gina ban fanginsafulan asalanan fag menit, ay glong ban te, mauri am. Aroro ngay taw Ninibe naubun tua at ngay asalanan gina nadungug Unas at foyungan. Ay amatangani, at kindasug katsi gtungud yays Unas, ay dewa katanya, wam gubun ay ngay asalanan.

Daniel 9:3

Nu katanya, ankakbang au sas Fun Dius ay kwa nafangon laman gdarangin, ay nasulun au saku ay nafasa ku alfuyu dafug laman gfalag te, kabalu.

Uel 1:14

Nanlong am sas Uda at ngay tagfangguna ay sas fagayu tagbanwan te, fagayu am loi sas Yawi at bale laman e buknga am nu yud kon, ay eti sas Yawi te, “Gubuki emi.”

2 Krunika 20:3

Ay Eusafat anlimu ay ankakbang sas Yawi. Ay nasugu sas fagayu taw Uda te, “Lag tam gfangon laman gdarangin tam.”

Ebreu 11:1

E fagafanudun tua tam nu gtuyan tua tam te, tam ngay fagfanyaun kadasug ban fia, ay nu gafanud tua tam te, lumag ban tam tam nayud yay batang glag.

Ebreu 11:7

Aroro Nui gafanud tua sas Dius, kanya nafaning tua Dius at Longan sabaliwa takadasug ban at yud yay nalag. Nui nawat sik sakayan lino laman talmanugangan umlangfe. Ay siginan Nui at fagafanudun, Dius nafadasug faurianan sas fagayu taw, dewa katanya, aroro Nui e fagafanudun tua, Dius natap tua anya kata nu yud e asalanan.

Fakamulun 27:25

Nu katanya, ku ngay ibama, faksvni ay amatanganan, aroro gafanud au te, matuyan, umfasludan fagayu kata Dius at longan sa angku.

Fakamulun 8:10

Ay sanya fag furuan at ngay taw gdungugan anya, mabalyanan man ay duan. Ay kanya fagayu glong te, “E gfangayan tuy fag taw te, ‘Dius at maksvn fag fagmabalyananun.’ ”

Eremyas 42:8

Nu katanya, Eremyas nafaful Ukanan, Kareak at baguama, ay fagayu at tagfawayan ay anggan fagayu taw, at yud e kwa ay anggan takadungug.

Eremyas 42:1

Sanya ginan, Ukanan, Kareak at baguama, ay Asarya, Usaya at baguama ay at ngay ufud fag tagfawayan, ay fagayu taw, at yud e kwa ay anggan takadungug nanangakbang sas Eremyas.

Eremyas 36:9

Anfasludan takatanya gina yud gfangon fag menit laman gdarangin sis Yawi at daga salubangan, gina sis fasiamk magdanun sis falimak banwa Yuyakim, Usyas at baguama nu gfunan sis talun Uda. Ngay taw Erusalem ay ngay taw tagsiginan sangay furuan tagsis Uda anful sas Yawi at bale.

Eremyas 31:34

Wa ban e glong ya sat ngay kaiban ay sat faduksay te, ‘Toglagi tua Yawi,’ aroro kanya fagayu toglag wan angku, siginan tagafalingunan ay anggan sat ngay takadungug. Namalyam kban kanya fagayu at ngay nafakamulun at mauri, ay kwa ban gamatangan ya at ngay asalanan.

Esra 8:21

“Gina ami sis tigyangan Liskung Aaba, nalong au sa ku ngay fadgaloan te, ‘Lag tam gfangon laman kamababaun tam sa tam Dius, ay laman get tam sa anya te, “Gina ban mi glao, dirii emi anggan em ngay sisian ay em ngay ramraman.” ’

At Nafasure 11:3

Dewa katanya gsugu kban ku tagfatuyan fagdua tagalanbungan at mataras fag lanbung, ay kaduge ban sadik libu duak sandan unumk safuluk menit, kanya ban gfoyung Dius at longan.”

Ester 4:1

Mardukyu nu nasaful fagayu at kinfasludan, kanya nagirat at lanbung laman gfalag te, kabalu. Ay kanya nasulun saku ay nafasat alfuyu dafug, ay nasakbo sas furuan daul ay gwayway.

Unas 3:7

Ay kanya nasugu laman gfoyung sa sangay taw Ninibe te, “Katatuy Ninibe at fun ay anggan at ngay tagfangguna at suguan: wam masine gfangon ay ginum, anggan ay ngay baka, tupa ay kambing.

Nu Galin 33:6

Ay gina ngay taw Israel sis Buksul Kureb, nabul at ngay famasine.

2 Fun 19:1

Fun Esekyas nu nadungug kafag barita, kanya nagirat at lanbung, ay nasulun saku laman sik famasaful te, kabalu, ay kanya nalao sas Yawi at bale laman nandarangin.