Unas 2:8 - Fanawbuid tagsibaliwas Fakayabian

⁸ Ngay taw tagseg at yud e tungkul fag ngay fagsegan, wa kesug emu.

Unas 2:8 Referans Kwoze

Alubad. 31:6

Yawi, gafanud au sa emu. Nu katanya, maksvn nu kauri au ngay taw tagseg at yud e tungkul fag ngay fagsegan.

Eremyas 2:13

Ku ngay taw nafakamulun duak asalanan: kanya fagayu natalyuyan angku, au oma tagfon leleg fag bulbug, ay naseg tibak fagsegan kata nu naali sik bubun takalanggang way.

2 Fun 17:15

Kanya fagayu wa naylat Yawi at foyungan, ay at nawat fag nasadian sat ngay mangaguyang. Ay kanya fagayu wa nadungugan at ngay famararang, abat ngate nafaning way at yud e masuad fag ngay fagsegan ay anggan kanya fagayu ansik yud yangay e masuad. Kanya fagayu nafaning tagsit ligung fag ngay gaban taw at nafakamulun, Yawi at nalong te, lag gfaning.

Eremyas 10:8

Ngay taw tagsiginan tibak talun kamaogatun at ngay amatanganan, ay we fagsafulun ay tagfoyung anya, at yud way e tungkul fag ngay fagsegan at mawatan siginans kayu.

1 Samwel 12:21

Lag am nanseg ngay fagsegan, kanya fagayu we tungkul. Ay we fanggubukun ay wa yangay mafalangfe ayu.

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Alubad. 69:14

Gubuki angku laman dakdi kalubgub sasad lifak. Ay falangfei angku siginan ku ngay fawayan kata nu gfalangfe o angku siginan tangabasad fag mamam.

Alubad. 142:4

Dius, glag wo ngay taw tagsi ku ligung, kanya fagayu we kafanyu ya angku. Ay kwe fagnangakbangan ya taggubuk angku.

Mikas 1:2

Fagayu am tagbanwan sas fagdaul daga, dungugani. Aroro Fun Dius Yawi nangaringang sabaliwa ayu siginan at Bale yud e malong.