Unas 2:6 - Fanawbuid tagsibaliwas Fakayabian

⁶ Ay anlubgub au sas fagngabasadan dagat, ay kata nu maubungan au sa sik tangabasad fag lusung at yud e fakatabuan. Dewa katanya, Yawi, ku Dius, nalakwi tuo angku siginans fagngabasadan dagat.

Unas 2:6 Referans Kwoze

Alubad. 30:3

Nafalangfe o angku siginans fakabulun. Gina au glao sas fagfolian, nafasaruyan tuo angku.

Alubad. 16:10

Wo nafabayan ku falad si sangay kinbul at talun, ay di o naylat au, am fagsuguan at matuyan, nu kadan sis fagfolian.

Isayas 38:17

Matuyan wan, ku nadalan fag fagidapun anke fanambagun sa angku. Aroro nesug tuo angku, nafalangfe tuo angku siginans faurianan ay nafalyam tuo ku ngay asalanan.

Abakuk 3:10

Ngay buksul nu nalag emu, gtadtaruyan kalimu. Nu narak maksvn, dagat glugwak ay gbia nu kalung.

Abakuk 3:6

Ay nu nlindug o, fagdaul daga guigan, ay nu nadama o, ngay talun gtadtaruyan kalimu, ay taguna fag ngay buksul kabaras. Ay am ngay balyawvtan di gbadbalian kabavn.

Isayas 40:12

Sinu at masuad sat daluap fagdaul dagat, ay sinu at madango banwa? Ay sinu at masuad fagdaul daga sa sik bang, ay sinu at mafafabudbungguan ngay buksul ay ngay fungsu?

Alubad. 143:7

Yawi, gubuki angku masakit, aroro kwe fagsegun ya. Ay lag gtalyuyan angku, aroro mankata au ngay taw at kinbul wan.

Alubad. 104:8

Ngay buksul kabat ay ngay datag kababa, kata am algan.

Alubad. 104:6

Nawat o sik tagbia fag lino kata sik ramit laman fansifig fagdaul daga, ay dewa ngay buksul kalubgub wan.

Alubad. 65:6

Siginan am fagmabitsugun, nawat o ngay buksul, ay siginan takatanya, nafalag o te, mabalyanan o.

Alubad. 55:23

Dius, dewa katanya, gfatong o sa tangabasad fag alian ngay taw takamabul ay tagfandaya, gina yay mabaguama. Dewa katanya au, gafanud ktua sa emu.

Alubad. 30:9

“Nataw ya ban ku fanambagun sa emu nu nbul kwan? O nunda at ngay kinbul mafauseganan yay emu? O ay mafoyung yay am fagmatuyanun?

Ub 33:28

Kanya nafalangfe tua angku siginans fakabulun, ay gfataglayun au sas fagelelegun.’

Ub 33:24

Ay Dius ro nu nfanyu anya glong ro sanya fag tagbarita te, ‘Falangfei kafag taw siginans fakabulun, aroro nasaful kwan famalyam at asalanan.’

Deuterunumyu 32:22

Nu kadotama au kata sik afuy tagigang, ay girug daga ay fagayu tagsanya, anggan sas daga daga, ay sa sangay buksul at fagtungkudan.

Mateu 16:18

Ay glong kyay sa emu te, o wan Pedru, at masuad te Gang, ay namaful kban ku ngay taw stae fag gang, ay dewa fakabulun at fagmabalyananun di ban mababo ku nafaful fag ngay taw.

Alubad. 116:3

Kalimu au ay gidapan gamatangan, aroro fakabulun munakbang angku, kata nu masiukan au.

Isayas 38:10

Nu glong kro dewa au mabaguama yay kabul kwan, ay gdalan kro sas sakbawan tagsa sangay kinbul at talun.

Esekyel 26:20

Ay namoli kban emu sasad fagngabasadan lino magamut ebi fag ngay mangaguyang. Ay kabavn ban marasrasan o magamut si sangay kinbul, ay wa ban o gdog ya kafoli sa tagleleg fag ngay taw at talun.

Esekyel 31:14

Nu katanya, siginan ban katsi, we kayu ya tagtungud tua tibak kayu at kabatan, dewa tagsis tigyangan liskung. Aroro fagayu ban kayu umbul kata sik taw nu kabul, ay kalubgub yangay ban sasad daga.’ ”

Alubad. 69:2

Kata nu gakalubgubun au si tangabasad fag lifak at yud e fakasiadan. Ay kata nu kalimus au sis lugwak sis fagngabasadan dagat.