Unas 1:16 - Fanawbuid tagsibaliwas Fakayabian

¹⁶ Aroro sat kindasug, ngay tagfakamulun maksvn nu kalimu Yawi. Nu katanya, kanya fagayu nafon sik fanggalangun sas Yawi, ay nafatuyanan te, gfataglayun ban nu gfaning ay nu gseg anya.

Unas 1:16 Referans Kwoze

Alubad. 107:22

Kanya nangus fagayu gfon at ngay fanggalangun laman famauseganan Dius, ay galubad guseganan sabaliwa at ngay nafakamulun.

Alubad. 50:14

Ku fakaylatun ay fanggalangun sa angku ay fagusegananun tua, ay nu gfafasludan am ay ngay fatuyanan sa angku, Tiba Tungud fag Dius.

Fakasigadan 8:20

Ay Nui nawat fagirugan fanggalangun laman sas Yawi. Sanya ginan, kanya nabul ngay mangilafang at masine ay anggan yangay manuk tungud at masine, ay nairug sas fagirugan laman at fanggalangun sas Yawi.

Fakamulun 5:11

Aroro siginan at kinfasludan, ngay tagafanud ay fagayu at nadungug maksvn nu kalimu.

Markus 4:31

Kanya kata sik rigrig burarad. Kanya wan tiba alay fag bvtang sas fagdaul daga.

Unas 1:10

Nu katanya, ngay tagfakamulun maksvn nu kalimu, aroro siginan Unas at nalong te, nasuksuan au Yawi. Ay kanya fagayu nalong te, “Wain am fagnafakamulunun takatanya?”

Daniel 6:26

Gsugu au sa sangay taw tagsi ku fagfagtainanan te, fagayu nangus taw alimui tua ay suyui Daniel at Dius. Aroro kanya tagleleg tua fag Dius ay tagleleg tua kabavn. Kanya nu gfunan we fakatabuan ay we mababo anya.

Isayas 26:9

Sad yabi grvbvy au emu sas fagdaul ku amatanganan. Am ngay balyawvtan matuyan tua, ay fagayu taw sas fagdaul daga, sumaful tua at matuyan fag ugali.

Takamoyung 5:4

Nu nafatuyanan o sas Dius, fafasludani tua vtv. Fafasludani am ngay fatuyanan sa anya, aroro kanya wa guseganan at yud e fagsafulun yud gfafasludan at ngay fatuyanan.

Alubad. 116:14

Namafasludan au ku ngay fatuyanan sas Yawi sit ngay taw at daga salubangan.

2 Fun 5:17

Naaman nalong te, “Nu dway o kaylat ku famonun, foni way lang angku sik lutuk ku mola fagdua at fagmadun ay gbuba au sa em talun. Siginan katsi, kwa ban gfon ya fagirugun fag fanggalangun ay tiba yak fanggalangun sa tibak fagsegan, sa tua bans Yawi.

Tagfangguna 13:16

Ay Yawi at tagbarita nabalus te, “Dewa kro yud nalao, kwa ro kon am nafalganan fag fakonun. Amasine yap nu gfon o kanya sas Yawi laman sik fagirugun fag fanggalangun.” (Manwa wa nasaful te, at fagfakamatoanun Yawi at tagbarita.)

Fakasigadan 28:20

Akub nafatuyanan wa vtv ay nalong te, “Yawi, nu galo tuo angku ay gfon angku ku fakonun ay ku lanbung,

Unas 1:14

At ngay tagfakamulun guro sas Yawi te, “Gfainfanyuan ami get sa emu te, lag o gfabayan emi nu kabul ami aroro sa em fagnamakamulunun ste fag taw. Lag ro gfauri emi nu namabul ami anya, aroro yami fia gtuyan te, e asalanan. Dewa katanya, nasaful ami te, at kindasug sa emi am fakaylatun wan.”

Ub 37:24

Nu katanya, ngay taw gsuyu anya, ay kanya wa kasalag ngay taw taglong te, e fagsafulun.”

Eremyas 5:22

Yawi glong te, “O nunda wam kalimu ya angku? Wain ay fagyudun gtadtaruyan si ku daga salubangan? Au wan at nawat ngay lagnas laman fatuan dagat, laman mamam wa masakfo. Ngay lugwak gdalusung lagnas sis tigyangan dagat, dewa katanya, wa masakfo.