Ubadyas 1:5 - Fanawbuid tagsibaliwas Fakayabian

⁵ O nunda tagfangkamul nu nasakbo sa ay bale sad yabi at fagnamulun bunwa at fakaylatun? Ay o nunda taggutlu ubas wa gfasawad ya tibak rawvg laman sat ngay yud e kwa? Dewa katanya, ay ngay fawayan ban namamin wan ayu.

Ubadyas 1:5 Referans Kwoze

Eremyas 49:9

Ay o nunda taggutlu ubas wa gfasawad ya tibak rawvg laman sat ngay yud e kwa? O nunda tagfangkamul nu nasakbo sa ay bale sad yabi at fagnamulun bunwa at fakaylatun?

Deuterunumyu 24:21

Nu nagutlu am ay tanum ubas, lag am kafoli ya laman namul ay nagsawadan. Kanya ay fon wan sa ay ngay betaw, ay sat yud e fagtainan ya, ay sa sangay fagbubayun.

Isayas 17:6

Wa ban ngayu takasawad sanya fag ngay taw. Kanya ban fagayu kata sik fun kayu ulibu gina e ntabu ggutlu at ngay rawvg: tibaginan umke sawad yay dua ay mannga tuluk rawvg sa tangabat fag sanga, ay mannga ufat ay limak rawvg sa tibak sanga. Au Yawi, Israel at Dius, taglong takatanya.”

Sefanias 2:15

Katanya ban takafasludan sas furuan Ninibe, aroro kanya fagayu glong te, ‘We manamawayan emi ay we mafasud emi.’ Dewa katanya, kanya fag furuan umrasras wan, ay tagbanwan ban sanya, tagfangagat way lang fag ngay mela. Ay nusnga sinu ban tagdalan sanya gfalingun ay kase kafag furuan.”

Mikas 7:1

Mikas nalong te, “Afanyuan au! Kata au sik taw takalunus ay tagrvbvy wat ubas at rawvg, ay fun kayu igus at ngay rawvg at sawad, dewa katanya, kwe nalag nusdi sadik rawvg.

Takabalu 1:1

Furuan Erusalem mabaluanan way lang, ebi dewa ngayu at taw. Ebi kanya oma takadungug fag furuan sas fagdaul daga, ay katsi kata way lang sik fagbubayun. Ebi kanya dewa kata sik fun at mangena, katsi kata way lang sik fagsuguan.

Eremyas 50:23

Talun Babilunya kata sik famalang nu grufa ngay talun, dewa katanya, kanya way at kinrufa. Ay tibak talun nalag kafag talun nu karufa!

Isayas 24:13

Wa ban ngayu takasawad taw. Ay sas fagayu talun at ngay taw sas fagdaul daga, umkata sik fun ulibu ay sik fun ubas gina bagu katabu grabas at rawvg.

Isayas 14:12

O at nafangayan te, Tagurabas, antong wo siginans banwa. Ay o ebi tagbabo ngay talun at ngay taw, antong wo sas daga.

2 Samwel 1:19

“Israel, am fagmasineun nalyam wan, gina am ngay tagfawayan at maseganama anbul sim fagagbilugun fag ngay buksul!

At Nafasure 18:10

Kanya fag ngay fun malindug ngayayu aroro kalimu faurianan at kindasug sanya fag mangena, ay kanya fagayu glong te, ‘Fangulan, fangulan, o fag furuan takadungug, o at mabalyanan fag furuan daul Babilunya. Aroro faurianan masakit andasug sa emu.’

Eremyas 6:9

Yawi at Mabalyanan nalong yay fia te, “At sawad ban fag ngay taw Israel namamin kwan sat ngay fawayan, kata nu grabas taguyan fag rawvg ubas. Kanya fagayu gfalingamanun mandi sas wa don laman we fasawadan fagayu rawvg.”

Ubadyas 1:9

Ay am fag ngay tagfawayan sis furuan Teman, gtadtaruyan ban am kalimu. Ay am tagbanwan sis Isaw at fagagbilugun fag ngay buksul, umbul ban am.