Ub 4:3 - Fanawbuid tagsibaliwas Fakayabian

³ Ebi nagubuk o ngayuk taw laman gafanud sas Dius ay nafabitsug o at mamomuy ay takalufuy.

Ub 4:3 Referans Kwoze

Isayas 35:3

Nu katanya, gubuki tua takamomuy.

Ebreu 12:12

Nu katanya, fabitsugi ay ngay take at mamomuy wan, ay ay ngay tud taglukmean.

Lukas 22:32

Dewa katanya, nadarangin kwa emu, laman am fagafanudun wa kamomuy. Ay nu nfoli wo sa angku, faksvni anggan am ngay faduksay.”

Fangatulun 10:21

Ngayu tua tagdungugan at matuyan fag taw at aringang, dewa katanya, at yud e fagsafulun umbul, aroro wa gtogdungug.

Ub 16:5

Dewa katanya, kwa gfakamulun takatanya, nu bunway ku fagnanlongun sa ayu tagfabitsug tua ay tagfasun ayu.

Efesu 4:29

Lag am glong nusnge wain at mauri, nu bunway at mafagubuk tua ay at mafaksvn ay iba kata at fagayudanun, laman e fanambagun tua sa tagdungugan.

Lukas 22:43

Ay Dius at tagbarita at sadi ansure sas Isus ay nafasun anya.

Deuterunumyu 3:28

Dewa katanya, namoyung o sas Uswe at ngay fakamulun. Namaksvn o at amatanganan aroro kanya ban at nanfangguna kafag ngay taw nu gdife Liskung Urdan. Ay kanya ban namon sa anya fagayu am nalag fag daga.”

Esekyel 13:22

“ ‘Siginan ay fakamuaganun nafae fakabaluun am at matuyan fag ngay taw, ay kdi oma batang gfae fakabaluun anya fagayu. Nafaksvn am at mauri fag ngay taw at amatanganan laman gfataglayun sat fagmauriun, siginan nu gfatuyanan am sa anya fagayu te, malangfe am siginans fakabulun.

Isayas 50:4

Yawi tam Fun nafoyung angku ku fagnanlongun laman namabitsug au at ngay mamomuy. Kayu balabag Yawi gfulo angku laman gdungugan au at foyungan.

Fangatulun 16:21

At ke fagsafulun fag taw, katoglag tua te, e fagsafulun, ay nu masine tua at aringang, ngay taw umke fagsafulun siginan anya.

Fangatulun 15:7

At ke fagsafulun fag taw, gfafagdaul tua at fagsafulun, dewa katanya, at yud mamatanganan fag taw, wa mafakamulun takatanya.

Fakasigadan 18:19

Nafili au anya laman namafasludan sat ngay sisian ay sat kasugfunanan ku balyawvtan laman gfakamulun at matuyan ay at mafanud. Nu katanya, umfasludan ban ku ngay fatuyanan sa anya.”

Kulusas 4:6

Faylatani nu gkamatoan am, kata sik fakonun at mataba, laman ngay taw kaylat tua gdungugan, ay mafabalus tuam ngay taw nu e fagintoun sa ayu.

Esra 6:22

Ay kaduge fituk menit kanya fagayu maful guseganan sabaliwa Tinapay at yud e Famabia, aroro Yawi nafae fagusegananun anya fagayu, siginan nu gfabali fun Asirya at amatanganan laman ggubuk anya fagayu nu kawat Israel at Dius at bale.

Ub 4:4

Ay ginanya am ngay longan wan tagfaksvn kanya fagayu, ay tagbakvd fagayu takataid.

Ub 29:11

Fagayu taw nu nalag angku gfanagsag gdungugan nu garingang au,

Ub 29:15

Ngay taw at yud glag, au wan tuga at mata, ay at yud malao fag ngay taw, au wan tuga at darafa.

Ub 29:16

Ay at yud e kwa fag ngay taw, au wan tuga at mama, ay dewa ngay taw ku fagyudun toglag, nainsaful ktua at ngay mamalong.

Ub 29:21

Ay kaduge au gfoyung, ngay taw gragangan tua ay gdungugan tua fia masine.

Sefanias 3:16

Ginanya ban fag menit, e glong sa sangay taw Erusalem te, ‘Ngay taw Siun, lag am kalimu, faksvni ay ngay amatanganan,