Ub 2:3 - Fanawbuid tagsibaliwas Fakayabian

³ Ay Yawi gdog yay ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun. Kanya matuyan tua gugat sa angku dewa o nafabulun sa angku laman kaylat au nu gfaurianan o anya deyud e asalanan.”

Ub 2:3 Referans Kwoze

Ub 1:8

Ay Yawi ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun.”

1 Pedru 1:7

Gintu dewa mafanud, namadalan sasad afuy laman sumaful te, o matuyan. Ay ay fagafanudun tagtungud tuas gintu, gfadalan yangay sas famaskud, laman umsaful te, o matuyan. Ay nu matuyan tua, e gfauseganan ban ayu, ay e gfae fagmasineun gina ban Isus, Dius at nafili fag Fun, andasug.

Santiagu 1:12

Mauseganan sik taw tagagwanta dewa ngayu at famaskud sa anya, aroro nu ntabu nu gafaskudan, mul sik famonun, leleg at yud e fakatabuan, Dius at nafatuyanan sas fagayu takesug anya.

Fangatulun 16:17

Sik taw tagugali at matuyan, gsaruy tua at mauri, ay tagdiri at sadili, di gdalan sas fagmalimuun.

Ub 9:17

Aroro kanya gfaidapan angku kata fulug nu gfae fagidapun. Ay kanya nafamut yay ku fagidapun, dewa au yay e malong.

Filipus 3:12

Kwa glong te, nabul kwan takatanya fagayu. Ay kwa yangay glong te, matuyan kwan. Dewa katanya, gugatan au namul kanya fag fagmatuyanun, aroro kanya tua tam Fun Isus at fagnauroun angku.

Uan 9:3

Ay Isus gbalus te, “Tuy fag mangama at fagyudun glag, bunwa sia ay at ngay fagtainan at ke asalanan, nu bunway laman Dius at fagmabalyananun umsure siginan nu gfafia anya.

1 Pedru 5:10

Tam Dius magalang sas fagayu taw, ay kanya at nauro ayu sat yud e fakatabuan fag fagmasineun siginan tam Fun Isus. Wa ban glugo ya nu gidapan am, ay Dius ban namafia ay namabitsug ay namaksvn ayu.

Fangatulun 15:8

Yawi kauri way at mauri fag ngay taw at fanggalangun, dewa katanya, kaylat tua at matuyan fag ngay taw at darangin.

Ub 1:1

E sik mangama tagbanwan sis talun Us at ngayan Ub. At ugali matuyan ay kalimu tua Dius, ay gsaruy tua at mauri.

Fangatulun 14:2

Sik taw tagsuyu Yawi gugali tua at matuyan. Dewa katanya, takauri Yawi wa kaylat way at masine.

Fangatulun 13:6

At matuyan fag taw, mabayan tua, aroro at ugali matuyan, dewa katanya, at mauri fag taw, gafaurianan, aroro sat fagmauriun.

Fangatulun 11:8

Dius gfalangfe tua at matuyan fag taw gina e fagidapun, dewa katanya, kanya gfabayan way at mauri fag taw.

Alubad. 41:12

Kdi gfakamulun mauri. Nu katanya, ggubuk tuo angku ay kabavn si ktua gugat sim akbang.

Alubad. 37:37

Damai at matuyan fag taw. Kanya ban manabayan tua nu gbanwan.

Ub 13:15

Dius dewa gfabul wan angku e fagsegun kyay gugat si anya, ay e famalus kway gugat sa anya.

Ub 9:20

Kdoma e asalanan, dewa katanya, kafaurianan kway siginan ku ngay nalong.

Ub 1:11

Ay agvd! Faskudi buli fagayu tagsi anya. O wa ro ankuri emu?”

2 Samwel 20:20

Ay Uab gbalus te, “Kwa nanrasras ay furuan!

Fakasigadan 6:9

Katatuy at fansulitan sabaliwas Nui talanan. Nui sik matuyan fag taw. Ay ginanya fag ngay buknga, sia way lang at yud e kalong, ay at masadi gugat sas Dius.

Alubad. 26:1

Yawi, fatuyani te, kdi e asalanan, aroro gugali ktua sat matuyan, ay maksvn nu gafanud au sa emu ay kwa gawabilugan ya.

Ub 2:2

Ay Yawi nainto sas Satanas te, “Daginan o?” Ay Satanas gbalus te, “Gfoyfolian au stae ay sas fagdaul daga.”

Ub 2:4

Satanas nabalus te, “Sik taw guseganan tua dewa namin wan fagayu at fagagbilugun, nu ddi ro kanya anbul.

Ub 1:6

Sik menit, Yawi at ngay tagbarita maful sit daga salubangan, ay sanya yangay Satanas.