Ub 1:5 - Fanawbuid tagsibaliwas Fakayabian

⁵ Ay galay antabu at fagmafulun, Ub gfon sas Dius sik fanggalangun, laman sat ngay sisian. Kanya masurip nu kafulo ay gfon sas Dius sik fagirugun fag fanggalangun laman sat ngay sisian aroro gamatangan te, ay at ngay sisian manga anke asalanan way, ay e nalong mauri sas Dius. Ub gfakamulun gugat takatanya galay at ngay sisian at fagmafulun antabu.

Ub 1:5 Referans Kwoze

Ub 42:8

Nu katanya, katsi namul am fituk baka tama ay fituk tupa tama, ay namuba am sas Ub, ay namon am sa angku sik fagirugun fag fanggalangun laman famalyam ay fagmauriun. Ay Ub ro gdarangin ayu, ay gbalus kro at darangin, ay kwa ro gfaurianan ayu sat kasakan sa ay nasalan. Wam nalong at matuyan sabaliwa angku kata ku fagsuguan Ub.”

Fakasigadan 8:20

Ay Nui nawat fagirugan fanggalangun laman sas Yawi. Sanya ginan, kanya nabul ngay mangilafang at masine ay anggan yangay manuk tungud at masine, ay nairug sas fagirugan laman at fanggalangun sas Yawi.

Ub 8:4

Am ngay sisian anke asalanan sas Dius, nu katanya, at kindasug fag faurianan kasakan way sa anya fagayu.

1 Samwel 16:5

Samwel gbalus te, “Sabv, nastie au laman namon fanggalangun sas Yawi. Falganani ay sadili nu nansalubang am Yawi, ay aloi angku laman namon sa anya fanggalangun.” Sanya ginan, Samwel nafafalganan Ese talamean ay nataban laman namon fanggalangun sas Yawi.

Efesu 6:18

Ay kaduge am gfakamulun katanya, kabavn darangini siginan at Masine fag Falad at gubuk. Darangini fagayu ay fagdaranginun. Ay darangini tua gugat Dius at nafili fag ngay taw.

Fakamulun 8:22

Ubuni am asalanan ay darangini sa tam Fun laman Dius gfalyam am mauri fag amatanganan.

1 Fun 21:13

Ay duak taw mauri andasug ay namalunggung sis Nabut at salubangan. Nalong te, “Nabut nafauri Dius ay tam fun.” Nu katanya, kanya fagayu nataban Nabut sas day furuan daul ay nafana gang yakmay anbul.

1 Fun 21:10

Ay famalunggungi duak taw mauri sat salubangan, tagfatuyan sabaliwa anya te, ‘Kanya nalong at mauri sas Dius ay sa tam fun.’ Ay sanya ginan tabani anya sas day furuan daul ay fanai anya gang yakmay anbul.”

Fakasigadan 22:3

Balabag di, Abrayam masurip nu kafulo ay kamalse at famaygang gina ban namon fanggalangun, ay nafasat asnu at tungud guyuy. Abrayam glo wan gadgaloan Isak ay at fagsuguan fag duak mangama, sas Dius at nafoyung anya fag talun.

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.

Fakamulun 21:26

Ay balabag di, Pablu gtaban kafag ngay mangama ay gfasine at sadili gfaning Muisis at Faugali. Sanya ginan, Pablu nalao sas Dius at bale laman namasaful te, kaduge ban nya nu gfasine at sadili, ay laman galay at sadi manamon at fanggalangun fag ngay fagbaugun.

Lukas 18:7

Anggan tam Dius ggubuk at filian fag taw nu guro sa anya fagngabak menit ay fagngabak yabi, o kin? O Dius gfadugean nu ggubuk?

Uan 11:55

Nu munakbang wan taw Udyu at fagmafulun sabaliwas Tagbarita nu Glangfe, ngayuk taw takadasug siginan sangay talun tagligung Erusalem, laman namasine at ngay sadili gfaning at kaugalian.

Lukas 1:75

ay laman masine tua ay matuyan tua tam fakamulun sis Dius at daga salubangan, kaduge tam gleleg.

Eremyas 4:14

“Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

Takamoyung 9:10

Fakamuluni am fakamulun kaksvn am fagmakatuun, aroro sa ban at ngay kinbul at fagbanwanan am fakadasugan wo e fakamulun ya. Ay sanya wa yangay e gamatangan ya ay wa yangay e mamatanganan ya ay e fagsafulun.

Alubad. 5:3

Kayu balabag sirut, gfadasug au ku ngay fagetun sam daga salubangan, ay gfanya au am famalus. Dungugi angku gina menit kasure.

Ub 41:25

Ay nu nlindug, anggan at mabalyanan fag ngay taw maksvn nu kalimu.

Ub 27:10

O ay guseganan tua ro sat mabalyanan fag Dius? O ay kayu ro buknga guro anya?

Ub 2:9

Ay at mangena nalong sa anya te, “O matuyan yay o gugat sam Dius? Longi wan sa anya at mauri, maro gfabul wan emu.”

Ub 1:11

Ay agvd! Faskudi buli fagayu tagsi anya. O wa ro ankuri emu?”

Nemyas 12:30

Ay anke fagmafulun yangay laman ngay tagfon fanggalangun ay anggan ngay taw Lebi sik ngay matuyan, katanya yangay at nafakamulun sa sangay taw ay sa sangay furuan at sakbawan alad.

Nu Galin 19:10

Yawi nalong yay sa anya te, “Loi sa sangay taw ay nanlong o te, ‘Katsi ay balabag ban, falganani ay sadili, ay namakbaki ay lanbung.’

Nu Galin 18:12

Sanya ginan, Etru nafon sik ngay fagirugun fag fanggalangun ay tiba yak fanggalangun sas Dius. Ay kaduge gfakamulun, Arun ay tiba yak fagtainan taw Israel andasug. Ay nafasfuan Etru laman nanfangon sis Dius at daga salubangan.

Fakasigadan 6:5

Yawi nu nalag fagdaul daga at ngay taw at fakamulun ay anggan at ngay amatanganan nu mauri,

2 Kurintu. 11:2

Gafanawa au ayu kata Dius nu gafanawa ayu, aroro kata am sik diaga ku nafatuyanan sa sik mangama, ay kanya fag mangama we tiba nu bunway tam Fun Isus.

1 Fun 18:31

Ay kanya nabul labi duak gang kata Akub at ngay baguama at ngay gaban, Yawi at nafangayan yangay te, Israel.

Nu Galin 24:5

Ay sanya ginan, Muisis nasugu ngay baguama te, “Namon am sas Yawi fagirugun fag ngay fanggalangun ay namon yangay am ngay tama baka laman sik ngay fanggalangun laman sas fagmanabayanun sas Yawi.”

Ub 1:4

Ay kayu menit, at ngay baguama at fakamulun gungbusan gfalganan sik ngay fakonun sit mesa bale, ay kanya fagayu gtaban gugat at faduksay fag tuluk mangena.

Ub 6:14

Sik taw takabalu, at ngay fagadgalangan masine nu ggubuk anya, kanya dewa natalyuyan at mabalyanan fag Dius.

Esekyel 14:14

Kanya ban fag ngay taw dewa gfadgaloan yay Nui, Daniel, ay Ub, kanya way lang fag tulu takalangfe, aroro kanya fag tulu matuyan tua at ugali. Au, Fun Dius Yawi, taglong tuy.