Ub 1:3 - Fanawbuid tagsibaliwas Fakayabian

³ Ay e fituk libuk tupa ay e tuluk libuk kamelyu ay e limak sandank dadwa baka, ay e limak sandank asnu tina ay ngayu at fagsuguan, ay kanya wan at maramraman sas fakamenitan baliwa fag talun.

Ub 1:3 Referans Kwoze

Ub 29:25

Kata au sik fun tagfoyung anya nu setain at fakamulun at masine. Gfunan au kata sik fun daul at magamut sit ngay tagfawayan, ay gfasun au fagayu takabalu.

Ub 42:12

Nu katanya, Yawi nafon sas Ub ngayuk ramraman, gtungud yay ebi taguna. At nafon anya labi ufatk libuk tupa, ay unumk libuk kamelyu, sadik libuk baka dadwa, ay sadik libuk tina asnu.

Tagfangguna 6:3

Galay ngay taw Israel gtanum fag buknga, ngay taw Midyan, ngay taw Amalek, ay tiba yak taw tagsiginans fakamenitan baliwa namawayan ngay taw Israel.

1 Fun 4:30

At fagmamatanganun gtungud tua sas fagayu taw tagsis fakamenitan ay at ke fagsafulun fag ngay taw sis talun Igiptu.

Tap 23:7

Sanya ginan, Balaam nalong te, “Fun Balak, nafauro o angku siginans Aram sis fakamenitan fag ngay buksul. Ay nalong o angku te, ‘Fasakiti, longi at mauri sas Akub at ngay kasugfunanan laman sa angku. Longi at mauri laman sa sangay taw Israel.’

Fangatulun 10:22

Yawi at famonun fagmaramramanun, ay di gfadasug nusnga setaw fag mabalu.

Fakasigadan 12:16

Aroro siginans Saray, at fun malukme tua sas Abram, ay nafon yay anya ngay fagbaugun: ngay tupa, ngay kambing, ngay baka, ngay asnu, ngay kamelyu, ay anggan ngay fagsuguan.

Fakasigadan 29:1

Akub gfataglayun glao yakmay andasug sas fakamenitan baliwa fag ngay afud daga.

Fakasigadan 13:6

Ay at mesa fagbaugun ankayu, ay at fagfafangonan wa kasakan ya, nu katanya, talyai wa masine ya magamut gbanwan si sik talun.

2 Krunika 32:29

aroro ngayu at fagbaugun. Ay kanya nafawat yangay ngayuk furuan, aroro Dius nafon anya ngayuk ramraman.

2 Krunika 26:10

Ay anggan sis talun at yud e taw, kanya nafawat yangay ngay bale ngabat ay nafaali ngay bubun laman fagfungsuan mamam, aroro ngayu at ngay fagbaugun sa sangay buksul tagsibaliwas fakayabian, ay tagsi sangay datag. Kanya e ngay fagsuguan laman galaga at gamasun, at ngay tanum ubas, tagsi sangay buksul ay tagsisad datag, aroro kanya kaylat gfananumun.

2 Fun 3:4

Mesa, talun Muab at fun, e ngay tupa. Aroro Israel tagagbilug at talun, galay banwa kafag fun gfon sas Israel at fun sadik sandank libuk tupa riangan at sigyu, ay sadik sandank libuk tama tupa.

1 Samwel 25:2

E sik taw maramraman sis furuan Maun. Kanya e tuluk libuk tupa ay sadik libuk kambing. Ginanya fangufoan ngay tupa sis Karmel.

Tagfangguna 6:5

Ay kafag ngay taw nu namawayan, gbuba wan at ngay bale ramit ay gtaban wan at ngay fagbaugun, at kayuan kayu sik ngay liung. Ay wa yangay e mafatap anggan at ngay kamelyu. Ay kanya fagayu nafauri ngay taw Israel at talun.

Fakasigadan 34:23

Nu katanya, at ngay ramraman ay at ngay baka ay nusnge wain antam wan. Aylati wan kanya fagayu nu gfadgaloan antam gbanwan.”

Tagfangguna 8:10

Ginanya, Seba ay Salmuna sis Karkur gadgaloan at ngay tagfawayan at kinsawad fag labi limak libu. Ay at ngay tagfawayan at kinbul sadik sandan duak safuluk libu.

Tagfangguna 7:12

Ngay taw Midyan, taw Amalek, ay tiba yak kasugfunanan maful sis lod buksul sis fakamenitan baliwa, at kayuan kayu sliung. Ay at ngay kamelyu kayu slagnas sis tigyangan dagat.

1 Samwel 27:9

Dabid ay at ngay tagfawayan galay nanamawayan, gfabul wan fagayu at fawayan: ngay mangama, ngay mangena, ay gbul yangay at ngay tupa, ngay baka, ngay asnu, ngay kamelyu ay anggan at ngay lanbung. Sanya ginan, kanya fagayu guli wan sas fun Akis.

Ub 1:4

Ay kayu menit, at ngay baguama at fakamulun gungbusan gfalganan sik ngay fakonun sit mesa bale, ay kanya fagayu gtaban gugat at faduksay fag tuluk mangena.

Ub 1:10

Nadiri o anya ay anggan at talnayan, anggan at ngay ramraman, ay nafadante o fagayu at fakamulun, nu katanya, at ngay fagbaugun kafamut.

Ub 21:28

Ginto am te, ‘Dada wan at maramraman fag taw at bale, ay dada wan at mauri fag ngay taw at fagbanwanan?’

Ub 31:25

Kwa gfanagsag te, ngayu ku ramraman siginan ku nainlufuyan.

Ub 31:37

Ay gfoyung au sas Dius fagayu ku nafakamulun ay nansalubang au anya kata sik funan at yud kapla.

Ub 42:10

Ay Ub nu nadarangin wan at ngay fagadgalangan, Yawi gdog yay nafaramraman Ub duak kayu ebi at ramraman.

Eremyas 49:28

Katatuy Yawi at longan sabaliwas Kedar ay Kasur at ngay fagfagtainanan, Nabukudunusur, Babilunya at fun, at nagbilug: “Falganani ay namawayan am Kedar. Famini wan kanya fag ngay taw tagbanwan sis fakamenitan.

Fakasigadan 24:35

Yawi nafon nusnge wain sa ku tagfayafun, ay katsi maramraman wan. Yawi nafon anya ngayuk tupa ay kambing ay baka ay kamelyu ay asnu ay sanbung salapi ay gintu, ay anggan ngay fagsuguan mangena ay mangama.

Fakasigadan 32:14

duak sandank tina kambing, ay duak safuluk tama kambing, ay duak sandank tina tupa, ay duak safuluk tama tupa,

2 Samwel 12:2

At maramraman ngayu at fagbaugun.

2 Fun 15:20

Siginan nu gfabulun, Menakem nabul ngay salapi siginan at maramraman fag ngay taw Israel ay at nabul siginan galay at sadi limak safuluk lifung salapi. Nu katanya, Asirya at fun wa nafataglayun nu namawayan ay kanya noli wan sat furuan daul.

1 Krunika 27:30

Ay Ubil, sik taw Ismael, tagalaga ngay kamelyu. Ay Edeya tagsiginans Merunut tagalaga ngay asnu.