Ub 1:1 - Fanawbuid tagsibaliwas Fakayabian

¹ E sik mangama tagbanwan sis talun Us at ngayan Ub. At ugali matuyan ay kalimu tua Dius, ay gsaruy tua at mauri.

Ub 1:1 Referans Kwoze

Santiagu 5:11

Amatangani. Malong tam te, mauseganan sik tagagwanta. Nadungug am sabaliwa Ub nu gagwanta, ay nasaful am tam Fun at nafakamulun sa anya sa oma taguyan. Tam Fun matuyan ay maksvn nu mafangafanyu.

Esekyel 14:14

Kanya ban fag ngay taw dewa gfadgaloan yay Nui, Daniel, ay Ub, kanya way lang fag tulu takalangfe, aroro kanya fag tulu matuyan tua at ugali. Au, Fun Dius Yawi, taglong tuy.

Esekyel 14:20

Kafag ngay taw dewa yay ban gfadgaloan Nui, Daniel, ay Ub, ay au, Fun Dius Yawi, gfatuyanan au te, kafanud nu gleleg au, kanya ban fag tuluk mangama wa mafalangfe at ngay sisian, nu bunway at ngay sadili way lang. Aroro kanya fag tulu matuyan tua at ugali.

Ub 28:28

Ay kanya nalong sa sangay taw te, ‘Takalimu tua Fun ay takayayu tua fagmauriun, katanya tua ke fagsafulun ay tagtogdungug.’ ”

Ub 2:3

Ay Yawi gdog yay ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun. Kanya matuyan tua gugat sa angku dewa o nafabulun sa angku laman kaylat au nu gfaurianan o anya deyud e asalanan.”

Ub 1:8

Ay Yawi ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun.”

Fakasigadan 6:9

Katatuy at fansulitan sabaliwas Nui talanan. Nui sik matuyan fag taw. Ay ginanya fag ngay buknga, sia way lang at yud e kalong, ay at masadi gugat sas Dius.

Lukas 1:6

Kafag dadwa matuyan tua sas Dius at daga salubangan, ay gfaning tam Fun at ngay longan ay at ngay faugali.

Fangatulun 8:13

Sik taw tagsuyu Yawi, di gfakamulun sas fagmauriun. Ay kauri au takamabo ay takamatungudun, ay takamuag ay fagayu tagugali at mauri.

Fakasigadan 22:12

Tagbarita nalong te, “Lag o gfabul am baguama! Katsi natuyan kwa te, kalimu tuo Dius, aroro di o nawabilugan gfon sa anya am baguama fia dewa sadi way.”

Fakasigadan 17:1

Abram at banwa gina siamk safulu e siam, Yawi ansure sa anya ay glong te, “Au wan at mabalyanan fag Dius. Glong au te, faningi tua gugat angku ay ugalii at yud e kalong.

Takabalu 4:21

Am fag ngay taw Edum tagbanwan sis Us, katsi useganani ay fanagsagi, aroro Yawi namaurianan yangay ban ayu. Umfaurianan yangay ban am ay umke fakaplaun.

Fangatulun 16:6

Sik taw nu mafangesug tua ay matuyan, Yawi gfalyam at ngay asalanan. Ay nu masuyu tua sa anya, umyayu siginans fagmauriun.

2 Fun 20:3

“Yawi, amatangani tua ku ngay nafakamulun at matuyan ay nasaful wo te, fagdaul ku amatanganan nafaning ktua emu, ay fagdaul ku nafakamulun masine tua sa emu.” Ay kanya gwayway maksvn.

1 Pedru 3:11

Kabavn saruyi ay lag gdalan at mauri fag fakamulun, nu bunway ugatani tua banwani manabayan sas galay am at sadi.

Eremyas 25:20

ay anggan sa sangay yud Igiptu fag ngay taw tagbanwan sanya. Ay nafainum kyangay tagsis talun Us at ngay fun ay at ngay tagbanwan, ay sas fagayu furuan tagsis talun Filistia, (ngay tagfunan sis Askelun, Gasa, Ekrun, ay Asdud);

1 Krunika 1:42

Eser at ngay baguama: Bilan, Saaban ay Aakan. Disan at ngay baguama: Us ay Aran.

1 Krunika 1:17

Sem at ngay baguama: Elam, Asur, Arfaksad, Lud ay Aram. Ay Aram at ngay baguama: Us, Kul, Geter ay Mesek.

Nu Galin 18:21

Nu katanya, nanfili yap o sik ngay taggubuk emu at ke fagmakatuun tua gfawabilugan, ay kalimu Dius, ay at masine fagfatigwanan, ay wa gbul ngay famayad. Ay nanfili o kanya fagayu ngay tagfakamulun sa sangay gaban taw, at kayuan tagsadik libu, tagsadik sandan, taglimak safulu, ay tagsafuluk taw.

Fakasigadan 36:28

Disan at ngay baguama: Us ay Aran.

Fakasigadan 10:23

Aram at ngay baguama: Us, Kul, Geter ay Mesek.

Fakasigadan 42:18

Sis fatuluk menit, Use nalong sa anya fagayu te, “Gfababaun au sas Dius. Ay gfon kyay ayu sik buknga laman gleleg yayam nu gfaning tuam ku suguan ayu.

Deuterunumyu 18:13

Lag am e malong si ay Dius Yawi at daga salubangan.

Ub 4:6

O nunda nu gsuyu tuo Dius ay gugali at matuyan, o wa gfae fagafanudun ay gfae fagsegun emu?

Ub 9:21

We fanambagun sa angku dewa au yud e asalanan. Kauri kwan ku leleg.

Fangatulun 3:7

Lag o gamatangan te, e fagsafulun wo, suyui tua Yawi, ay lag gfakamulun at mauri.

Fangatulun 14:2

Sik taw tagsuyu Yawi gugali tua at matuyan. Dewa katanya, takauri Yawi wa kaylat way at masine.

Fangatulun 14:16

Sik taw at ke fagsafulun, gdiri tua at sadili ay gsaruy tua fagmauriun, dewa katanya, sik taw at yud mamatanganan wa gdiri ya nusnga setaw at fagnamakamulunun.

Fangatulun 16:17

Sik taw tagugali at matuyan, gsaruy tua at mauri, ay tagdiri at sadili, di gdalan sas fagmalimuun.

Fangatulun 20:7

Sik matuyan fag taw di e mauri. Ay at ngay sisian mauseganan tua nu nafaning tua anya.