Uan 4:12 - Fanawbuid tagsibaliwas Fakayabian

¹² O nunda gtungud yay o em mangaguyang Akub, at nafon emi tuy fag bubun. Iste wan kanya nu ginum anggan at ngay sisian, ay at ngay fagbaugun.”

Uan 4:12 Referans Kwoze

Ebreu 3:3

Sik taw takawat bale, at fagmasineun gtungud tua at fakawatun fag bale, ay katanya yangay tam Isus at fagmasineun gtungud tua Muisis at fagmasineun.

Uan 4:6

Sanya Akub at bubun. Ay Isus malunggung sis tigyangan bubun, aroro kalufuy at nalao. Aroro ginanya, gakawabilugun menit wan.

Mateu 12:42

Ay anggan talun Seba at fun fag mangena, gdog yangay ban gleleg gasfuan ayu gina ban fanginsafulan asalanan fag menit ay lumong ban te, mauri am, aroro kafag mangena ndasug sas fun Sulumun siginans fungfung daga, laman nandungugan fun Sulumun at mamatanganan fag ngay longan. Ay amatangani, at kindasug ste katsi, gtungud yay fun Sulumun, ay dewa katanya, wam kaylat gdungugan anya.

Uan 8:53

O nunda gtungud tuo em mama Abrayam? Kanya katsi anbul wan, ay anggan Dius at ngay taglong anbul wan. Tain ro nu malong o te, gtungud tuo anya fagayu?”

Uan 4:5

Ay Isus andasug sa sik furuan at ngayan Sikar, munakbang sis Akub at nafon sat baguama Use fag daga.

Uan 4:13

Isus gbalus te, “Taginum ste ginan fag mamam gdog yay kadanum.

Uan 4:20

Iste fag buksul em ngay mangaguyang nu gseg Dius, dewa katanya am fag ngay taw Udyu glong way am te, sa way langs Erusalem nu nanseg Dius.”