Uan 1:21 - Fanawbuid tagsibaliwas Fakayabian

²¹ Ay kafag ngay taw nadog yay nainto sas Uan te, “Nu katanya, sinu way o? O o wan Elyas?” Ay Uan nabalus te, “Duan.” Ay kafag ngay taw nadog yay fia nainto te, “O o wan em fagfanyaun fag taglong takadasug ban?” Uan nabalus te, “Duan.”

Uan 1:21 Referans Kwoze

Malakyas 4:5

“Dungugani! Gina yay yud andasug nu gfaurianan au fag menit at maksvn nu malimu, gsugu au sa ayu ku taglong Elyas.

Mateu 11:14

Nu kaylat tuam gafanud takatanya, kanya wan ay fagsegun takadasug fag taglong Elyas.

Uan 1:25

nainto sas Uan te, “Wain am fagfasurungun, ay bunwa o Dius at nafili fag Fun, ay Elyas, ay Dius at nafatuyanan takadasug ban fag taglong?”

Mateu 16:14

Ay at ngay tagadal nabalus te, “Tibak taw glong te, o wan Uan Tagfasurung, ay tiba glong te, o wan Dius at taglong Elyas, ay tiba glong te, Eremyas, ay mannga tiba yak taglong ebi.”

Uan 7:40

Ngayuk taw nu nadungug Isus nu glong takatanya, glong te, “Matuyan tuy wa ngaro fia tam fagfanyaun fag Taglong.”

Lukas 1:17

ay kanya ban gguna tam Fun, laman namafalganan ngay taw gina tam Fun kadasug. Ay siginan at Masine fag Falad at gubuk ay at fagmabalyananun, kanya ban namakamulun, kata Elyas at nafakamulun ebi. Kanya ban namoyung ngay fagtainan, laman kesug tua at ngay sisian, ay namae fagsafulun ngay takamabo, laman umsik matuyan. Nu katanya, kanya namalganan sik ngay taw laman sa tam Fun.”

Mateu 21:11

Ay tibak taw nabalus te, “Kanya Isus, Dius at taglong tagsiginans furuan Nasaret sis talun Galilea.”

Uan 1:22

Ay kanya fagayu nainto te, “Nu katanya, sinu way o fia? Foyungi emi laman e fagmafoyungun ami sat ngay nasugu emi. Nataw am foyungan sabaliwa am sadili?”

Uan 6:14

Ay kafag ngay taw nu nalag Isus at madulo fag fakamulun, nalong te, “Matuyan tuy wa ngaro fia at fatuyanan fag taglong takadasug ban ste swa daga.”