Titu 1:8 - Fanawbuid tagsibaliwas Fakayabian

⁸ Nu bunway kanya gfasakbo tua sat bale nusnga sinu fag taw, ay kaylat tua at masine, ay malukme tua, ay matuyan sat ngay iba, ay galo fia Dius ay saful tua gfaragang at sadili.

Titu 1:8 Referans Kwoze

1 Timuteu 3:2

Katatuy at masine at ugali: di e kalong te, mauri, ay sadi way at mangena, ay saful tua gfaragang at sadili, ay di gfangadotama, ay masuyu tua, ay gfasakbo tua sat bale nusnga sinu fag taw, ay masine tua nu gfoyung,

Titu 2:7

Sas fagayu am fakamulun falagi te, sik fagfaningan o, ay fagayu am foyungan matuyani dangay kata nu alaman.

1 Fun 5:7

Kiram maksvn nu guseganan nu nadungug Sulumun at longan. Nu katanya, kanya nalong te, “Segi Yawi, aroro katsi kanya nafon sas Dabid sik baguama at mamatanganan laman at nanfunan ste fag talun at mabalyanan.”

1 Uan 5:1

Nusnga sinu tagafanud te, Isus wan Dius at nafili fag Fun, kanya fag taw Dius at sisian. Sik taw nu kesug tua sik mama, kesug yangay anggan kafag mama at sisian.

1 Uan 3:14

Nasaful watam te, nlangfe watam siginans fakabulun ay andasug tua tam sas fagelelegun, aroro kedkesugan tua tam. Ay nusnga sinu nu dway kesug at faduksay, kanya si yays fakabulun at daga fagmabalyananun.

1 Timuteu 6:11

Ay o, Dius at fagsuguan, masine nu gsaruy o takatanya fagayu. Ay kabavn rvbvyi fagmasineun, ay fagfaningun Dius, ay fagafanudun, ay fakesugun, ay fagagwantanun, ay fagmalukmeun.

1 Timuteu 4:12

Dangay o e kafalingun siginan nu mabaguama yay o. Nu bunway ugatani laman sik fagfaningan tuo sas fagayu tagafanud, siginan am aringang, am ugali, am fakesugun, am fagafanudun ay am fagyudun e malong.

1 Tesalunika 2:10

Am wan tagfatuyan te, masine ay matuyan ay di e malong em ugali kaduge ami gfaudgufudan ayu. Ay anggan Dius gfatuyan yangay.

Alubad. 16:3

Sabaliwa sangay taw at yud e malong tagbanwan sis talun Israel, gfauseganan au ayu.

1 Fun 5:1

Kiram, Tiru at fun, fun Dabid at fagadgalangan. Ay fun Kiram nu nasaful te, Sulumun natubus at mama Dabid laman sik fun, kanya nasugu at ngay fagsuguan fag ngay tagfangguna sas fun Sulumun.

1 Samwel 18:1

Ay Dabid nu ntabu gfakamatoan Saul, kanya natoglag Yunatan, Saul at baguama. Ay duama ggadgalangan mandi. Ay Yunatan kesug Dabid kata nu kesug at sadili.

2 Timuteu 3:3

Ay saman ya takatanya, we fakesugun, ay wa kalyam tibak taw at asalanan sa anya, ay kamuag glong sabaliwa at iba, ay wa saful gfaragang at sadili, ay masakit gfangauri, ay kauri nusnge wain at masine,

2 Timuteu 2:22

Nu katanya, o, saruyi baguama at fakaylatun fag ugali at mauri. Ugatani ugalii at matuyan, ay e fagafanuduni, ay e fakesuguni, ay e fagmanabayanuni, gasfuan fagayu taw tagdarangin sa tam Fun at ke masine fag amatanganan.

Amus 5:15

Saruyi at mauri ay fakamuluni at masine, ay fafasludani fagmatuyanun say ngay faginsafulan asalanan. Tiba ginan ro manga, Yawi umfanyu yay ayu, Use at ngay kasugfunanan at sawad.

Lukas 2:25

Sis Erusalem e sik taw at ngayan Simyun. Kanya sik matuyan fag taw ay gafanud sas Dius, ay at Masine fag Falad si yangay anya. Ay kanya mafanyan tua gugat ngay taw Israel at tagfalangfe nu kadasug.

Fakamulun 24:25

Ay Pablu gfataglayun wa gugat nu gfoyung sabaliwas fagmatuyanun ay nu gfaragang at sadili, ay sabaliwa takadasug ban fag menit Dius nu ginsaful fagayu taw at ngay asalanan, fun Feliks anlimu maksvn ay nalong sas Pablu te, “Sabv yap ro nu gfoyung o! Nu e buknga kyay ban, gdog kyay gfauro emu.”