Titu 1:12 - Fanawbuid tagsibaliwas Fakayabian

¹² Ay sik taglong siginans furu Kreta nalong te, “Ngay taw Kreta kamuag, ay at ugali mauri kata ngay mangilafang, ay kanya fagayu momuy ay gfangkumon.”

Titu 1:12 Referans Kwoze

1 Timuteu 4:2

Takatanya fag ngay foyungan siginan way takamaningan fag ngay takamuag, ay at amatanganan annanad wan sat mauri, ay wa gfaning ya at amatanganan at masine.

Ruma 16:18

Takatanya fag ngay taw at fagfaningan bunwa tam Fun Isus nu bunway at sadili way. Kafag ngay taw gdaya ngay taw at mamomuy at amatanganan, siginan takamaylatan ay at masine nu kadungug fag ngay foyungan.

Fakamulun 17:28

Aroro siginan anya, gleleg tua tam ay maleleganan ay mafakamulun. Ay kata tibak taw tagsaful gfangkaturunan at nalong te, ‘Dius tam at ngay sisian.’

2 Pedru 2:15

Kanya nasaruy at matuyan fag dalan ay nafaning Balaam, Beur at baguama, at ugali. Ay kaylat gbul famayad laman namakamulun at mauri.

2 Pedru 2:12

Ay kanya fag ngay taw gfalingun nusnge wain deyud saful. Kanya kata way sik mangilafang at yud e amatanganan. Ay at faginsalugun laman taw ggamat ay gfabul anya. Kanya ban fag ngay taw kabul kata ngay mangilafang.

Fakamulun 2:11

(ay sanya yangay ngay taw Udyu ay yud Udyu fag ngay taw at kinsadi sat fagafanudun) ay siginans furu Kreta ay talun Arabya. Dewa katanya, gtogdungug tam anya fagayu nu garingang sa tam ngay fangaringang laman gfoyung sabaliwa Dius at ngay nafakamulun at madulo.”

Fakamulun 27:7

Ngayuk menit em sakayan nu glo aroro maranan way, ay naidapan mandi mi at nangadasug sas Gnidu. Wami maturunan glao sas wabilug dagat aroro tagmara gfablang way emi. Ay nu katanya gulitan way mi sa sangaba tigyangan dagat sabaliwa furu Kreta sis aturunan furuan Salmune.

Fakamulun 27:12

Ay kanya fagayu nasaful te, sanya fag buknga wa masine fakatungkudan sakayan laman gfalangfe abagat, ay tangayu baliwa gfasadan laman gtaglayun ami glao, at amatanganan te, bangaran ro manga dumasug ami sas furuan Fenise, ay sanya nu gfalangfe ami abagat. Furuan Fenise sik fakatungkudan ngay sakayan lino sis furu Kreta tagsas indulungan baliwa.

Fakamulun 27:13

Ay nu natagmara siginan baliwas indulungan malukme way sirut, ngay tagfakamulun sis sakayan at amatanganan te, masine wan nu gdog ami glao. Nu katanya, kanya fagayu nafabat at famatawad em sakayan ay gfasigad wami glao sa sangaba tigyangan lino sas furu Kreta.

Filipus 3:19

Kanya ban at fungfung fakaminun way, aroro gseg at bilug at fakaylatun. At fagusegananun at mapla way, ay at fagamatanganun tagste way swa daga.

Titu 1:5

Nafamato au emu sis Kreta laman namasine o ku nayud nafatabu. Kata ku suguan emu, filii tagfagtainan si sangay furuan.