Titu 1:10 - Fanawbuid tagsibaliwas Fakayabian

¹⁰ Aroro ngayu tagfasagsagan ay tagfandaya at iba siginan at yud matuyan fag longan, kaugat wan ngay taw taglong te, fae fakatoglagani.

Titu 1:10 Referans Kwoze

1 Timuteu 1:6

Tibak taw naubun takatanya ay nafaning sat yud e tungkul fag kamatoanan laman kamabadbaboan.

1 Uan 4:1

Ku ngay fakesugun, lag am gafanud sas nusnga sinu fag taw dewa glong te, “Si wa angku at Masine fag Falad.” Nu bunway insafuli te, o at falad siginan tuas Dius, aroro ngayuk takamuagan fag taglong at kinrapyag sas fagdaul daga.

Galasya 2:4

Fakatanyaun, aroro ngay taw takamaningan te, gafanud, ansuglat si antam laman masuksuk ginsaful te, tain tam Fun Isus nu gfalfas antam, ay kanya kaylat nu gdog tam gafagsuguanan Muisis at Faugali.

Efesu 4:14

Nu katanya tua, di ban tam kata ya sik sisian at amatanganan ay gabuban sa tibak foyungan ay di ban tam galoan ya ngay tagfandaya. Ay di ban tam gadayan ya tibak taw at ngay fandaya.

Santiagu 1:26

Sik taw tagamatangan te, kanya gafanud sas Dius, ay dewa katanya wa gfaragang at leplep nu glong at mauri, kanya gdaya way at sadili, ay we tungkul at fagafanudun.

2 Timuteu 3:13

Dewa katanya, at mauri ay tagfandaya fag ngay taw at fagmauriun umkaksvn ban. Kanya fag ngay taw gfataglayun nu gfandaya ay anggan kanya gadayan yangay.

Fakamulun 11:2

Ay Pedru nu ndasug sas Erusalem, tibak tagafanud fag ngay taw Udyu gfabadbaboan anya. Kafag ngay taw gafanud te, “Fae fakatoglagani yap yud Udyu fag ngay tagafanud laman kanya fagayu manangasadi sa antam.”

At Nafasure 2:14

Dewa katanya, e fakauriun kway ayu. Am tiba nafaning wayam Balaam at foyungan. Kanya nafoyung sas Balak nu setain nu gfaylatan ngay taw Israel laman kon ngay fanggalangun at nafon sat yud matuyan fag ngay fagsegan, ay at nanfanugtug ay at kamatugtug. Siginan takatanya, ngay taw Israel anke asalanan.

At Nafasure 2:6

Ay ku fagusegananun ayu, kauri tuam ngay taw Nikulaita at ngay fakamulun kata nu kauri au.

1 Uan 2:18

Ku ngay sisian, katsi munakbang wan at fakatabuan fag ngay menit. Ay nadungug wam te, kadasug ban tagfawayan tam Fun Isus. Ay dewa katsi ngayu wan tagfawayan tam Fun Isus. Nu katanya, nasaful watam te, katsi munakbang wan at fakatabuan fag ngay menit.

2 Timuteu 4:4

Kafag ngay taw ban at amatanganan sa way lang baliwa at ngay mangaguyang at ngay talagtagan, ay wa ban gdungugan ya at matuyan.

1 Timuteu 1:4

Fararangi sa kafag ngay taw te, lag gfangulan at buknga sat ngay talagtagan ay nu ginsaful sabaliwa at ngay mangaguyang at ngay ngayan. Takatanya at fungfung fagbadbaboanun way, ay wa magubuk nu gfafasludan Dius at algan tam nasaful siginans fagafanudun.

Galasya 3:1

Am fag ngay taw Galasya wam mamatanganan! Kata nu e nafasagsagan ay amatanganan. Mayamag oma at foyungan sa ayu sabaliwas Isus tam Fun at nabulanan sas fasulungan kayu.

Fakamulun 20:29

Saful kwa te, nu nalo kwa ban, e kadasug ban sa ayu sik tagfangagat fag idu talun, ay gugatan namabul ay fagalagaun fag ngay tupa.

Fakamulun 15:1

Ginanya, e ngay taw siginans talun Udea andasug sas furuan Antiukya, ay kanya fagayu nafoyung sas yud Udyu fag ngay tagafanud te, “Nu dway am nafae fakatoglagan, kata Muisis at Faugali, wa ban am umlangfe.”

Fakamulun 15:24

Nadungug ami te, tibak taw ste ginan emi deyud em suguan, gfaduanun ayu siginan at ngay foyungan.

1 Timuteu 1:9

Amatangani te, nusnge wain fag faugali bunwa sat matuyan fag ngay taw, sa way takamabo, ay sa takauri, ay sat yud gtoglag Dius, ay sa tagasalanan, ay sat yud gsuyu Dius, ay sat yud gafanud ay sa tagfabul at mama ay at mina, ay sa tiba yak takamabul,

Titu 1:6

Am fagfiliun at yud tua e kafoyung te, mauri, ay sadi way at mangena. Ay at ngay sisian gafanud tua, ay di kamabo ay di kamaogatun.

1 Uan 2:4

Nusnga sinu taglong te, “Toglag au Dius,” dewa katanya nu dway gfaning Dius at longan, kanya kamuag way, ay we si anya at matuyan.

Mateu 23:14

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Aroro gfamin am ngay fagbubayun at ramraman. Ay kamatungudun am siginan nu gdarangin am tangaba. Nu katanya way ay fakamulun, kaugat yay ban nu gafaurianan am.