Tap 1:1 - Fanawbuid tagsibaliwas Fakayabian

¹ Ebi taguna fag menit sis faduak magdanun ay sis faduak banwa siginan ngay taw Israel galin siginans talun Igiptu, Yawi nafakamatoan Muisis sis Bale Fagnangablanganan sis Buksul Sinay sis talun at yud e taw. Yawi nalong sas Muisis te,

Tap 1:1 Referans Kwoze

Nu Galin 25:22

Ay nangalagan au emu sas buknga kafag duak awatan tagsis tungud fagsuadan, ay namon au sa emu fagayu suguan laman sa sangay taw Israel.

Nu Galin 19:1

Ngay taw Israel nalao siginans Refidim ay nasas talun at yud e taw sis Sinay. Ay kanya fagayu namaful sis salubangan buksul. Ginanya, at fatuluk magdanun siginan nu glao siginans talun Igiptu.

Tap 9:1

Gina taguna fag magdanun sis faduak banwa ngay taw Israel naduksun siginans talun Igiptu, ay gina kanya fagayu sit yud e taw fag talun sis Buksul Sinay, Yawi nalong sas Muisis te,

Lebitiku 27:34

Kanya Yawi at ngay suguan at nalong sas Muisis sis Buksul Sinay laman sa sangay taw Israel.

Lebitiku 1:1

Yawi nauro Muisis ay nafakamatoan anya sis Fagnansegan fag Bale Ramit ay nalong sa anya te, “Longi sa sangay taw Israel te, “Nu namon am ay fanggalangun sas Yawi, foni sik baka, tupa ay mannga kambing.

Nu Galin 40:17

Nu katanya, kanya nafawat Fagnansegan fag Bale Ramit gina taguna fag menit sis fasadik magdanun, gina at faduak banwa siginan nu glao siginans talun Igiptu.

Nu Galin 40:2

“Fawati sik bale fagnansegan angku (at ngayan yangay te, Bale Fagnangablanganan), gina taguna fag menit sis fasadik magdanun.

1 Fun 6:1

Fun Sulumun nafasigad nu gfawat Yawi at bale gina sis faufatk sandan waluk safuluk banwa siginan ngay taw Israel nu glao siginans talun Igiptu, ay gina sis faduak magdanun, Sib fag magdanun, sis faufatk banwa Sulumun nu gfunan Israel.

Tap 12:4

Nu katanya, Yawi masakit nafakamatoan Muisis, Arun ay Miryam, ay kanya nalong te, “Am fag tulu duksuni ay loi sas Yawi at bale.” Ay kanya fag tulu nalao sanya.

Deuterunumyu 1:3

Gina taguna fag menit sis falabi sadik magdanun ay at faufatk safuluk banwa siginan ngay taw Israel nu glao siginans talun Igiptu, Muisis nafoyung Yawi at ngay suguan sa sangay taw.

Deuterunumyu 2:7

Amatangi nu setain nu ggubuk au ayu sas fagayu ay nafakamulun. Au Yawi at nalaga ayu gina am glao si tangayayu fag talun at yud e gbanwan kaduge ufatk safuluk banwa, ay kadugenya diam nayudan nusnge wain.’ ”

Deuterunumyu 2:14

Anfasludan takatanya gina anlangfe tuluk safulu e waluk banwa siginan nu glao tam siginans Kades-Barnea. Ginanya, kafag kasugfunanan ngay taw Israel at ngay tagfawayan anbul kata Yawi at longan.