Takamoyung 9:1 - Fanawbuid tagsibaliwas Fakayabian

¹ Namatangan au fia fagayu nusnge wain, ay nasaful au te, Dius galaga fagayu taw at matuyan ay at ke fagsafulun, anggan at ngay fakamulun. Dewa katanya, kanya fagayu wa saful te, o at fakadasugan ban sa tuas fakafanyun ay mannga sa ways fandotaman.

Takamoyung 9:1 Referans Kwoze

Deuterunumyu 33:3

Anud, Yawi kesug at ngay taw. Kanya galaga at nafili fag ngay taw. Nu katanya, kanya fagayu gfaning ay gfafasludan at ngay suguan.

1 Pedru 1:5

Ay siginan ay fagafanudun, Dius at fagmabalyananun gdiri ayu kaduge am gfanya fakalangfean, at mafalganan takasure ban sa taguyan fag buknga.

Takamoyung 8:14

At maidap stes fagdaul daga tibaginan at masine way fag ngay taw tagafaurianan at faurianan ma sat mauri fag taw. Ay at mauri way fag ngay taw tagbul at famonun laman sat matuyan fag ngay taw. Takatanya wa yangay e masuad.

Ub 12:10

Fagayu at awatan at ngay leleg siwa at daluap, ay anggan taw at engasan.

2 Timuteu 1:12

Ay kanya wan ku fagmaubunganun. Ay dewa katanya kdi kapla, aroro toglag ktua ku fagafanudan, ay antuyan au te, kanya makatu galaga at nafatigwanan sa angku fag Masine fag Barita yakmay ban andasug fakatabuan fag menit.

Isayas 26:12

Yawi, nafae fagmanabayanun tuo emi, aroro fagayu em nafakamulun, siginan tua am gubuk.

Fangatulun 16:3

Fatigwanani sas Yawi fagayu am fagnamakamulunun, ay am ngay algan umfasludan.

Alubad. 31:5

Yawi, ku Dius, nafatigwanan kwan sa emu ku sadili. Falangfei angku, aroro kabavn am ngay longan matuyan tua.

1 Samwel 2:9

Kanya gdiri tua at matuyan fag ngay taw tagbanwan si anya. Dewa katanya, kanya gfabul at mauri fag ngay taw ay gfasas fagmadulumun. Nusnga sinu wa mababo nu siginan way at sadili fagmabitsugun.

Takamoyung 10:14

ay wa gfaragang nu garingang. We taw nasaful takadasug ban, nu katanya, we mainto te, setain ban takadasug nu nbul tam.

Takamoyung 8:16

Kaduge au gidapan gamatangan fagayu takafasludan stes fagdaul daga, nasaful au te, kaksvn kanya ngay taw nu gugatan gfakamulun kayu menit ay yabi.

Takamoyung 7:25

Dewa katanya, gfataglayun au gamatangan ay gfanginsaful, laman umke fagsafulun au ay mafabalus au ku ngay fagintoun, ay laman sumaful au te, se aksvn tagfakamulun at mauri nu yud mamatanganan, ay se aksvn nu mauri at yud mamatanganan at amatanganan.

Takamoyung 7:15

Kaduge au gleleg at yud e masuad, nalag au fagayu nusnga setaw. At matuyan fag taw masakit nu kabul dewa matuyan at fakamulun, ay at mauri fag taw ngaduge nu gleleg aroro sat fagmauriun.

Takamoyung 1:17

Namatangan au fia sabaliwas fagsafulun ay at yud e fagsafulun at fagsamanun, ay nasaful au te, tuy wa yangay e masuad. Kata way nu gfafalo o tagmara ay tuy fagayu wa nke masuad.

Alubad. 73:3

aroro galabian au nu nalag au takamatungudun, ay at mauri fag ngay taw nu nke ngay ramraman.

Alubad. 10:14

Dius, glag way o ngay taw ke maksvn fag fagidapun ay takabalu. Ngay taw at mafanyuan ay at yud e kalongan ya gafanud sa emu, ay ggubuk tuo anya.

Ub 5:8

Nu au di emu, nangakbang kwan sas Dius, laman namoyung sa anya ku kayaunanan.

Alubad. 119:109

Kabavn dewa au gugat gidapan arvs gakabulun kwan, kdi kalyam am faugali.

Takamoyung 9:6

ay nalyam wan nu mafangesug, nu kadotama ay nu gfangalabianun, at ugali gina gleleg. Ay wa yangay saful ya fagayu takadasug stes fagdaul daga.

Eremyas 43:6

Galo yangay sanya anggan ngay mangama, mangena ay sisian, ay anggan fun at ngay baguina, ay Nebusaradan fag tagfangguna ngay tagulit at nafatigwanan sas Gedalya, Akikam at baguama, Safan at fufu. Kanya fagayu nataban yangay Eremyas fag taglong ay Baruk, Nerya at baguama.

Ub 27:12

Dewa katanya, saful oma am tuy fagayu, ay wain fakatanyaun yay ay ngay aringang sa angku, at yud way e fanambagun?

Takamoyung 8:7

Aroro nusnga sinu we saful takadasug, ay we malong te, katanya takadasug.