Takamoyung 8:3 - Fanawbuid tagsibaliwas Fakayabian

³ Lag o gfabayan am fanambagun sas fun ay lag o galo ngay taw tagamatangan at mauri laman gfauri anya, aroro fun e fagmakatuun gfakamulun at fakaylatun.

Takamoyung 8:3 Referans Kwoze

Takamoyung 10:4

Am tagfangguna nu ndotama way emu, lag yap vtv gubun am fanambagun. Nu manabayan tua am amatanganan, gfalyam tua ban dewa maksvn am asalanan.

Daniel 5:19

Aroro sat nafon anya fag fagmabalyananun, fagayu gaban taw sas fagayu talun sas fagdaul daga, tagsaman at ngay fangaringang anlimu anya. Ay kanya gfabul nusnga sinu fag taw at fakaylatun gfabul, ay wa gfabul at fagyudun kaylat gfabul, ay gfae fanambagun at fakaylatun fag taw, ay gfayud e fanambagun at fakauriun fag taw.

Daniel 4:35

Nu gfaladlabian sa anya, fagayu taw sas fagdaul daga kata way nu yud e masuad. Kanya gfakamulun kata at fakaylatun sa sangay tagbarita sas banwa ay sa sangay taw sas wa daga. We mafafaragang anya, ay we mafafalong sa anya te, “Wain am fagnafakamulunun takatanya?”

Fangatulun 14:29

Sik taw at magwanta, e fagsafulun, dewa katanya, tagfangauri fag taw gfalag te, we fagsafulun.

Isayas 48:4

Nasaful au te, maksvn nu yud am gfaning angku. Ay liug nu matugas kata sik sanbung, ay ay dangasan nu matugas kata sik tansu.

Fangatulun 30:31

Ay at fadua, tabag nu maseganama glao. Ay at fatulu, sik tama kambing, ay at faufat, sik fun tagfangguna at ngay tagfawayan.

Fakasigadan 47:9

Ay Akub nabalus te, “Sadik sandan tuluk safulu. Wa ngaduge way ku leleg ay maidap way ku nadalan kaduge au gleleg ste swa daga, ay kwa kaduge ku ngay mangaguyang nu gleleg.”

Fangatulun 24:21

Ku sisian, suyui tua Yawi ay am fun. Lag o gfadgaloan ngay taw takamabo,