Takamoyung 7:9 - Fanawbuid tagsibaliwas Fakayabian

⁹ Lag am gfangauri aroro takatanya at yud way e fagsafulun at ugali.

Takamoyung 7:9 Referans Kwoze

Santiagu 1:19

Ku fakesugun fag ngay faduksay, amatangani. Dungugi masakit, ay lag yap vtv garingang ay kadotama,

Fangatulun 14:17

Tagfangauri fag taw nu nafakamulun we masuad, ay ngayu takauri tagfandaya fag taw.

Fangatulun 16:32

Amasine yap at magwanta, nu gamut sik taw at mabalyanan. Ay amasine yap sik taw nu saful tua gfaragang at sadili, nu gamut sik taw at nangagbilug sik furuan.

Markus 6:19

Ay Erudias maksvn nu kauri Uan ay kaylat gfabul anya, ay wa mafafakamulun,

Unas 4:9

Dius nalong sas Unas te, “O maksvn nu kadotama o at kindasug sanya fag tanum?” Ay Unas gbalus te, “Sabv, maksvn nu kadotama au, fabuli wan angku.”

2 Samwel 19:43

Ngay taw Israel nabalus te, “Ami fag ngay taw Israel safulu tuami kgaban, nu katanya, ay safulu tua ginan nu gtuyan ami te, fun Dabid em kalongan.” Ay ngay taw Uda glong te, “Wain ay fagfalingunun emi? O nunda bunwa ami taguna at nalong te, kasadi yap tam, laman tam fun Dabid yay gugat?” Ay ngay taw Uda nabalus ngay taw Israel at mauri fag ngay nalong.

2 Samwel 13:22

Ay Absalum, deyud e nalong sabaliwas Amnun at nafakamulun fag mapla sat faduksay, kanya maksvn nu kadotama anya.

2 Samwel 13:28

Ay kanya fagayu nu maful wan laman guseganan, Absalum nalong sat ngay fagsuguan te, “Fanyai Amnun nu galangu ay dewa gina ro nu naligbat au ayu, fabuli wan anya. Lag am kalimu; au wan tagsugu ayu. Faksvni ay amatanganan ay lag am gaduanun.”

Markus 6:24

Kafag baguina naduksun ay nainto sat mina te, “Nataw ro ku fagetun?” At mina gbalus te, “Eti Uan Tagfasurung at alfuyu.”

2 Samwel 13:32

Dewa katanya, Unadab, Dabid at mangwai, nalong anya te, “Mesug fag fun, lag o kabalu, bunwa fagayu am baguama at kinbul, Amnun way lang. Ngaduge wan Absalum at algan sas Amnun takatanya, aroro kanya nafakamulun at mauri sat faduksay Tamar.

Fakasigadan 4:8

Sik menit, Kain nalong sat arian te, “Gewan, sa wata sgamasun.” Ay nu ndasug wa sanya, Kain nafabul at arian.

Fangatulun 14:29

Sik taw at magwanta, e fagsafulun, dewa katanya, tagfangauri fag taw gfalag te, we fagsafulun.

Takamoyung 7:10

Lag o glong te, “Wain ebi fagtungudun tua katsi nu manabayan?” Aroro kanya fag fagintoun we masuad.

Fangatulun 25:8

Lag yap vtv nanlong am ngay nalag sas fagfasinean ngay mamalong, aroro setain ro am fakamulun, am iba nu nafapla emu aroro wa matuyan am nalong?

Unas 4:3

Yawi, fabuli wan angku, aroro kaylat kwan nu gfabul o angku nu gamut nu gleleg au.”

Unas 4:8

Ay menit nu nsure, Dius nafadasug sik masugba fag tagmara siginans fakamenitan. Ay maksvn nu maroy, at kaksvnan, Unas arvs anranug. Kanya kaylat wan nu kabul, ay nalong te, “Fabuli wan angku nu gamut ro nu gleleg au.”