Takamoyung 2:3 - Fanawbuid tagsibaliwas Fakayabian

³ Ay nafaskud kwan taguseganan ginum fanlangu. Dewa au e fagsafulun, nafakamulun au kata yud e fagsafulun, aroro namatangan au te, katanya tua siring ngay taw at fakamulun at masine dewa yud ngaduge at leleg ste swa daga.

Takamoyung 2:3 Referans Kwoze

Fangatulun 20:1

Tagfasawe nu gmamaman fanlangu, at rawvg kamalingun ay fagyudun manabayan, nu katanya, nusnga sinu fag taw tagmamaman fanlangu, we fagsafulun.

Takamoyung 1:17

Namatangan au fia sabaliwas fagsafulun ay at yud e fagsafulun at fagsamanun, ay nasaful au te, tuy wa yangay e masuad. Kata way nu gfafalo o tagmara ay tuy fagayu wa nke masuad.

Efesu 5:18

Lag am glanguan, aroro kanya mauri way, nu bunway ugatani laman at Masine fag Falad gbanwan tua si ayu.

Takamoyung 12:13

Katsi, natap wo fagayu, ay kata ya tuy ku fangatulun taguyan: Alimui Dius ay faningi at ngay suguan, aroro katanya galay sik taw at fakamulun.

Takamoyung 6:12

We taw nasaful at masine laman sa sik taw yud ngaduge ay at yud e masuad at leleg, kanya kalyam way kata aninu. Ay sinu at malong sa anya takafasludan ban sas fagdaul daga gina kanya anbul?

Mateu 6:24

“Sik taw wa mafasfuan gfaning duak fun. Aroro kauri ro at sadi, ay kesug at sadi. Ay gfaning at sadi, ay kamabo sat sadi. Wam mafasfuan mafafaning Dius ay sas ramraman.

Takamoyung 7:25

Dewa katanya, gfataglayun au gamatangan ay gfanginsaful, laman umke fagsafulun au ay mafabalus au ku ngay fagintoun, ay laman sumaful au te, se aksvn tagfakamulun at mauri nu yud mamatanganan, ay se aksvn nu mauri at yud mamatanganan at amatanganan.

Takamoyung 7:18

Lag o gfasawe siginan nu gfakamulun o takatanya, fakasakani tua, aroro fagayu tagsuyu Dius wa gfasawe fagayu nusnga setaw.

Takamoyung 2:24

At masine ngay taw at fakamulun gfangon, ginum, ay gfae masuad at ngay nainlufuyan. Nasaful au te, takatanya tua tagsiginans Dius.

Ub 14:14

O nunda sik taw at kinbul, gdog yay ban gleleg? Dewa katanya, gagwanta kwan ku ngay fagidapun yakmay au anlangfe sas fagmanabayanun.

1 Samwel 25:36

Abigail nu nfoli wan sat bale, Nabal anke fagmafulun kata nu sik fun. Nabal guseganan ay galangu. Nu katanya, balabag di ya Abigail nu glong sat mangama sabaliwa Dabid nu namablang anya.

Fakasigadan 47:9

Ay Akub nabalus te, “Sadik sandan tuluk safulu. Wa ngaduge way ku leleg ay maidap way ku nadalan kaduge au gleleg ste swa daga, ay kwa kaduge ku ngay mangaguyang nu gleleg.”

Tagfangguna 9:13

“Ay wat ubas gbalus te, ‘O nunda amasine yap nu nanfunan au ayu, abat ngate nu gfon au sa ayu fanlangu laman sa sangay fagsegan ay sa sangay taw? Duan!’

Alubad. 104:15

Ay kafag ngay taw anke fanginum at malangu laman gfae fagmanabayanun, ay anke langis laman famasine at kamatan, ay anke tinapay tagfabitsug anya fagayu.

Takamoyung 5:18

Dius at nafon antam tam leleg ste swa daga wa ngaduge. Nu katanya, namatangan au te, sik taw masine nu gfangon ay nu ginum ay nu guseganan at nainlufuyan, aroro kanya fagayu, anya wan.

Takamoyung 8:15

Nu katanya, nu sa way angku, amasine yap sik taw nu guseganan kaduge gleleg. We masine ya laman sa anya stes fagdaul daga nu bunway tagfangon, taginum, ay taguseganan. Siginan takatanya kanya guseganan tua dewa gidapan kaduge gleleg stes fagdaul daga Dius at nafon anya.

Takamoyung 10:19

Fakonun ay fanlangu mafae fagusegananun ngay taw, ay salapi mafon nusnga setaw at fagayudanun.