Takamoyung 12:2 - Fanawbuid tagsibaliwas Fakayabian

² Amatangi anya gina menit, magdanun ay galeme gakafalyuun kata linyabu nu nafarum.

Takamoyung 12:2 Referans Kwoze

Isayas 5:30

Ay ginanya fag menit, gina kanya fagayu gfawayan ngay taw Israel, guro kaksvn dagat nu gfawas. Ngay taw nu nadama sa sangay taw Israel at talun, at lagan fagmadulumun way ay fagidapun, aroro sik linyabu daul gfarum at mayamag.

1 Samwel 4:18

Ay kafag taw nu nalong sabaliwas Fagsuadan Nasadian, Eli anfuan way lang siginan at faglunggungan sis tigyangan furuan at sakbawan. Ay at liug an-gatvng ay kanya anbul wan, aroro Eli mataglu ay mafufuama wan. Kanya nu gfangguna ngay taw Israel ufatk safuluk banwa.

Alubad. 77:16

Dius, Dagat Maraska nu nalag emu, gtadtaruyan kata sik taw nu kalimu.

Alubad. 71:20

Dewa o nafadasug sa angku ngayuk fagidapun, nafon tuo angku sik fagmabitsugun. Ay kata au sik taw at kinbul, am fagnamalelegun.

1 Samwel 3:2

Eli wa bangan glag ya. Sik yabi, kanya gtiug sit bale.

Fakasigadan 48:10

Ay Israel wa bangan glag ya aroro mafufuama wan, nu katanya, Use nataban at ngay sisian namakbang sas Israel. Ay Israel naugwan duksay ay nayuk.

Fakasigadan 27:1

Isak mafufuama wan ay arvs wa glag ya. Sik menit, nauro Isaw te, “Faglon.” Ay Isaw nabalus te, “Nataw, ste au mama.”

Mateu 24:29

“Ay nu nlangfe wan kafag faurianan, ‘menit ban umdulum, ay magdanun wa gyamag ya, ay anggan ban ngay galeme katong siginans banwa, ay fagayu ke fagmabalyananun sis banwa muigan.’

Alubad. 90:10

Em leleg at kadugean, fitu wayk safuluk banwa ay nu mabitsug tuami, sitsigons waluk safulu. Ay dewa at manabayan fag ngay banwa nu mabanwan ami, ngayu way em fagafanawaun ay em fagidapun. Anud, em leleg kalyam way masakit.

Isayas 13:10

Ngay galeme ban wa gdamlag ya. Ay menit dewa ansure, madulum way, ay magdanun wa gyamag ya.

Uel 3:15

Ginanya ban, menit ay magdanun umdulum, ay ngay galeme wa gyamag ya.