Takamoyung 11:5 - Fanawbuid tagsibaliwas Fakayabian

⁵ Nu setain nu yud o glag tagmara, ay sik ngenge nu kabia sit mina at ungdan, katanya yangay Dius nu kawat fagayu nusnge wain, wo yangay saful.

Takamoyung 11:5 Referans Kwoze

Uan 3:8

At Masine fag Falad kata tagmara nu glalab nusnga ndaginan, ay dewa o nadungug, wo nasaful te, daginan kanya ay dada ro nu nangadasug. Katanya yangay sas fagayu taw at kinsalug siginan at Masine fag Falad.”

Alubad. 92:5

Yawi, am ngay nafakamulun maksvn nu madulo. Ay wami makatu gamatangan kata am namatangan.

Takamoyung 8:17

Nalag kyangay Dius at ngay fakamulun stes fagdaul daga. Ay nusnga sinu wa makatu gamatangan takatanya. Dewa nusnga setain kanya fag taw at fakamulun laman gamatangan, kanya wa sumaful. Dewa tagsaful fag ngay taw glong te, saful way, at matuyan, kanya wa saful.

Ruma 11:33

Maksvn tua Dius at fagmagalangun ay at fagmamatanganun ay at fagsafulun. We taw nasaful Dius nu gfili, ay we taw matogdungug at ngay balyawvtan.

Isayas 40:28

O nunda yam saful ay yam batang gdungug te, Yawi, at yud e fakatabuan fag Dius, at nawat fagdaul daga? Kanya di kamomuy ay di kalufuy ay we taw saful at amatanganan.

Alubad. 104:24

Yawi, ngayu am nawat! Nawat o kanya fagayu siginan am fagsafulun, ay ankapnu sas fagdaul daga.

Takamoyung 7:24

Kwa nyamag at ngay takafasludan aroro maidap kamatangan. Ay nusnga sinu fag taw we makatu kayamag.

Alubad. 40:5

Yawi, ku Dius, we mafasud emu. Ngayu am nafakamulun at madulo laman sa emi, ay ngayu yangay am ngay algan sa emi at masine. Ay nung kway ro nanlong, kwa mafatap ya.

Ub 38:4

Inda o ebi gina au kawat fagdaul daga at fagtungkudan? Nu e fagsafulun o, longi angku.

Ub 37:23

Wa tam manangakbang sat mabalyanan fag Dius, aroro maksvn nu mabalyanan ay nu matuyan.

Ub 5:9

Kanya at nafakamulun nusnga setaw at madulo at yud e mafayamag, ay at yud katap ya nu gfalangfe.

Takamoyung 1:6

Gtagmara sas fasiunan baliwa fag alvngvdan, ay sanya ginan gtagmara yangay sas fawalan baliwa fag alvngvdan.

Takamoyung 1:13

Nafon au ku leleg laman gamatangan au fia at masine sas fagayu takafasludan ste sfagdaul daga. Ay nalag au te, makalpa fag ngay fakamulun Dius at nafatigwanan sa sangay taw.

Takamoyung 3:10

Nalag au Dius at nafalganan fag ngay fakamulun laman sa sangay taw.

Takamoyung 3:11

Fagayu tuy Dius at nafalganan takafasludan sas fagayu buknga. Ay kanya nafon antam amatanganan laman saful tam takadasug ban, dewa katanya, wa tam saful at ngay fakamulun siginans fagsigadan ay anggan ban sas fakatabuan.

Takamoyung 11:4

Nu gfanya way o gugat at masine fag buknga, wo mafatanum ay wa ban o e faggutluun.