Takamoyung 10:2 - Fanawbuid tagsibaliwas Fakayabian

² At ke fagsafulun fag taw kaylat tua gfakamulun at masine, dewa katanya, at yud e fagsafulun kaylat way namakamulun at mauri.

Takamoyung 10:2 Referans Kwoze

Takamoyung 10:14

ay wa gfaragang nu garingang. We taw nasaful takadasug ban, nu katanya, we mainto te, setain ban takadasug nu nbul tam.

Takamoyung 10:10

Am wase way maglat ay way o nafaglat, fagdaul wa am fagmabitsugun nu gfugfug o. Ay am fagsafulun gfon emu fagmakatuun.

Fangatulun 17:16

We masuad dewa e gfoyung sik yud mamatanganan fag taw, aroro ngap wa kaylat kae fagsafulun.

Fangatulun 14:8

Sik taw at ke fagsafulun, saful tua at fagnamakamulunun, dewa katanya, sik taw at yud mamatanganan, gdaya way at sadili.

Takamoyung 9:10

Fakamuluni am fakamulun kaksvn am fagmakatuun, aroro sa ban at ngay kinbul at fagbanwanan am fakadasugan wo e fakamulun ya. Ay sanya wa yangay e gamatangan ya ay wa yangay e mamatanganan ya ay e fagsafulun.

Mateu 6:33

Abat ngate am gafanawa, ugatani yakman te, setain Dius nu gfagtainan fia ayu, ay ugatani nu gfaning am at fakaylatun, ay Dius gfon ban sa ayu fagayu ay fagayudanun.

Mateu 25:33

Ngay tupa ban gfasa ktua ku siun baliwa, ay ngay kambing gfasa kway ku wala.

Kulusas 3:1

Dius nafadog wan nafaleleg ayu gasfuan tam Fun Isus. Nu katanya, ay fagamatanganun fasai tua gugat sbanwa, sa tam Fun Isus, at malunggung sis Dius at siun.

Fangatulun 15:7

At ke fagsafulun fag taw, gfafagdaul tua at fagsafulun, dewa katanya, at yud mamatanganan fag taw, wa mafakamulun takatanya.