Takamoyung 10:12 - Fanawbuid tagsibaliwas Fakayabian

¹² At ke fagsafulun fag taw at ngay longan gfae fagmatuyanun anya, dewa katanya, at yud e fagsafulun at ngay longan gtaban way anya sas faurianan.

Takamoyung 10:12 Referans Kwoze

Kulusas 4:6

Faylatani nu gkamatoan am, kata sik fakonun at mataba, laman ngay taw kaylat tua gdungugan, ay mafabalus tuam ngay taw nu e fagintoun sa ayu.

Lukas 4:22

Ay fagayu taw kaylat Isus ay andulo aroro at ngay foyungan masine, ay kanya fagayu gidgintoan te, “O nunda kanya bunwa Use at baguama?”

Fangatulun 22:11

Sik taw nu matuyan tua at amatanganan ay malukme nu gfakamatoan, takatanya tua fag taw sik fun at fagadgalangan.

Fangatulun 15:2

At ke fagsafulun fag taw at aringang gfasaful te, e fagsafulun, dewa katanya, at yud mamatanganan at aringang gfasaful te, we fagsafulun.

Efesu 4:29

Lag am glong nusnge wain at mauri, nu bunway at mafagubuk tua ay at mafaksvn ay iba kata at fagayudanun, laman e fanambagun tua sa tagdungugan.

Lukas 19:22

“At tagfayafun nalong anya te, ‘At mauri fag fagsuguan, namaurianan kban emu kata am nafamanlonganan. Nasaful oma o te, sik taw au malimu, aroro gbul au deyud au at nafon, ay ggutlu au, deyud au at natanum.

Mateu 12:35

Sik masine fag taw at longan masine tua, aroro at amatanganan masine. Ay sik mauri fag taw mauri way at longan, aroro at amatanganan mauri.

Fangatulun 31:26

Nu garingang, matuyan tua, ay matuyan yangay at ngay foyungan.

Fangatulun 26:9

At yud mamatanganan fag taw at foyungan kamauri, kata sik tagalangu nu gted dugi.

Fangatulun 19:5

At yud matuyan fag tagfatuyan umfaurianan, ay takamuag wa kalangfe.

Fangatulun 15:23

Sik taw guseganan at famalus nu matuyan tua, kaugat wan at famalus nu si tua fia at kasakan fag buknga.

Fangatulun 12:18

Sik taw tagfangabanganan nu garingang, gfauri way at iba at ngay amatanganan, dewa katanya, at ke fagsafulun fag taw at ngay longan, gfae fagmanabayanun tua at iba.

Fangatulun 10:10

Tagfandaya fag taw at fagnamakamulunun fagmauriun way, ay sik taw tagaringang sas fagyudun e fagsafulun, umfaurianan.

Fangatulun 10:8

Sik taw ke fagsafulun, gfaning tua ngay suguan, dewa katanya, tagaringang sas fagyudun e fagsafulun, at fakadasugan sa ways faurianan.

Alubad. 140:9

Ku ngay fawayan maligung angku. At ngay longan nangus at mauri sa angku umfoli sa anya fagayu.

Alubad. 64:8

Kanya fagayu umfaurianan aroro sat ngay nalong fag ngay mauri, ay fagayu at nalag anya gtadtaruyan kalimu.

Alubad. 37:30

At matuyan fag taw at aringang sa tua gugat baliwa sfagsafulun, ay at longan matuyan tua.

Ub 16:5

Dewa katanya, kwa gfakamulun takatanya, nu bunway ku fagnanlongun sa ayu tagfabitsug tua ay tagfasun ayu.

2 Samwel 1:16

Ay Dabid nalong sanya fag taw at mabulan te, “O wan at ke malong am faginbulun, siginan nu glong o te, nafabul o Yawi at nafili fag fun.”

Takamoyung 4:5

Ngay taw at momuy we fagsafulun, nu katanya, gakabulun wan sas fanlunus.

Takamoyung 9:17

Sik taw at ke fagsafulun nu garingang, masine tua nu kadungug, nu gamut sik tagfangguna yud e fagsafulun nu guro.

Takamoyung 12:11

At ke fagsafulun at ngay aringang kata sik tagalaga fagbaugun at bangko at matares laman galaga at ngay fagbaugun ay kata paku at matarukan. Dius nafon antam takatanya laman tam tagulit.

Takamoyung 5:2

Lag gabanganan nu garingang o. Ay nu namatuyanan o sas Dius amatangani tua. Amatangani te, Dius si tuas banwa ay o ste way o sdaga. Nu katanya, dirii tua nu garingang o.

Takamoyung 5:6

Lag o gasalanan siginan am aringang, ay lag o nanlong sa tagfon fanggalangun tagsis Yawi at bale te, bunwa am algan. Aroro Dius kauri nu nafakamulun way o takatanya ay gfayud e tungkul fagayu am ngay nainlufuyan.