Takamoyung 1:3 - Fanawbuid tagsibaliwas Fakayabian

³ Nataw ban at masuad taw at nainlufuyan kaduge gfakamulun ste swa daga?

Takamoyung 1:3 Referans Kwoze

Takamoyung 3:9

Ay Dius nu nafalganan wan kafag ngay buknga, nataw ya ban at masuad taw at faginkidapanun yay gfakamulun?

Takamoyung 5:16

Ay katatuy ya at mauri nu kamatang gina tam kasalug wa tam e buba, ay anggan ban gina tam kabul wa tam yangay e buba. Nu katanya, nataw ya ban famangsi tam nainlufuyan? Wa ban e masuad takatanya kata way nu gfafalo tam tagmara.

Takamoyung 2:22

Nu katanya, nataw nunda ngay taw at fagmabulun nu gfakamulun gugat stes fagdaul daga?

Takamoyung 2:11

Dewa katanya, nu namatangan au fia ku ngay nafakamulun ay ku ngay nagdalanan stes fagdaul daga, we masuad.

Uan 6:27

Ay fagugatanun gfakamulun dangay sa takadan fag fakonun, nu bunway sa tua at yud kadan fag fakonun tagfon leleg at yud e fakatabuan. Au, Taw at Baguama, gfon au sa ayu takatanya fag fakonun, aroro Dius nafalag sa sangay taw te, ‘Matuyan ku Baguama at fakamulun.’ ”

Mateu 16:26

O e tungkul ro sa sik taw at nagbilug nusnge wain ste swa daga ay at leleg ban sa ways faurianan? Sik taw we famangsi at leleg.

Isayas 55:2

Wain ay fagfangulanun ay ngay salapi sat yud e tungkul fag ngay fakonun? Wain ay fagfaminun ay nalufuyan sat yud mafapsug ayu? Dungugani angku, ay oni at mataba fag ngay fakonun.

Takamoyung 2:19

Sinu nunda at mafatuyan te, e fagsafulun ay we fagsafulun? Nusnga sinu fag taw magbilug way fagayu ku nainlufuyan ay ku nainkidapanan nafakamulun sas fagdaul ku fagmabitsugun ay ku fagsafulun. Ay fagayu ku nainlufuyan we masuad!

Abakuk 2:13

Dewa katanya, ay nataban fag ngay taw at nawat fag ngay bale, kairug way ban, nu katanya, wa ban e masuad ay ngay nainlufuyan. Yawi at Mabalyanan at nafalganan takatanya.

Takamoyung 9:13

E sadi yak fafaskudanan fag fagsafulun ku naylatan.

Takamoyung 9:6

ay nalyam wan nu mafangesug, nu kadotama ay nu gfangalabianun, at ugali gina gleleg. Ay wa yangay saful ya fagayu takadasug stes fagdaul daga.

Takamoyung 9:3

Katatuy at yud masine takafasludan stes fagdaul daga, katanya yay ban fagayu at fakatabuan. Ay bundi lang takatanya; ngay taw at fagamatanganun kaduge gleleg fagmauriun way lang ay fagyudun mamatanganan, ay sanya ginan kanya kabul yangay.

Takamoyung 7:11

Fagsafulun masine kata sik famonun, ay gsud e fanggubukun sas fagayu tagbanwan sas fagdaul daga. Ay at kamafanudan nu ggubuk kata yay salapi. Dewa katanya, tagtungud sas fagayu fagsafulun gdiri tua ngay taw.

Takamoyung 6:12

We taw nasaful at masine laman sa sik taw yud ngaduge ay at yud e masuad at leleg, kanya kalyam way kata aninu. Ay sinu at malong sa anya takafasludan ban sas fagdaul daga gina kanya anbul?

Takamoyung 5:18

Dius at nafon antam tam leleg ste swa daga wa ngaduge. Nu katanya, namatangan au te, sik taw masine nu gfangon ay nu ginum ay nu guseganan at nainlufuyan, aroro kanya fagayu, anya wan.

Takamoyung 4:3

Dewa katanya, gtungud yay nu masine at yud ansalug ay at yud yay nalag at mauri ste sfagdaul daga.

Abakuk 2:18

Nataw ngay fagsegan at fanambagun? Kanya fagayu taw way at nawat siginan sik ngay kayu ay wa maringang.

Takamoyung 4:7

Gdog kyay fia e nalag stes fagdaul daga at yud e masuad.

1 Kurintu 16:16

faningi tua takata kanya fag ngay taw, ay tiba yak taw takata anya taginlufuyan gfakamulun.

Takamoyung 2:18

Ankuri au fagayu ku nainkidapan ste sfagdaul daga, aroro tuy ban fagayu kafamato way sa tagtubus angku.