Takamoyung 1:2 - Fanawbuid tagsibaliwas Fakayabian

² We masuad! Fagayu we masuad!

Takamoyung 1:2 Referans Kwoze

Alubad. 144:4

Kanya kata way tagmara, ay at leleg kalyam way kata sik aninu.

Ruma 8:20

Dius at ngay awatan wa nadasug sas Dius at algan laman sa anya fagayu. Anfasludan takatanya bunwa aroro katanya ngay awatan at fakaylatun, nu bunway Dius wan at ke fakaylatun takatanya. Dewa katanya, at ngay awatan e fagsegun yay,

Takamoyung 5:10

Ngay taw tagfangalabian salapi ay tiba yak ramraman, bunwa ban kabavn nu guseganan. Wa yangay e masuad takatanya.

Takamoyung 12:8

Takamoyung nalong te, we masuad! Matuyan wan fagayu we masuad!

Takamoyung 2:26

Aroro Dius gfae fagsafulun ay gfae fagusegananun, ay gfasik mamatanganan, fagayu tagfauseganan anya. Ay Dius gfon sa sangay taw tagfakamulun mauri ngay fakamulun laman gfaful ngay ramraman ay gfon sas fagayu tagfauseganan Dius. Nu katanya, ngay taw mauri at fakamulun fagayu we masuad. Kata way nu gfafalo tagmara.

Takamoyung 2:19

Sinu nunda at mafatuyan te, e fagsafulun ay we fagsafulun? Nusnga sinu fag taw magbilug way fagayu ku nainlufuyan ay ku nainkidapanan nafakamulun sas fagdaul ku fagmabitsugun ay ku fagsafulun. Ay fagayu ku nainlufuyan we masuad!

Takamoyung 2:11

Dewa katanya, nu namatangan au fia ku ngay nafakamulun ay ku ngay nagdalanan stes fagdaul daga, we masuad.

Takamoyung 2:23

Ay fagayu at nafakamulun kaduge gleleg gfauri way at amatanganan. Nu katanya, dewa sisad yabi kanya wa katiug. Ay takatanya fagayu wa yangay we masuad.

Takamoyung 2:17

Nu katanya, ankuri au ku leleg, aroro fagayu fakamulun stes fagdaul daga at fungfung fagidapun way. Fagayu we masuad, kata way nu gfafalo o tagmara.

Takamoyung 11:8

Nu katanya, kaduge o gleleg manabayani tua. Dewa katanya, Amatangani te, fakabulun kadasug ay kanya ngaduge. Fagayu takafasludan we masuad.

Takamoyung 6:11

Ay kaduge tam gfabadboan, kayu way tam ngay aringang at yud e masuad. Ay nataw at fanambagun takatanya?

Takamoyung 4:8

E sik taw tagsadilian way kaduge gleleg. Kanya we sisian ay we faduksay. Dewa katanya, kanya wa gfaragang nu gfakamulun ay ya guseganan at ramraman. Ay kanya nalong te, “Kwe buknga ya guseganan aroro maksvn nu gfakamulun au. Dewa katanya, kwa ban e fagfatigwanan ya fagayu ku ngay nainlufuyan.” Ay takatanya we masuad! Ay maksvn nu mabalu takatanya fag leleg.

Takamoyung 4:4

Nalag kyangay taw nu gugatan gfakamulun fagayu sas fagdaul at fagmakatuun aroro galabian at ngay iba. Fagayu takatanya we masuad, kata way nu gfafalo tagmara.

Takamoyung 3:19

Ngay taw at kayaunanan kata yangay ngay mela; kabul way. Ay gsud way e engasan, nu katanya, ngay taw we fagmafanagsagun sa sangay mangilafang. Anud fagayu we masuad ya!

Takamoyung 2:21

Aroro dewa o nagwantan nangagbilug fagsafulun sam amatanganan ay am fagmakatuun, kanya ban fagayu gfamato way o sat yud nainlufuyan fag taw. Ay takatanya wa yangay e masuad ay wa matuyan.

Takamoyung 11:10

Lag am gamatangan ay lag am gafanawa aroro fagmabaguamaun kalangfe way.

Takamoyung 4:16

Ay dewa ban yud katap ya at fagfunanun, at fadogan ban fag kasugfunanan wa guseganan anya. Ay anggan takatanya we masuad, kata way nu gfafalo o tagmara.

Takamoyung 2:15

Ay nalong au sa ku sadili te, at yud e fagsafulun at nadalan, gdalan kyangay ban. Nu katanya, nataw way ban ku fagsafulun at masuad? Ay gdog kyay nalong sa ku sadili te, “Anud, takatanya we masuad!”

Ub 11:12

Madulo way yud e fagsafulun nu nke fagsafulun ay madulo yangay sik asnu talun nu griangan sik taw.

Alubad. 89:47

Saful way o te, taw at leleg wa ngaduge, ay kabul way masakit. O nunda am nawat fag ngay taw kata way nu yud e tungkul?

Takamoyung 2:8

Anke ngay ramraman au sanbung salapi ay gintu, ay tiba yak ramraman siginan ku fagagbilugun fag ngay fun ay fag ngay furuan. Ngayu ku ngay tagsaful galubad, mangama ay mangena, ay ngayu yangay ku mangena. Kanya fagayu tagfae fagusegananun sa sik mangama.