Takamoyung 1:14 - Fanawbuid tagsibaliwas Fakayabian

¹⁴ Nalag au te, taw at fakamulun fagayu ste sfagdaul daga we masuad. Kata way nu gfafalo o tagmara, fagayu nusnge wain we masuad.

Takamoyung 1:14 Referans Kwoze

Takamoyung 2:11

Dewa katanya, nu namatangan au fia ku ngay nafakamulun ay ku ngay nagdalanan stes fagdaul daga, we masuad.

Takamoyung 2:26

Aroro Dius gfae fagsafulun ay gfae fagusegananun, ay gfasik mamatanganan, fagayu tagfauseganan anya. Ay Dius gfon sa sangay taw tagfakamulun mauri ngay fakamulun laman gfaful ngay ramraman ay gfon sas fagayu tagfauseganan Dius. Nu katanya, ngay taw mauri at fakamulun fagayu we masuad. Kata way nu gfafalo tagmara.

Takamoyung 2:17

Nu katanya, ankuri au ku leleg, aroro fagayu fakamulun stes fagdaul daga at fungfung fagidapun way. Fagayu we masuad, kata way nu gfafalo o tagmara.

Takamoyung 6:9

Duan, we masuad! Kata way nu nafafalo tagmara! Nu katanya, useganani wan nusnge wain tagsi emu, abat ngate o gamatangan gugat ngay nusnge wain yud e si emu.

Takamoyung 4:4

Nalag kyangay taw nu gugatan gfakamulun fagayu sas fagdaul at fagmakatuun aroro galabian at ngay iba. Fagayu takatanya we masuad, kata way nu gfafalo tagmara.

Takamoyung 4:16

Ay dewa ban yud katap ya at fagfunanun, at fadogan ban fag kasugfunanan wa guseganan anya. Ay anggan takatanya we masuad, kata way nu gfafalo o tagmara.

Takamoyung 8:16

Kaduge au gidapan gamatangan fagayu takafasludan stes fagdaul daga, nasaful au te, kaksvn kanya ngay taw nu gugatan gfakamulun kayu menit ay yabi.

Takamoyung 3:19

Ngay taw at kayaunanan kata yangay ngay mela; kabul way. Ay gsud way e engasan, nu katanya, ngay taw we fagmafanagsagun sa sangay mangilafang. Anud fagayu we masuad ya!

Takamoyung 4:6

Amasine yap fakonun dewa way sik galumut nu manabayan tua, abat ngate ngayuk fakonun ay maksvn nu gidapan gfakamulun ay fagayu wa nke masuad. Kata way nu gfafalo o tagmara.

Takamoyung 12:8

Takamoyung nalong te, we masuad! Matuyan wan fagayu we masuad!