Takabalu 5:6 - Fanawbuid tagsibaliwas Fakayabian

⁶ Ansik ngay fagsuguan ami sa sangay taw Igiptu ay sa sangay taw Asirya, laman e fakonun ami.

Takabalu 5:6 Referans Kwoze

Usea 12:1

Ngay taw Israel gseg at yud e masuad. Fagngabak menit kanya fagayu gfafalo nusnge wain tagtaban anya sas faurianan. Kanya fagayu gtungud yay nu mauri ay nu kamuagan, ay nanangasadi sas Asirya ay talun Igiptu, nu katanya, kanya fagayu gfon sas talun Igiptu langis at yud e famayad.

Usea 9:3

Gubun ban am Israel, Yawi at talun, ay kafoli ban am sas talun Igiptu, ay tiba malao sas Asirya, ay sanya nu kon at masuya fag fakonun.

Usea 7:11

Kanya fagayu kata way sik labikung tagfangafalingunan ay at yud e fagsafulun. Kanya fagayu nananget oma gubuk sa sangay taw Igiptu ay sa sangay taw Asirya.

Usea 5:13

Ngay taw ban Israel ay ngay taw Uda nu nalag nu gidapan gbanwan, Israel nanget gubuk sas Asirya at fun at mabalyanan, dewa katanya, kafag fun wa magubuk.

Eremyas 2:36

Masakit ay malayun nu gtubus am ay fagadgalangan fag ngay talun. Dewa katanya, ay fagadgalangan ngap ban fag talun Igiptu gfapla yangay ayu kata talun Asirya at nafakamulun sa ayu.

Eremyas 2:18

Nataw ay nabul gina am nanangakbang sas talun Igiptu ay sas Asirya? Wain ay fagnasauns Liskung Nilu ay Eufrates?

Fakasigadan 24:2

Sik menit, Abrayam nalong sat fagsuguan tagalaga at ngay ramraman te, “Fasai ku buknga balangbang am daluap.

Esekyel 17:18

Uda at fun nalyam at nasadian sas Babilunya at fun, nu katanya, kanya ban wa kalangfe.

Eremyas 50:15

Am fag ngay talun, uroi faurii talun Babilunya! Damai, talun Babilunya nafababaun wan! Ay at ngay bale tangabat anrasras wan ay at ngay alad anrufa wan. Yawi nafasud sanya fag talun. Nu katanya, fasudi yangay anya ay fakamuluni kata at nafakamulun sa tiba.

Isayas 57:9

Ay nanamuba am langis ay famaebebanglu sa ay fagsegan Mulek. Ay nasugu am at nanrvbvy tibak fagsegan sa tangayayu fag talun, ay dewa sa sangay fagfolian nanrvbvy yayam.

2 Fun 10:15

Yeu nu nalao sanya ginan, kanya nalag Rekab at baguama Yeunadab nu kadasug laman namablang anya. Ay duama nu nakamatoan, Yeu nainto anya te, “O gfadiuganan tuo angku kata nu gfadiuganan au emu?” Ay Yeunadab nabalus te, “Sabv.” Ay Yeu nalong te, “Nu katanya, fatedi angku am daluap.” Ay Yeunadab nated at daluap ay Yeu nafato anya sat sakayan fag faguyudan.

Takabalu 4:17

Gyawyawa wan nu kamanawan ami at kadugean nu gfanya ami em ngay fagadgalangan fag talun nu ggubuk emi. Ay gulit ami gugat si em fagulitan laman gfanya em ngay fagadgalangan fag ngay talun at yud ngap makatu gfalangfe emi.