Takabalu 5:16 - Fanawbuid tagsibaliwas Fakayabian

¹⁶ Wami e fagmatuyanun ya, ay afanyuan way mi lang, aroro anke asalanan ami.

Takabalu 5:16 Referans Kwoze

Alubad. 89:39

Ay nafae yud o e masuad am nasadian sam fagsuguan, ay naiyan o anya siginan at fagmafunanun, kata nu gukas o sik fun at sangbo.

Eremyas 13:18

Yawi nasugu angku te, “Nanlong o sas fun ay sat mina te, ‘Duksuni wan siginan at fagmalunggungan aroro munakbang wan nu gbul siginan at alfuyu at ngay sangbo.’ ”

Ub 19:9

Kanya nafamin wan ku ramraman anggan ku fagmasineun.

Takabalu 1:1

Furuan Erusalem mabaluanan way lang, ebi dewa ngayu at taw. Ebi kanya oma takadungug fag furuan sas fagdaul daga, ay katsi kata way lang sik fagbubayun. Ebi kanya dewa kata sik fun at mangena, katsi kata way lang sik fagsuguan.

At Nafasure 3:11

Munakbang wan nu kadasug au. Bakvdi fia tagsi ayu fag ugali laman ban nusnga sinu fag taw we maago siginan ayu ku fagnamonun ban sa ayu fag famonun.

Esekyel 21:26

Au, Fun Dius Yawi, glong au te, buli wan am fansifig am alfuyu ay am sangbo, aroro katsi, wa kata ya ebi ginan. Ngay tagafalingunan ban umsik mabalyanan, ay at mabalyanan ban fag taw umsik tagafalingunan.

Takabalu 4:13

Andasug takatanya, aroro sa sangay taglong ay sa sangay tagfon fanggalangun at asalanan nu gfabul ngay taw at yud e asalanan.

Takabalu 2:1

Fun Dius natabun furuan Erusalem sik tagbia fag linyabu, aroro maksvn nu kadotama. Kanya nafalyam Israel at fagmasineun, kata nu nafatong sas daga siginans banwa. Ay nafabayan wan at bale.

Takabalu 1:18

Erusalem nalong te, “Yawi matuyan, dewa katanya, kwa nafaning at ngay suguan. Nu katanya, fagayu am, dungugani ay damai ku fagidapun. E nataban wan ku ngay baguama ay ku ngay baguina.

Takabalu 1:8

Maksvn wan furuan Erusalem at asalanan. Nu katanya, kanya ansik mauri. Ebi tagfauseganan anya fag ngay taw, katsi gfalingun wan, aroro sat fakaplaun. Ay at kaksvnan nu kapla kanya gfandeng ay natalyuyan gidapan.

Eremyas 4:18

Ay ngay ugali ay ay fakamulun maksvn nu mauri, kanya wan at fagindasugun sa ayu faurianan. Maksvn nu maidap at kindasug sa ayu fag faurianan! At kaksvnan kata nu natalfus sa ay ngay amatanganan.”

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 2:17

Ngay taw Israel, am yay at nafaurianan ayu, aroro natalyuyan am angku, au ay Dius Yawi at naufud ayu gina am glao.

Fangatulun 14:34

Ngay taw nu matuyan tua nu gbanwan, at talun manabayan tua, dewa katanya, nu nasalanan way, at talun gafaplan.

At Nafasure 2:10

Lag am kalimu at munakbang wan fag faurianan ay fagnadalanun. Amatangani te, Satanas gubung ban ayu tiba laman gfaskud ayu, ay gfaurianan ban ayu kaduge safuluk menit. Matuyani tua gugat anggan sas fakabulun, ay gfasangboan kban ayu, at masuad, gfon kban sa ayu leleg at yud e fakatabuan.

Fangatulun 27:24

aroro ngay ramraman ay fagmafunanun e fakatabuan way.

1 Samwel 7:6

Ay kanya fagayu nu nful wan, nabul mamam ay naugwag sis Yawi at daga salubangan. Ginanya fag menit kanya fag ngay taw wa gfangon laman gdarangin laman gfoyung ay gubun at ngay asalanan sas Yawi. Ay ginanya Samwel nu gfasigad gfangguna ngay taw Israel.

Isayas 3:8

Matuyan, Uda ay furuan Erusalem umrasras wan, aroro ngay taw tagbanwan sanya nafamabo Yawi, siginan nu gfakamulun ay nu glong at mauri. Ay kanya fagayu dewa sis Yawi daga salubangan glong at mauri sa anya.

Eremyas 32:23

Ay kanya fagayu nagbilug kanya fag daga, dewa katanya wa nafaning emu ay am ngay suguan, ay wa nafakamulun am suguan sa anya fagayu te, fakamuluni. Nu katanya, nafadasug o faurianan sa anya fagayu.

Takabalu 1:20

Yawi, damai tua nu gidapan au! Maksvn nu gafanawa au aroro nafadotama au emu. Sa ku ngay dalan ay anggan sa ku basad bale e gfadfabulan wan.

Mikas 6:13

Nu katanya, namamin kban ayu aroro sa ay asalanan.