Takabalu 5:1 - Fanawbuid tagsibaliwas Fakayabian

¹ Yawi, amatangi at kindasug sa emi, ay damai tua em nadalan fag fakaplaun.

Takabalu 5:1 Referans Kwoze

Abakuk 3:2

“Yawi, nadungug au sabaliwa am ngay nafakamulun, ay andulo au maksvn. Fakamuluni yangay sa emi kata ebi am nafakamulun. Ay gina ban o gfalag am dotama, afanyui tua emi.

Takabalu 3:61

Yawi, nadungug o kanya fagayu nu gfalingun angku, ay nasaful o at ngay algan sa angku.

Takabalu 3:19

Kwa magwanta ya at kindasug sa angku fag fagidapun ay fag faurianan.

Takabalu 2:15

Ngay taw tagdalan ayu gifulan ay gfablangan at ngay daluap, laman gfalingun ayu. Kanya fagayu glong te, “O tuy oma fag furuan at nalong te, ‘We gtungud nu masine ay fagdaul daga at fagfanagsagun.’?”

Eremyas 15:15

Eremyas nalong te, “Yawi, saful wayo fagayu, amatangi tua ay gubuki angku. Fasudi sas fagayu at nafauri angku. Saful au te, di o masakit gfangauri. Nu katanya, lag o gfabayan ku ngay fawayan nu gfabul angku. Amatangi ku ngay naidapan laman sa emu.

Alubad. 79:12

Dius, faurianani fitu ginan ngay talun at munakbang si emi, aroro kanya fagayu nafalingun emu.

Alubad. 79:4

Ay at munakbang si emi fag ngay talun at taw kabavn kase gfalingun ay gfae fakaplaun emi.

Nemyas 4:4

Nu katanya, nadarangin au te, “Em Dius, dungugi emi, aroro ngay taw gfalingun emi. Nangus sa way anya fagayu nu kafasludan at ngay algan mauri sa emi. Ay matabanan nangus sa tibak talun laman nangafagsuguan.

Lukas 23:42

Kafag taw nalong sas Isus te, “Isus, amatangi ban angku gina ban o gfagtainan.”

Takabalu 2:20

Yawi, damai tua emi. Amatangani nu sinu am fagfauriananun. At kaksvnan nu kalunus ami, at ngay mina naon wan at ngay ngenge. Ay nafabul wan ngay tagfon fanggalangun ay ngay taglong sim bale.

Takabalu 1:20

Yawi, damai tua nu gidapan au! Maksvn nu gafanawa au aroro nafadotama au emu. Sa ku ngay dalan ay anggan sa ku basad bale e gfadfabulan wan.

Ub 10:9

Amatangani, nawat o angku siginans lutuk, o ay katsi namafoli wo angku sasad lutuk?

Ub 7:7

Dius, amatangi ku leleg aroro kata way sik engasan, ay kwe fagmanabayanun ya.

Nemyas 1:8

“Amatangi ebi am nalong sas Muisis te, ‘Ngay taw Israel, nu dway ban am matuyan sa angku, namasaruayan kban ayu sa sangay talun.

Nemyas 1:3

Ay kanya fagayu nabalus angku te, “Fagayu at kinfoli sas Uda maksvn nu gidapan, aroro tagsit ligung fag ngay furuan at ngay taw, gfalingun anya fagayu. Dasug katsi, Erusalem at alad maiklasan, ay at ngay sakbawan mairugan.”

Alubad. 119:153

Damai ku fagidapun ay falangfei angku, aroro kdi nalyam am faugali.

Isayas 62:6

Erusalem, nafae tagulit au sim alad fag ngay fagulitan. Kayu menit ay yabi kanya fag ngay tagulit di gfaragang nu gdarangin. Am tagdarangin sas Yawi, lag gfaragang nu gdarangin am.

Takabalu 3:50

yakmay Yawi nadama stie sdaga.

Alubad. 74:18

Yawi, amatangi at yud e fagsafulun fag ngay fawayan nu gfalingun emu ay nu gfauri am ngayan.

Eremyas 51:51

Nalong am te, ‘Kapla ami, gafalingunan ami ay gafaplan, aroro tagsiginan tangayayu fag ngay taw nafasuya Yawi at bale.’

Takabalu 1:9

Erusalem at fagmauriun andungug sas fagayu taw, ay kanya wa nasaful at fakadasugan. Maksvn nu malimu at kindasug sanya fag furuan ay we nagubuk ya anya. Nu katanya, kanya nalong te, “Yawi, damai ku fagidapun aroro ku ngay fawayan nababo wa angku.”

Takabalu 1:11

Ngay taw Israel gidapan grvbvy at fakonun. Kanya fagayu nafabangsi at ngay ramraman sas fakonun laman gleleg. Erusalem glong te, “Yawi, damai tua angku, maksvn wan ku fakaplaun.”