Takabalu 4:8 - Fanawbuid tagsibaliwas Fakayabian

⁸ Dewa katanya, katsi kanya fagayu alayung yap sik uing, ay wa katoglag ya si sangay dalan, ay maksvn wan nu maniwang kata sik kayu at kinyango.

Takabalu 4:8 Referans Kwoze

Takabalu 5:10

At kaksvnan nu kalunus ami anke fakasaitun ami, ay maksvn nu garagnat ami.

Ub 30:30

Ku balat anlayung ay anlusi way lang ay ku bilug masugba.

Alubad. 119:83

Kata kway lang sik fagsuadan mamam mawatan fagbaugun at balat at kinkitut wan ay at yud katalin ya, ay dewa katanya, kya nalyam am ngay faugali.

Ub 19:20

Maksvn wan nu maniwang au ay arvs gakabulun kwan.

Naum 2:10

Nu katanya, furuan Ninibe umrasras, umkamin, ay umbalu! Ay fagayu tagbanwan sanya umlimu, ay ummomuy, ay gfandeng ay gtadtaruyan.

Uel 2:6

Nusnga sinu fag taw at nalag kafag ngay liung maksvn nu kalimu.

Isayas 52:14

Ngayu ban takadulo anya, aroro at kamatan gabalungan wan ay wa kata ya taw at kamatan.

Alubad. 102:11

Ku leleg kalyam way kata sik aninu nu kalyam galay sfafun, ay kata sik makmak takagong.

Alubad. 38:3

Anmomuy au, aroro kadotama o angku. Ay aroro sa ku ngay asalanan, ku katagluan wa maugali ya.

Alubad. 32:4

Maksvn nu gfaidapan o angku kayu menit ay yabi, ay ku fagmabitsugun gakaminun wan, kata sik mamam tagakalanggangun wan gina mangune.

Ub 33:21

Nu katanya, kanya umniwang, ay gatagyangun way lang.

Ub 2:12

Ay siginans fakasurayan mangama tulu nu nalag Ub arvs wa natoglag, ay kafag tulu nawayway maksvn ay nagirat at mesa lanbung ay nafasat mesa alfuyu dafug laman gfalag te, kabalu.

Lukas 10:11

‘Gfagfag ami ngay lukbu at kindafut sa em darafa siginan ay furuan, laman sik famasaful sa ayu te, wam gfaning. Ay dewa katanya, amatangani, munakbang wan Dius nu gfagtainan ayu.’